القروي والجميلة || مكتملة

بِأّرتّ أّلَرأّبِعٌ

حسن " بنتي من اليوم اعتبريني ابوج واي شي تحتاجي بس كوليلي وان شاء الله ماقصر
حياة " تسلم عمي ربي يطول بعمرك ❤
_____________________

*الريف تبعد عن المدينة ساعة فا تقريب صارلنه نص ساعة واحنه بالطريق وبعد ماصارت ساعة وصلنه الريف . فتحت باب السيارة ونزلت باوعت وكلت صارلي شكد ماجاية هنا تقريب بالسنتين . المنظر جان مينوصف السماء زرگة طوخ والبساتين لونه اخضر لامع والعصافير طايرة ونسمت هوى بارد يمر من يمي عمي شال جنطتي ودخلنا للبيت

سعاد : هله والله نورتي كل الريف بعد عمري والله مشتاقليج ماشاء الله كبرانه

حياة " واني الاشوق حبيبتي عمة هذا نورج

بشرى " ماشاء الله شنو هل جمال

سعاد " حياة هاي بشرى جارتنه

حياة" هله خالة تشرفت بيج

بشرى" الشرف الي حبيبتي والله اول مرة اشوف هيج جمال

حياة" ههههه خجليتني عيونج الحلوات

حسن " هاج سعاد هاي الجنط مالت حياة رتبيهن بالخزانه وخلو حياة ترتاح ترى تعبانه من الطريق

سعاد " تدلل ابو ليلى

بشرى " يله اني راح اروح وسعاد ماوصيج عود تعالي انتي وحياة تعللو يمنه اليوم

سعاد " ان شاء الله بس حياة ترتاح نجي

___________

حياة جنت كلش خايفة انو ماأتوالم ويه بيت عمي بس من شفتهم تغير رأي طبعا بيت عمي عايشين بالريف منطقة حيل حلوة مثل القرية صغيرة وعمي ماعنده جهال بس بنية اسمها ليلى عمرها بكد عمري 19 سنه ماشفته من وصلت لان جانت بالمحل تشتري لبن .

سعاد " حبيبتي تعالي خلي اشوفج القرية مالتنا اكيد راح تعجبج

حياة " يله متحمسة اشوفة

* رحنه اني وعمة سعاد تشوفني القرية طلعنه من الباب الخلفي وجانت اكو حديقة جبيرة كدامنه والشجار كلهه محملة ثمار ويم بيتهم على اليمين جان اكو جبل حيل جبير يفصل بين قريتين

سعاد " هذا البستان والبقر تعود لعمر آغا

حياة" يعني هذا زعم القرية

سعاد " بالضبط هو القائد مالت القرية عنده اربع ولد واربع بنات كلهم مزوجين بس واحد من الولد ما مزوج اسمه (مجد) ولد حيل مشكلچي وشايف روحه لان اهله اغنياء