هما سبع بنات عايشين مع بوهم فالغربة يموت بوهم فحادت سير مدبر يلقو روحهم بلا حماية و يضطرو يرجعو بلادهم و يلجؤ لجدهم لي عندو مشاكل مع باباهم فالماضي باش يطلبو حماية شا غادي يصرا زعما يقبل باش يحميهم
شجعوني بليييز
في إسطنبول بمنطقة بيبيك بإحدى بيوت مطلة على البحر بطلتنا تتأمل البحر بعيون حزينة فاتت 6 أشهر على موت بوها صدمة مزال لحد لأن ماشي مأمنين درع حامي مات و خالهم لا قريب لا حبيب خالهم 7 شيرات وحدهم في بلاد بعيدة مات موتت غدر بعد ما فاق لصاحبه لي كان شريكه بلي راه يهرب مهلوسات في وسط دوا و لي يصدروه لبعض دول نامية غدره و دبرله حادث هو كان حاس بيها كان حاس غادي يقتلوه علاباله ناس لي مع صاحبه مامعهمش لعب و قدرين فأي دقيقة يقتلوه علابيها دار احتياطات توعه قبل مايموت و خلا وصية كتب فيها الا صرات كاش حاجة و مات يروحو لعند جدهم للجزاير و خلا لادريس تع دارهم بناته كي سمعو وصية مقبلوش قالك منروحش عند وحدين منعرفوهمش و جامي سمعو بينا و ماغاديش يتقبلونا بسكو براهيم كان عنده مشاكل مع دارهم و ها هي فاتت 6 شهور و مزال ما تقبلوها مزال عندهم مخاوف فاقت عشق على صوت بهاء : احم عشق كي راكي دايرة عشق : كي بغيتني نكون خويا فات 6 شهور و مزال حرقة تعه ما بردت بهاء: مسيو ابراهيم كان رجل محترم كامل فقدنا من حياتنا أب حنون بصاح خصك تكوني قوية و توافقي على وصية تعه هو راه عارف شا دار حمبوك ختي نتوما أمانة تع مرحوم عشق : على جال هادي عيطتلك بغيت نقولك بلي بنات وافقو يرجعو لجزاير بهاء : مزيا أحسن قرار ختي متخافيش راني وجدتلكم كلشي كنت داير حسابي عشق : تبسمت بحزن صحيت بهاء يرحم لمرا لي جابتك وقفت معانا كي بابا كان يقولنا بهاء كيما خوكم و تلقوه في ظهركم كن تصرالي كاش حاجة مغلطش سمحلنا لهبلناك معانا بهاء : عشق نزعف منك راكي تقولي خوكم و محشمتيش تقولي سمحلنا عدبكم راحة نتوما خواتتي ملي نعقل على روحي مسيو براهيم أب روحي تاعي و نتوما خواتي و مدام ياقوت اىله يرحمها كانت كيما ما فاطمة جبدها عنقها دخلت أمار شفتهوم خيانة عنقتها بلا بيا بهاء: دار عندها مبتسم أهلا صحا نوم هدا وين أمار كنت عيانة بزااااف عشق: نتي حياتك و نتي عيانة أمار : وين راهم بنات عشق : كن نوضتي بكري تعرفي ألين خرجت راحت تشوف شغالها و توجد روحها رينا راحت نادي و همسة عندها درس بيانو و شيلا كيما مداري راها تقرا فوحد كتاب كيما مداري و ملاك راهي مجمعة تلون فشمبرتها دخلت ألين سلام عليكم ردو عليها و عليكم سلام عشق: شا درتي ألين : راني بديت نوجو منا على شهر نكون فريت كلش بهاء خوصنا دار راك عارف بهاء: راها واجد كلش راه واجد حتى المدارس تع ملاك و شيلا و همسة واجدين دفعتلهم فمدرسة خاصة قريبة من منطقة وين تسكنو عشق :و بخصوص لادريس تع بهاء : تبسم ايهحوست عليها و لقيتهم عايشين في واحد قصر جاي فوحد منطقة خاصة غي قريبة من منطقة وين شرتيلكم دار عرفت بلي هما من أغنياء رقم واحد في كلش يخدمو استيراد و تصدير مواد غدائية و عندهم سلسلة اوتيلات فجزاير و خارج جزاير بالاضافة أنو عندهم مصنع تع قماش جدكم سي توفيق عزوني مزال عايش عايشين كامل في قصر واحد و ولد ع عشق : بخوف و قلتلهم علينا بهاء : مزال ما كنتش متأكد غادي تقبلو ما بغيتش نتقلق عشق :صاحا مليح شوف حنا منا على شهر نشاء الله نهودو و كي نهودو ربي يحلها دخلت رينا سلام عليكم ردو عليها رينا : صاي قررتو أمار: رينا منعودوش هدرتنا هدرنا هادي وصية تع بابا الله يرحمو رينا: راني خايفة عليكم علبلكم غاية شاكين و شا صرا بين عمي و بابا فلاش باك عائلة عزوني معروفة فالجزاير عايلة كبيرة و عريقة محافظة كان كاين زوج خوت سي توفيق متزوج من زوج نسا مرا لولا عايشة بنت عمه جاب معها 3 مراد ولده كبير و حسين و فايزة و عاود زواج من مرا زوجة حيزية خت صاحبه كي شافها بغها و كي صارح صحبه قبل بيه و زوجهالها و جابت معه زوج براهيم بو شيرات و صغيرة قاع ليال مرا لولا كانت قبيحة و وعراة كانت تكره براهيم و خته كانتش تعملهم غايا كانت تعيطلهم غي ولاد حيزية و أخ زاوج عبد الله كانت عنده 3 بنات بنت كبيرة سهيلة متزوجة لولد عمها كبير مراد و عندهم ولد صغير عنده 13 عام أيهم بنت عندها 5 سنين وعد و بنت وحدوخرة متزوجة ب ولد خالتها و عندهم بنت سموها شيرين 10 سنين و بنت عندها عامين سموها سارة و صغيرة سهام باغينها لبراهيم بسكو حسين كان خاطب ديجا مهم براهيم كان عادها كيما خته خصوصا كانو عايشين كامل في رحبا و متربين في رحبا و هي كانت عايشة حب من طرف واحد و كانت تقوله خاطبي و كانت عندها صحبتها ياقوت كانت صحبتها هي و بنت عمها ليال ياقوت كانت تجي عندهم لدار هما تاني كانو لاباس عليهم بصاح عايلة ماشي معروفة بواف كانت غي هي و ختها عند والديهم و بهوم و مهم ماتو في اكسيدون و ختها هي لي كانت مربيتها و عايش معاها خالهم هو و عايلته ياقوت كانت آية فالجمال لي يشوفها يغيس فيها صغيرة و عطية لعين كانت هي و براهيم يبغو بعضهم بعض بصاح سهام معلابلهاش و كي كانت تقوله سهام تبغيك كان يقولها أنا نبغيك نتي معيات فيه يهدر مع بوه و خوه كبير لي كان بمتابة أب ليه و يبغيه كانو متصاحبين كانوا يحكو كلش لبعضهم غير موضوع تع ياقوت ما قدش يقوله حتى لي جا نهار خال ياقوت بغا يزوجها لولده بسيف داه طمع و من جيهة تقرر عرس براهيم و سهام براهيم تكتف من يديه ملقا ما يدير ستنى ياقوت قفلت 18 مكانش بقيلها بزاف و ظاها و هرب و رنى حياته بعيد عليهم قاع من بعد سمع بلي مه مرضت و ولات مقعدة و بوه تبرا من و خوه دابز مع نسابه دبزا كحلة كانت غادي توصل لطلاق حاضر ألين حنا خاطينا رينا مكوناش زايدين و مدرنا والو معندهم علاه يحسبونا حنا رنا نطبقو في وصية بابا عشق : عندها صح رينا : دبرو راسكم نروحو جزاير و نشوفو شا يصرا و عقلوا على هدرتي غادي تندمو دخلت همسة شاه شاه ...
بهاء 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
