هما سبع بنات عايشين مع بوهم فالغربة يموت بوهم فحادت سير مدبر يلقو روحهم بلا حماية و يضطرو يرجعو بلادهم و يلجؤ لجدهم لي عندو مشاكل مع باباهم فالماضي باش يطلبو حماية شا غادي يصرا زعما يقبل باش يحميهم
شجعوني بليييز
كانو يتمشوا و يشوفو في بلدهم لحدة حسو بدفئ تع بوهم و مهم شمو ريحتهم فهاد بلاد ملي خرجو صباح و هما أي بلاصة يروحولها يشوفو ناس يضحكو معاهم و يرحبو بيهم عكس في تركيا ملقاوش هاد طيبة لي كاينة هنا في بلدهم هما حياتهم عيشين مع أتراك في غربة جامي ما تعاملو مع أشخاص طيبين و كرما كيما هنا في بلادهم ألين : مانيش مأمنة بلي كاين ناس هاك عشق : حتى أنا علابيها بابا و ماما كانو يتعملو مع ناس كيمن هاك ناس كانت تحسب تصنع بصاح هاد شي بسكو كبيرن فمجتمع كريم و متواضع همسة : شفتو شفتو كنت نقولكم أنا بلي مكانش كيما بلادنا شيلا : ها هي بدات رينا : كنت نشوف في واحد بلايص فانترنت روعة بزاف مكانش في بلاصة و حدوخرة فالعالم نشاء الله غي نستقرو نديرو رحلة ياكو ؟ عشق : نشاء الله بهاء مانيش عارفة شا دار أمار : عشق بركي ما قاعدة تخمي تقبلوما صحا ما تقبلوناش رانا عايشين في رحبا متخصونا والو أنا عجبتني هنا واو هدا غير نهار لول شفتو شعال من واحدة جات تصورت معايا كنت حاسبة معنديش شهرة هنا شافو فيها و طرطقو بضحك هما فاش يخمو و هي فاش تخمم أمار :هلاش راكم تضحكو بلعمي غي نهدر تضحكو رينا : أمار أنا مشهورة عليك شتي شعال تصورو معايا منك و قعدت تلعب بحواجبها أمار عوجت فمها نينني نيني همسة: دوك تشوفو نولي نغني و ننشعر قاع عليكم ألين : خلونا من هاد هدرة خويا دروك و قلولي منفطروش ؟ جوعت أنا ملاك : ايه انا تاني جوعت في خطري ناكل حوت عشق : هظا مكان ندي برنسيس تعنا تاكل حوت شيلا : عشق حمبوك دينا للبحر ناكلو لحوت و نهودو بحر ياك معدنا والو رينا : واه واه نروحو بحر عشق : صاحا هيا ركبو فلوطو لي كانت من نوع مرسيدس من نوع فيتو بشوفور هما ما يبغوش شوفوغ و هاد صوالح يبغو دايمن يكونو بسطين في كلش بصاح ميعرفوش واحدهم غي قاد ما يوالفو نخلوهم و نروح لقصر عزوني كان مجمع فصالة يستنى فيهم حتى جات خدمة و قتله تفضل معايا جا خارج يتبعهاو هو يصدم في واحدة كي طلع راسه تبلوك وسام : سمحلي خويا و خرجت تجري بهاء : قعد يشوف فيها حتى مولتش تبان فاق على صوت تع خدامة مسيو تفضل راح تبعها و هو عقله في بلاصة وحدوخرة دخل مكتب لي كان فيه كي فوتويات و تزيد تدخل داخل تلقا بيرو لقاهم مجمعين يستناو فيه مجمع سي توفيق و مدورين بيه ولاده و أيهم مجمع داير كرع فوق كرع و حاط يده تحت وجه يشوف فيه من فوق لتحت و أصيل و يوسف مجمعين ملهيه اونفاص ليه بهاء : سلام عليكم . ردو عليهو عليكم سلام وقفة راح سلم عليهم باليد و جمعو بهاء : نتمنى مانكونش عطلتكم سمحولي أيهم : تبسم بالسخرية معليه تفضل خويا بهاء : أحم أنا بهاء محمودي محامي قطعو أيهم ايه علبلنا قلنا شاكين بهاء : احم شاف فسي توفيق هو فالحق أنا راني جاي بخصوص وحد موضوع نتمني منكم متقطعونيش حتى نكمل مانيش عارف كيش غادي تكون رظت فعل تعكم يوسف : ها هدر خويا عيتني تم تم تكاكا كي قرصه أصيل احم بهاء : مهم أنا جيت بخصوص مسيو براهيم أنا محامي تعه سكوت خيم على جميع و تلفتو ل مراد مراد : ناض من بلصته بلخف براهيم دار شاف فيه سي توفيق عارف بلي أكتر واحد كان متعلق براهيم هو مراد نطق جمع مراد كمل شا كاين علاه واش هو موضوع لي رسلك نتا و مجاش هو بهاء : بانت علي ملامح توعه حزن و قال للأسف سي براهيم توفي من 6 شهور لحظات قبل ما يستوعبو خبر لي جاهم سي توفيق : مات ولدي مات مراد : خويا مات و حنا ماشفناهش من 26 عام طاحت دمعة حارة صدمة كانت بادية على وجهم أيهم لي كان جالس داير كرع فوق كرع ناض جمع نيشان يعقل خاله غاية كان يبغيه و كان يقعد معاه بزاف كان يخرجو هو عمه و باباه و عمه حسين يرحو بكنيك ولا يروحو يصيدو و شعال تأزم كي راح و قتله يماه متعودش تجبد عليه راح و مايوليش كان عندها صح معودش شافه أيهم : موجه هدرته لبهاء كيفاش مات وعلاه معلمتوناش بهاء : مات بحادث سير و هادا علاه جيت باش نقولكم وصية تعه أيهم : واش من وصية وغلاه راك جاي من مورا 6 شهور بهاء : كانو بناته عاد يمرو بأزمة نفسية سي توفيق فطن : حفداتي وين راهم باغي غي حاجة من رحته دروك لي افكره بيه معاش معاه بزاف ندم على نهار لي تبرا منه و مقبلش باش يتزوج مع مرته بهاء : هدا هو موضوع سي براهيم كامتش موتة نيشان مات مقتول صدمة صدمة جتهم صدمة مور صدمة ناض حسين شكون قتله نطق بهاء : كان شريك مع واحد فوحد شركة تصدر دوا لدول نامية و مسيو براهيم الله يرحمو كي فقلهم بلي راهم يتاجر فالممنوعات و يدخله مع دوا بغا يكشفه قتلوه و كان حاس قبل ما يقتلوه بلي غادي يقتلوه بسكو حتى من بعد عرف بلي شريكه يلعب مع ناس وعرين مايقدهمش أصيل : على مخبرش لا بوليس ولا بهاء كان تماك عرف بلي مافيا فيها رؤساء كبار من رجال دولة من مختلف دول مهم دروك فالموضوع بنات سي براهيم حياتهم في خطر و وصية سي براهيم قبل ما يموت يرجعو بلدهم و يعشو وسطكم سي توفيق : وين راهم علاه مجاوش بهاء : جيت باش نعلمكم بكلش باش نجبهم أيهم : شاف في جده و جده شاف فيه و نطق أكيد تجيبهم بنات عمي هادو بلا وصية من عمي كن عرفنا كنا نجو ندوهم بهاء : شكرا بزاف نشاء الله غدوة نجيبهم أيهم : علاه ماشي ليوم بهاء : جاو لبارح من سفر راهن عاينين راك عارف نشاء الله غدوة نيجبهم سي توفيق : نشاء الله غدوة رانا نستنوهم فالعشا بهاء : ناض صحيت سي براهيم غدوة نشاء الله ناض أيهم : نقد نعرف نتا شا تكون بالنسبة ليهم بهاء : فهمه بهاء شا يمعني تبسم و جوبه عدني خوهم كبير مسيو ابراهيم الله يرحمو كان اب روحي تاعي متخممش نخاطر بحياتي و منخليش خاجة تقيسهم أصيل : نطق شكرا مسيو و خرج معاه يوصله هو و يوسف فالمكتب مجمعين تحت صدمة من بعد 26 عام جاهم خبر عليه و يرتو ما جا خبر هاك مات ماغديش يشوفوه لي كان محطم بزاف و مدرار هو مراد كان عداه ولده سي فغي دابزو و كان زعفان عليه لي مصرحاهش بلي يبغي ياقوت و كن قاله كان غادي يعونه هو عزيز عليه يعقل عليه غاية كان عده ولده ماشي غي خوه ناض خرج و مزال مصدوم سي توفيق مجمع و يخمم كن غي متبراش منه و خلاه حداه قاع يغلطو و هو مدارش حاجة كبيرة هو بغا واحدة و تزوج بيها و هو شا دار راح تبرا من ولده ها هو مات و ماشفاهش محسش كيفاه خرجو كل واحد راح بلاصة يخمم في براهيم لي شعال ما شفوهش و كي سمعو بيه وصلهم خباره وصلهم مات و مات مقتول ناض سي توفيق من بلصته طلع عند مرته كي غادي يقولها ولدنا مات و هي كل خطرة كانت تبكي عليه بلا ما تبين حتى واحد ملي راح ولدها بسمة راحتلها أصعب لحظة في حياتك هي كي تقول خبر ماشي مليح و راك عارف شغاظي يصرا من موره أرئكم و توقعاتكم مرت مراد سهيلة (مامات أيهم)👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مرت حسين 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حسين 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مراد 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
