القروي والجميلة || مكتملة

بِأّرتّ أّلََّسأّبِعٌ

گمت من فراشي وحطيت المخدة بمكاني وغطيته بالبطانية ومشيت على كيف للمطبخ لطلعت سكين من الجرارة وطقطقت على الباب طقتين نوب باوعت على الشباك شفت بزونة سودة تخوف طلعت اركض من المطبخ وصيح

مجد" شكووو شكووو

حياة" جني بالمطبخ

مجد" منو انتي

حياة " شبيك اني حياة اكلك اكو جني بالمطبخ😭

مجد" باوعت على فراشهه شفته نايمه ومتغطية كمت اصيح أبعدي عني اعوذ بالله

حياة" شبيك

مجد" بعدي من يمي لا تتلبسيني ادري انتي جني

حياة " باوعت ذكرت فراشي ركضت وخرت البطانية وطلعت المخدة
مجد" لج هاي شنو الله لاينطيج العافية شسويتي بيه اخ يمه يمكن صار بيه سكر راح موت

حياة" اسفة عبالي اسوي بيك مقلب بس شو اني الي خفت
مجد" ههفف ايمت راح تخلص هل ليلة التعيسة
هسه ولي على فراشج شبيج لازكة بيا

حياة" اخاااف

مجد" اصلاً طارت النومة من عيني من ورى خبالج

حياة" حتى اني راحت من عيني النومة

مجد" اوووف باجر عندي لعبة كرة قدم قريتنه ضد شباب القرية الثانية

حياة" كله بسببي. راح تتأخر

مجد" عندي اقتراح شنو رايج هسه نرجع للريف

حياة " هااا شلون دنيا ضلمة هسه خاف يصير شي

مجد" ماراح يصير شي خليهه عليا ترى ابوية خابرني ورزلني رزاله مرتبه لان مارجعت للبيت

حياة" واللله وكعتك بمشاكل. طيب خلص خلي نرجع

بس خلي اخابر على نور اخلهه تكعد اشوفة قبل لاروح

(بعد دقائق)

نور" هااا حبي راح ترحين بهل ليل والله طريق مو أمان

حياة" والله مكدر ننتضر للصبح لان مجد عنده لعبة باجر ولازم يروح للتدريب الصبح

نور" اوك لعد توكلو على الله وامشو

حياة" يله حبي باااي انتبهي على نفسج وماريد تعيدين هل خطئة ماشي

نور " ولا يهمج وعد ماراح اعيدهه يله الله وياكم

حياة " صعدنه بالسيارة ورحنه طبعا الطريق كله اني نايمة وبعد ساعة وصلنه القرية وجانت السماء ستوهه مضوية وجو بارد نزلت من السيارة ورحت بصف مجد وشكرته على كلشي وبعدها رحت للبيت