حكاية بنات

08

يوسف علابالكم رينا مهندسة ديكور كبيرة و هي غادي تسقم جناح تعهم
رينا ضحكت و جوبته مهندسة ديكور كبيرة جاع ههه راني عاد نقرا
وسام حقا شا تقرو شعال و شعال سن تعكم
عشق تبسمت أنا عنظي 25 عام نقرا طب
شافو فيها كامل
وعظ واو زين و عقل و تربية و زيد طبيبة و دارت عند أيهم غمزته
أيهم :تبسم و فهمها شاهي تمعني كشف روحه ناس كامل عرفت بلي راه يشوف فيها
ضحكت عشق و هو زاد غرق فيها
نطقت ألين أنا عنظي 23 عام قريت إدارة أعمال و كنت نخدم مع بابا فشركات توعنا
جود: واو سيدة أعمال و صغيرة الله يبارك راني غي نزيد ننصدم كملو
أمار : احم أنا بكل تواضع راهي تهدر معاك أفضل مصممة أزياء عالمية مستقبلا و
ألين : كملت لا و شاه أكبر يوتبورز مشهورة عالميا
رينا : كملت أكتر واحد دير لي ستوري و لي سناب
همسة نطقت و أكتر واحدة عندها سبابط فالعالم
شيلا : بلا منقولكم كمية فانز لي عندها
أمار بلعمي متخلونيش نعبر على روحي اوف
عشق : هههه أمار تقرا تصميم و نشاء الله نويا تحل ورشة
نخلعو فيهم كيفاه يهدرو بيناتهم
نطق يوسف أمار تبغي تعبري على روحك فأي وقت راني هنا و غمزها
أمار تبسمت
رينا أنا علابالكم نقرا هندسة ديكور و عارضة أزياء و عندي 19 عام
وعد : واو عندنا بنات العم والله غي مشهورة و ختها و همسة شعال عندك نتي
يونس كان حاط راسه سمع اسمه طلع وجهه مركز معاها
همسة : أنا عندي 17 عام و هاد لعام عندي باك و باغيا ندير فنون جميلة
جود : يا عمري شي ايز كيوت 17 عام تباني شويا كبيرة على سن تعك
همسة : ضحكت ايه قالوهالي
نطقت شيلا : أنا عندي 15 عام نقرا فاليسي
ملاك : أنا ملاك عنظي 7 سنين و ندير لادونص كلاسيك
ضحكو عليها كامل دخلت عمتهم تعلمهم عشا راه واجد ناضو يتعشو مجمعين فطابلة و أول مرة طابلة تكون فيها ضحك و لعب ماشي كيما مداري من بعد ماكملو لعشا جمعو عاود فالصالة حتى نطقت عشق حنا نروحو
حيزية بخوف : وين تروحو
سي توفيق : ماشي تفهمنا تقعدو ولا بطلتو
عشق : لا غي نروحو ليوم ماناش جايبين صوالحنا ماكناش دايرين حسابنا
مراد : ماعليش باتو هنا و غدوة جيبو صوالحكم
نطقت وعد واه قعدو نباتو و نسهرو في رحبا كامل
عشق : شافت في خواتتها تدي موافقة تاعهم لا قات موافقة من عندهم قالت صاحا
جود : ياس أرواحو معايا نمدلكم حاجة باش تقعدو مريحين و نهود نصهرو كامل في رحبا
فايزة : جود بلاك راهم عاينين خاليهم يريحو
ألين : لاماعليش حنا مدابينا
وعد : هيا هيا
يوسف : سما فيها سهرة ليوم حتى لصباح
شا فو فيه نطق سي توفيق بنات غادي يسهرو و نتا علاه خاليهم وحدهم حط راسه و ولاد قعدو يضحكو  عليه بالشويا  على حرقة لي داها
أسيل : هيا نوضو
وسام : أنا غادي نوجد صوالح باش نسهرو
نطق بهاء لي سهرة كامل و هو يتبع غي فوسام حتى حشمها و مخالهاش تقعد فرحتها
بهاء : احم أنا نروح عشق غدوة نفوت عليكم باش نقضو شا تفهمنا
نطق أيهم بشويا عصبية علاه تفوت عليهم
شاف فيه بهاء :و جوبه باش يكملو صوالحهم و داخلا قربت باش نسجلو همسة و شيلا و ملاك
أيهم: هادو عليا نديرهم فالمدراسة مع إياس و براهيم باش ما يقعدوش واحدهم ياك و شاف فالبنات
همسة واه مدابينا باش منقعدوش وحدنا و شافت في ختها معليش عشق
عشق شافت فيها و تبسمت ايه بيان سوغ مدابيا باش نقعد مهنيا من جيهتكم
أيهم شاف في بهاء شا تاني
جا ينطق بهاء سبقاه سي توفيق لي حاس بحفيده ماشي موالفه هاك جاه مبدل أيهم ولدي خالي ولد راه عيان يروح ليوم و غدوة يجي و تفهمو في رحبا
أيهم :احم صاحا
بهاء: دار عند بنات تصبحو بخير جوبه بابتسمة دار شاف تاليا فوسام لي حشمت و حطت عينيها و خرج ناضو بنات مع جود و أسيل يبدلو قشهم  داو من عند بنات عماتهم  و وعد راحت تشوف رجلها لي نسته جاع نهار و وسام راحت توجد صوالح سقايط باش يجمعو يسهرو و شيرين و ختها ختافو عن أنظار من مورا عشا  ولاد جمعو فالصالة يهدرو أما كبار طلعو يرقدو
فالصالة ولاد كانو يهدرو
يوسف : صدمة كبيرة واحد يكون مجمع هاك حتى يدخلو عليك سبع بنات حور جنة و يقلولك هادو بنات خالك شاشرة حنا أكتر ولاد محظوظين فهاد عالم غي من و نتزوجو
أيهم : بعصبية  يوسف شا قولنا
نطق يوسف : خويا هاد هدرة ماشي عليك زعما نتا متزوج راني علينا حنا  لعبلاه بحواجبه
أيهم: كان نايضله زاد تعصب
يوسف : خاليك في بلاصتك و الله مراك نايضها جمع أيهم في بلاصته كمل يوسف بصاح حنا باغبين نتزوجو بلعمي و زيتنا فدقيقنا شاف فيه أيهم
أصيل : راك تحوس عليه نتا كي نوضلك تولي دير كي دجاج
ولاد ضحكو عليه حتى أبهم و تبسم
يوسف : مراني نقول في والو أنا غي قلت صح شاف في أيهم و بتلميح  صاحة شفتو  شفتو عشق زين و قرايا و آداب شاف فيه أيهم صاي فاض بيه كاس عرف نقطة ضعف تاعه حاس روحه يغلي من ظاهل كيفاش يهدر عليها كيمن هاك و هو أصلا راه كراه حياته ناض حكمه من قاشه
أيهم عاود شا قلت
ناض أصيل يضحك عليهم بسكو علاباله خوه غادي يجبها في عظمه 
يوسف نزعق نزعق و اله زعما ني نقول كامل شابين شفت حتى ملاك شابة طلقه أيهم و كمل بصاح باينا مرت خالي  كانت توخم على نوتيلا نتوما  شفتو هديك صغيرة لا ماشي صغير وسطانيه سموها همسة واقيلا يونس طلع راسه يجري ناض عنده
يونس نتا ما بغيتش تحشم  و راح حكمه باغي يضربه ولاد فاقوله كامل قعدو يشوفو فيه
يوسف : شاف فيه من بعد فهم أه قول هاك سما لعبينها خاطينكم عيب عيب بنت صغيرة علييك راها قريب قاد خوك صغير
يونس : بلع فمك
أصيل : يضحك و يسلك في خوه
كي سلكه و جمعو شافو فيه و قاعدو يضحكو
يونس: علاه راكم تضحكو غي غي ما غي ما بغيتش عليها بسكو مزالت صغيرة زاظو قاعدو يضحكو كمل هو ماشي صغيرة بزاف
فوق عند بنات لي مدتلهم جود و أسيل باش يبدلو و خالوهم على راحتهم و قللهم تلقونا تحت بدلو و هودا بقات ألين و شيلا لي ما بغاتش تهود بغات ترقد و ملاك ل كانت راقدة  خرجت ألين من شومبرا هودت تحت تحوس عليهم تودرت طاحت فصالة عند لولد كانت داخلة حتى سمعت يوسف يهدر على ختها عشق و كي ناضله أيهم و كي هدر يونس
فالصالة
يوسف بصاح و الله ولاد صح أنا بعدك يمات نقول جدي يخطبلي شافو فيه كامل يستنو شكون
أوس :  شكون فيهم
يوسف : شد قلبه أمار أمار اه ربي ملايكة هودة من سما
أصيل : يوسف هاظو بنات خالنا ماشي زعقا عدنا علابالك خويا أمانة تع خالنا الله يرحمه و حنا نحموهم و أنا عارف خويا كي داير غي تاع نسا
ألين قاعدت تشوف في أصيل كيفاش خايف عليهم حتى من خوه حست بحاجة من داخل تم تم فطنت و طبطبت و دخلت
ألين : احم نتبهولها
يوسف : ألين دخلي مرحبا مرحبا باينا معجتكش قعدة مع بنات و جيتي تقعظي معانا ضحكت ألين
أصيل : خوصك حاجة ألين
ألين : حست برجفة كي هدر معاها احم واه مالقيتش بنات وين راهم معليش تورولي
أصيل : ايه اكيد ارواحي معايا
جاو خارجين دارت ألين تفكرت حاجة دارت عند يوسف
ألين : يوسف شاف فيها يوسف نسيت ماقتلكش عندي حزام كحل جيدو و هوياة تاعي فأوقات فراغ ملاكمة و خطرة على خطرة نبغي نتعلم في كاش واحد و غمزته و خرجت
يوسف : سرط ريقه زعما شاه
شافو فيه و قعدو يضحكو عليه
أيهم يضحك : سمعتك تهدر على خواتتها باينا
يونس  : شاحلك تستاهل
يوسف : زعما تكون سمعتنا هههههههه بدا يضحك شافو فيه زعما مالك كمل يوسف يهدر الا سمعتني نهدر سما باينة تكون سمعتكم نتوما تاني أيهم و يونس تم تم جمعو ضحكة
أوس : ههههه ما فهمتش نتوما راكم مكبرينها زينهم عادي  و الله شافو فيه نطق خوه صغير
إياس : ماديروش عليه هو تعجبه غي باربي بلاستسك تعه و يطرطقو بضحك
أيهم : أوس علابالك بلي جدي و الله لا خالك تتزوج ب سوزان راك غي تشكل
أوس : و شكون قالك حنا بغين نتزوجو حنا رانا غايا عايشين متهنين في رحبا
يونس : يا ودي يا ودي ناس عايشة حب و ناس من مجرم لمجرم
أيهم : و نتا لي متبغي تظس كونجي ما تبغي تريح
يونس : تعرفوني نبغي نخدم معنظيش حاجة من غير خدمتي في حياتي
أيهم : عندك عايلتك
يونس : ايه علابالي عايلتي باينا بصاح حاجة لي نلقا روحي مرتاح فيها هي خدمتي مهم منا و هاك غادي تشوفوني بزاف
يوسف : ها شقلت هاه و الله الى طاح سيد
يونس : حمر فيه و دار عنظ يونس بصاح صحيت خويا
أيهم : شاف فيه علاه
يونس : غادي دخلهم مع إياس في مدرسة تعه غي من جيهت كوميسريا وين نخدم طرطقو عليه بضحك
يوسف صاي خرجتها ديركت أنا قلت بلاك إياس يطيح فيها بسكو قده فلاج و قعد يلعب بحواجبه
إياس : ماتخفش ولد عمة راني هنا نعسهالك غايا داخل و برا نتا رواح قرعلها كي تخرج من ليسي و شدلها كرطاب و بدا يضحك
يوسف : اوووو قصف قصف قعظو يضحكو و يونس قعد يشوف فيهم صاي بركو ما تضحكو دار عند يوسف دوك نشوفك شا دير مع ألين شنف يوسف و هما قاعدو يضحكو عليه
عند أصيل و ألين
أصيل :.....

أرائكم و توقعتكم