#حب بالاجبار
البارت الرابع والثلاثون
ل وردالعامري
مالكينه شي حلو رجعنه ع الي اجرت منه بدلات حنين اجرنه فساتين
ساره رادت قصير امي مقبلت اول ممنوع صار وطبعا لممنوع مرغوب حاولنه ردنه ماكو
اجرنه فساتين طوال بس حلوه كانت مال سهره امي كالت شلون مفتوحات من فوك
ساره: ماما نحط شالات عود
ام نور: لا اشترن ملابس عوفنهن شنو مصلخات جتوفجن كلها طالعه وصدورجن وين احنه
نور: ماما والله حلوات واحنه بالبيت شبيج
ام. نور: ومن اروح انحني لبنيه اتلبسن جبب فوكاهن وهيه تسحل وراج عوفن لبدلات موحلوات اصلا
حنين: نور شوفي ذيج
نور:وين
حنين: هاي باعي طويله ومقسمه تصير وبس تعاليك. من يم لصدر اشوفها زينه عاديه
نور: اي حلوه ها ماما حبابه
ام. نور: لج يمه وزندوج شبيجن
حنين: خاله يأخذن بليره عليها هسه اني مو اخذت من محل عمي تفيد حته بطلعه تلبس ع شي
نور: اي ماما حبابه وحته اكدر اطلع بيها تره
ام. نور: لاماينطلع بيها لايغرج. المليكان هاي تلزك ع جسم
ساره: هسه اني شنو شأخذ
حنين: اخذي مثل نور بس غير لون هيه بيها ذهبي وتفاحي
نور: اني اريد الذهبي من. هسه
ساره: ان شاءالله تلبسيها وتوكعين ع وجهج يارب
اخذ لتفاحي اني حسبي الله شكول
ام نور: يمه يمه ولج من ازوجج اكتب ع بدله لايرجع ولايستبدل يرجعوج الي بيوم الصباحيه انتي
نور: اخذناهن ورحنه لمحل بابا حازم جان يمه من شافنه سلم وطلع راح لمحله
اخذنه كل وحده بليره واخذنه سيت هدوم ع عرس بيومها احنه الي تسوكنه اكثر من العروس
انصبت لغرفه وجتي سفطت هدومها حنين واحنه ساعدناها جتي بس امها وياها
وكل يوم ننشغل اكثر ونحضر صارت الحنه وسوو للزلم بشارع كراسي واحنه بالبيت بعدين رحنه حنينه حنين
شفت هند بس محاجيتها من لهوسه والخبصه حناها عدي وشويه كعدنه ورجعنه علمود عشه العالم واخوه العروس 3عايفين لبيت وطالعين ببيت حمزه كاعدين يستحون كدام العالم ماعرف بس عادات ان اخوه العروس عيب يتواجدون
طبعا باباكال لامي تعزم اهلها مقبلت كالت ميحتاج درب ووضع موزين
وهمه الهم فتره محد خابر ولااحد سئل من رجعت خالتي لبغداد ولليوم
خلصت الحفله
صح بابا جاب طباخ وعود مكيفين احنه لاطبخ نطبخ ولاابد طلعت لمواعين كافيه
