لماذا خدعتني!💔 جزائرية

الحلقة 1

قاعدة و حاطة راسها بين يديها مش مصدقة لي صرا معاها ، دمرت حياتها به تعيش ختها مليح و مع اللخر تخون الثقة تعها بهاد الشكل الفظيع متوقعتهاش
***نرجعو من اللول و نفهمكم
اسيل طفلة شابة بيضاء عينيها عسليين كبار و شوافرها كي الغابة دايرين بيهم ، شعرها كحل و قصير لكتافها ، دبدوبة ، ماتت يماها كي كان عندها 6 سنين يعني نهار ولدت ختها رسيل ، معندهمش لا خالات و لا خوال لا عمات و لا عمام ، والديهم في زوج الوحيدين تع والديهم ، باباهم ورا ما ماتت ماماهم رباهم احسن تربية و ساندهم في كلش ، كان يخدم استاذ تع رياضيات فالليسي ، كي مات كان في عمر اسيل 16 سنة و رسيل 10 ، جدودهم تانيك كانو ميتين ، كانت اسيل تقرى و تروح تطيب لختها توكلها و تقريها ، و تروح عند جارتهم تسيقلها دارها 3 ايام في الاسبوع و تفرزهالها و تدي خمسينالف للنهار يعني مية و خمسين للاسبوع بالاضافة لدراهم الضمان الاجتماعي من الخدمة تع باباهم ، كانت رسيل تاني طفلة زينة تشبه لاسيل بصح عينيها زرق ، كانت تشوف ختها تتعب و متقدرش تعاونها على هاديك تتلهى بقرايتها و متشكيش بزاف ، حاولو الجيران انهم يديوهم لميتم لكنهم رفضو بالبزاف ، حتى لنهار
******
لبنات هاد كرونيك راني انا الكاتبة تعها جاتني فكرتها في راسي فقررت نكتبها و باذن الله اليوم نكملهالكم نتمنى دعمكم و رايكم فيها و شكرا