احنا في زمن العجايب!
الشتايم فيه علامة حب دايم.
موهومين انها طريقة لهد حاجز رسميات.
و هم بأديهم بيهدوا مبادئ اخلاق.
و شتيمة تجر التانية وقعوا خلاص في الحرام.
بين كل صاحبين في تأشيرة "يا ندل يا عبيط يا حمار"
و يقولولك كدا بقينا انتيم !
كل واحد بدأها بأستغراب..
سكت.. خاف يحس بأختلاف.
بدأ يقبلها عليه بعدين قالها بعنيه.
و بقت حروفها سهله بعد ما كانت تقيلة و كتيرة قد حب الرمان.
و لو نسأله في يوم أتغيرت ليه ؟
يفردلك ضهره و يعوج بقه و يقولك
دي 2014 يا حضرات!
احنا في زمن العجايب.
الي فيه مش طايقين بعض على وشهم إبتسامة صفرة و كلام غزل مليان نفاق و تضليل.
و يقولك موضة إستايل مجاملات و تجميل!
لا يا سادة دي مش عصرية ولا انتم كدا راقيين..
دي فوضة و هم كبير.
تقليد سخيف عمره ما هيبقا روتين.
و أخرته اكيد افظع من القديم.
احنا في زمن العجايب.
إمتحان كبير ملهوش ملاحق.
و يا خوفي ليسقط فيه التلميذ..
أنت تقرأ
خواطر
Poesíaانا لست محترفة او ماهرة في كتابة الشعر و لكنني فقط احببت مشاركة اشعاري و خواطري معكم سواء كانت عامية او بالفصحه و اتمنى تعجبكم ^-^
