بيت أمير
أمير : مساء الخير .. ايه اخبارك ؟
أحلام : مساء النور يا حبيبي ، الحمد لله هاا خلصت شغلك ؟
أمير : اه كله تمام ، كمان قابلت صاحبي وحضرت معاه حفلة لتامر حسني
أحلام : طب كويس اوي .
أمير : فين بابا ؟
أحلام : قاعد في الحديقة بيشرب قهوته .. روحله بس هو متعصب شوية .
أمير : ليه ؟
أحلام : مش عارفة .. قالي لما يرجع أمير .
أمير : ده مستنيني .. أنتي نازلة ؟
أحلام : اه رايحة مع صحابي عند الكوافير .. في قصة شعر شفتها هتجنني .. هعملها .
أمير : ماشي وانا هفضل مستنيكي على نار 😂
أحلام : سلام .😂
---------
أمير : يا مساء الخير على احلى أب في الدنيا دي
زاهي : اقعد يا أمير
أمير : اه دخلتك مش مطمنة 🤦♀️
زاهي : كويس انك خدت بالك
أمير : في ايه يا بابا .. انا عملت حاجة ضايقتك ؟
زاهي : عمك مراد زعلان منك .. عارف ليه ؟
أمير : لأ مش عارف
زاهي : بيقولي إن رغد بتتصل بيك وانت مش بترد عليها ولا مرة حتى فكرت تكلمها وهي البنت مكنتش عايزة تقول بس خلاص زهقت من تصرفاتك .. ممكن اعرف ايه السبب ؟ ليه مصمم تبوظ علاقتي بأقرب صديق ليا .
أمير : مكنتش فاضي .. مشغول في الشركة وكمان في الشركة التانية اللي هنفتحها ورحلة سفاري وتنظيمها .
زاهي : كل مرة بتكون مش فاضي .. وبعدين هتخلي الشركة التانية حجة بقى ولا ايه ؟
أمير : انت اللي طلبت مني اني اتابع كل حاجة خاصة بيها ولسه بدور على مهندس ديكور شاطر .. انا مش فاضي وبعدين أنا نفسي اعرف .. انا ليه مطالب اني اكلمها وارد عليها ولآ كأنها خطيبتي دي لو خطيبتي مش هتتصل بيا بالشكل ده .
زاهي : انت عارف كويس هي بتتصل بيك ليه ومهتمة ليه
أمير : والمطلوب مني ؟
زاهي : تهتم بيها
أمير : اه اسيب بقى أنا الشغل واللي ورايا واهتم بيها .. صح ؟
زاهي : انا مقولتش كده اشتغل وخد وقتك وسيبلها هي كمان وقت .. مينفعش يكون وقتك كله للشغل وبس .. ده انت حتى عمرك ما دخلت في علاقة و ومش في دماغك انك ترتبط وتتجوز .. كل واحدة بتقرب منك بتزهقها منك لغاية ما بتتطفش .. ليييه ؟
أمير : بابا .. قولتلك كذا مرة اني مش هتجوز اي واحدة وخلاص .. انا عايز أحب واحدة احبهاااا وتحبني ولسه ملقتهاش .. لما الاقيها هتجوزها .. خلاص
زاهي : يعني انت مش بتحب رغد ؟
أمير : لأ مش بحبها و عن اذنك اقوم ارتاح شوية عشان بردو ورايا شغل .
زاهي : اتفضل ... مفيش فايدة فيك ابدا .
-----
بيت ليلى
ليلى : كالعادة محدش موجود .. انام بقى شوية
وبعد ساعة ..
ليلى : ايه الصوت ده ؟ وفتحت باب اوضتها وخرجت
ليلى : ماما .. انتي جيتي ؟ .. ااااه واغمى عليها
جارة1: حرامي.. يااا جماعة .
جار2 : حرامي ! .. يتبع
أنت تقرأ
حقائق كاذبة 🥀
Randomتدور أحداث القصة عن فتاة وحيدة تعاني من خلافات بين والديها منذ صغرها و التي القت بظلالها عليها من اهمال وافتقارها لحبهما وحنانهما و تقابل شخصين في توقيت وظروف مختلفة وتحدث تغيرات كبيرة في حياة كل منهما ليصبحوا لا يعرفون الحقيقة من الكذب . Author :...
