أركان

البارت 12والأخيررر

الكاتبة  دينا الربيعي

سما، البيت ملين ناس احنه معروفين اخواني وعمامي وبيت جدي وخوالي الكل موجود بعدين من دخلو بيت عمي صاحو علي الشيخ يريد يعقد الشيخ يردد ايات الزواج واحنه انردد ورا تم العقد بعدين بدت الهلاهل والهوسات
مريم، تعالي گعدي هنا هسة راح يجي اركان حته اتلبسون الذهب
زهراء، شوفي لج اجابلج اخوي اخوج يجيبلي سمعتي
سما، ههههههه اسكتي لو لا تراا اخلي احمد يبطل ياخذج
زهراء، ههههههه لا لا يمعودة اسكتي ماريد غير سلامتج

سما، دخل اركان بدت النسوان الكبار تتباركلة وتبوسة بعدين اجة گعد لبسنة الذهب ورگصنة اشوية واخذنا صور وراحو گعدت شوية وية خالاتي وبنات خالتي ونور وعذراء

عذراء، اكلج حجزتو بدلات
سما، لا والله ماحجزت
عذراء، ياااا والله مترهية باجر شتلبسين گونية 😂
سما، راح اتصل بأركان واسئلة
سما، الووو اركان حبيبي اشلونك
اركان، هلاو عمري الحمد الله انتو اشلونكم
سما، ألحمد الله زينين اكولك اركان احنه محاجزين لابدلات ولا صالون
اركان، لا حجزتلج اني بدلات وصالون
سما، وليش ماكتلي اجي وياك بلة معجبني شي اشلون
اركان، لا يعجبج الذهب هم اني جبتة وبدون علمج وعجبكم
سما، ماشي حبيبي باي
اركان، باي عمري سلميلي
سما، الله يسلمك
خلص الليل كلة تحضيرت وسوالف عبالك حجة كلة مجموعة سوة ناس اسوي اكل للحنة وناس اتحضر ملابس ومكياج وناس تاكل وناس ترگص وخواتي كل وحدة حايرة بجهالها ويركضن وية امي واني كل شوية اروح يم وحدة يصيحني وبنات خالتي گاعدات ع الدرج يصبغن اظافرهن
سما، ايات تعالي خلي احضر ملابس فوگ
ايات، يلة امشي يمعودة دخت الساعة ب2 ومحد نايم لا جهال ولاكبار شوكت يكعدون الصبح
سما، ههههه خليهم يمعودة احنه ندوس عليهم الصبح ونروح للصالون
ايات، نفس الصالون لو غيرتو
سما، لا نفسة هوة اركان حاجز الصالون والبدلات
ايات، شمعرفة بهاي الشغلات هوة
سما، اصدقائة يبيعون ذهب واحد عندة كوزمتك واحد عندة صالون ومحل مال بدلات واحد عندة محل بشارع فلسطين مكياج وعطور اشكل مشتريلي من عدهم هوة كلة على ضوقة
ايات، هاا حلو هيج شغلات متملين منها
سما، بقيت احضر ملابسي اني وايات جمعت كلشي احتاجة واخذة وياي وبقيت كم شغلة هنا من اجي لهلي استخدمها بعدين سبحت وطلعت لگيت ايات بعدها گاعدة باوعت للساعة لگيتها ب3 وربع
سما، ايات جوعانة تعالي ننزل ناكل شي
ايات، والله واني هم جوعانة قبل شوية جنة انقلد عليهم هسة صرنة مثلهم
سما، هههههه الدنيا دوارة نزلت جوة الجهال نايمين كلهم وخالاتي واختي نور بس عذراء لكيتها كاعدة امي نايمة دخلت للمطبخ لكيت مريم
سما، ها مريم شوكاعدة شوكت تنامين
مريم، والله گعدت هسة نمت ب1 عطشت ونزلت اشرب مي ليش كاعدة انتي خلي البنية تنام باجر وراجن كعدة من الصبح للصالون
سما، والله جعنة ونزلنا
مريم،  يلة سويلنة شي ناكلة انتي عروس خلي انشوف اكلج
سما، يعني شنو ممسوية اكل اني
مريم، لا راح ترحين بعد هاي اخر مرة
سما، ههههه ماشي طلعت من الثلاجة كبة وطماطة وطرشي گليت الكبة والطماطة وخليتهن بصينية
يلة تعالن
ايات، شنو هاي السرعة ماشاء الله هاي لو اني بعدني الهسة اشغل بالطباخ
مريم، هههههههههه ادري طباخ لو طيارة هاذا
سما، لعد شعبالجن اني ام بيت هههههه
ايات، يلة خلي ناكل ونشوف اكلج
سما، شتاكلين هية الكبة ام وخالتي لفنها والطرشي من السوك والطماطة بس ملح خليت عليها
ايات، هههههههه
سما، خلصنة سوالف وضحك وغسلت مريم المواعين وصعدنا فوگ اخذنا شوط ثاني للسوالف المتخلص وبعدين نمنا گعدت ب8 على صوت الهوسة والجهال نزلنا اني وايات صبحنه عليهم تلگتي واني ع الدرج بالهلاهل سبحت وتريگت وطلعنا اني وايات للصالون ورة شوية احمد رجع دگ علي گال هاي البدلات اني بالباب طلعت اخذت البدلة ممبينة بالعلاگة مالتها اخذتها ودخلت للصالون ام الصالون كالت روحي لبسيها وتعالي اشسور شعرج رحت لبستها لون احمر رماني اتجنن تور والردن مال تور عجبتني
ايات، الله تجنن والله حلو ضوقة اركان معبالي هيج هههه
سما، اي حلو ضوقة من زمان متشوفين اختارني
ايات، ههههههه
سما، طلعت رحت للبنية تشسور شعري البنات كلها تباوع علي ويسئلني منين مئجرتها گتلهن مو اني زوجي هوة مئجرها بعدين شسورت شعري وبديت انتظر السرة مال مگياج هواي عرايس