القروي والجميلة || مكتملة

بِأّرتّ أّحٌدِئ عٌشٍر

مجد " طلعت من البيت مستغرب رحت بتجاة المكان الي دائما نجتمع بي

حياة " واخيرا جيت

مجد " شكو شغلتي بالي؟ ؟

حياة " صدك تريد تسافر للاردن

مجد" منو گالج

حياة " باوعت بعيونه وكتله جاوبني عل سؤالي

مجد" اييي راح اسافر بس ليش تسألين

حياة" انقهرت حيل بالگوة سيطرت عل دموعي
لاتسافر

مجد " ضحكت وكت وليش ماسافر

حياة " ضليت ساكتة

مجد" قربت عليه ولزمته من ايدية
انتي تحبني لولا احجي الصراحة حتئ اعرف شلون اتصرف لاتخليني ضايع

حياة " گلبي گام يدگ الف دگة

مجد"  اريد اعترفلج بمشاعري اني احبج ومن اول لقاء بينه دخلتي گلبي صرت ليل ونهار افكر بيج حاولت اعتبرج مجرد صديقة بس مگدرت احس يومي ناقص اذا ماشفتج انتي مثل العلاج دخل بجسمي انتي الوحيدة الگدرت تنيم الوحش لبداخلي
اني احبج ياحياة كوليلي انتي هم تحبيني لولا اذا متحبيني گوليلي واوعدج ماراح تشوفين وجهي مرة ثانية

حياة " احس الدنيا وكفت اتمنئ احضنة وبوسة بكل قوتي لان بس يمه احس بالامان  ذكرت من نام بيتنا وشلون خوفته بالليل واذكر اول مرة شفته بيه عل الشارع
باوعت بعينه بكل حزن وكلته أسفة مجد اني ماعندي مشاعر تجاهك واتمنالك حياة سعيدة بلأردن  وبعده عفته ومشيت وماباوعت وراية

مجد " عافتني ومشت جنت اتمنئ تكلي اني هم عندي مشاعر اتجاهك بس مع الاسف موكلشي نتمنئ يصير
رجعت للبيت دخلت عل غرفتي فتحت خزانة الملابس وبديت أرتب ملابسي بجنطة السفر اخذت كلشي أحتاجة وبعد ماكملت ترتيب فتت للحمام سبحت وبدلت كعدت بالحديقة انتضر تصير الساعة بالستة حتئ اودع أهلي وروح للمطار

حياة " جانت اصعب ليلة بحياة اني احب مجد حيل بس قررت مااهتمله قررت اعتبرة مو موجود والسبب هو انو اخاف اخسرة لان كل الاشخاص الحبهم كاعد اخسرهم. وأولهم أهلي. طبعا رجعت للبيت وذبيت نفسي علئ سرير النوم حضنت مخدتي وبس ابچي دموعي بللت المخدة

"""بعد مرور ثلاثة ساعات """

عمر آغا"  عفية أبني مجودة انت سويت الصح
أن شاء الله تتوفق بشغلك

مجد" سلمت عل أبوية وامي وأخوتي ودعتهم كلهم
وصعدت بالتكسي وأجه وياي عمران حب يوصلني لمطار بغداد وبعدها مشت بينا السيارة