أركان

البارت 4

مرحبا بنات اني وقفت القصص اعتذر بس مو معناها اتغلطون ودعون علية كل شخص والة اسباب والغايب عذرة ويا واني من وقفت مامتعاجزة من الكتابة بس عندي ضروف وعندي بنات ومسؤلية لاعبالكم كتابة القصص سهلة يراد الها وقت وبالج صافي
💖💖

سما،  عقدنة اني واركان بس ماجنت فرحانة ابد عبالك قررو اعدامي مو زواجي من شخص هوة الهواء الي اتنفسة ماشفت اي فرحة بوجها ملامحة ذبلانة ومبين علي التعب حقهم كلهم صارت عدنا كأبة ماسمعت صوت ضحكة لو صوت واحد يشاقة ابد حته الكلام بالبيت قليييييل قررت ابتعد عليهم كلهم اني احس نفسي سبب موت كرار وابوي وبت عمي الراحت بدون فرحة صار عليها انتقام مو زواج اعزل نفسي عليهم احسن الي والهم من يشوفوني احسهم مامرتاحين الوجودي شكلي يذكرهم بكلشي صار تعبت ونفسيتي تعبت كوابيس من اگعد ومن انام قرر اركان ياخذني الدكتور نفساني رفضت بالبداية بس اصروا اروح

اركان، حبي الها اتلاشة احسها شي مزعج ماعرف اريد ابتعد عنها واروح المكان مابي احد حته اعرف افكر بالي صار ثاني يوم اخذتهم الدكتور شاف حالت سما وكال لازم التزام وعلاجات يلة تتحسن حالتها لان يخاف عليها صارت عدها حالة مثل الصرع ونخاف تزيد عدها ومتروح منها بعد اني من سمعت كلام الدكتور انتكست بالزايد ومجبور اسمع كلام الدكتور لو اكو واحد ابمكاني ياخذها جان مارحت وياها بعد مو كره بيها بس،ماكدر اشوفها كدام عيني تتأذا وماريد التقي بيها هواي

ام سما، فقدت اثنين خلال يومين زوجي وسما بس جسد متغيرة حيل وتعبانة خفت افقدها هية هم اخذنا الدكتور وباشرنا بالعلاج وجلسات كل خميس انسويلها جلسة من مرة المرة تتحسن حالتها بس معتزلة عن الكل الدكتور كال لتخلوها تختلي بنفسها اكعدو وياها طلعوها اخذها الصبح للامام الكاظم علية السلام ونرجع ب10 الصبح انصلي هناك ونگعد بالحضرة احس نفسيتها تتغير تبقة صافنة وتبجي لو من اتشوف اثنين مزوجين يمشون سوة تبقة تنضر الهم وبوجها كسر والم ماعرف اوصفة الكم بس اني احس بيها اركان من يوم ماخلصت الجلسات ثاني يوم حجز وسافر الامريكة طلع الحجز مالة وراح

اركان، خلصت سما جلسات وقررت اسافر وابتعد شوية بالي مشوش ومامسيطر على تفكيري ساعة احبها وساعة كارها حجزت وثاني يوم طلع الحجز مالي وسافرت الامريكا سلمت على الكل بس سما ماشفتها دزيت عليها رنا بس ماقبلت تجي تكول كالت الله ويا يرجع بالسلامة انشاء الله الصراحة ابتسمت ابداخلي عبالها ارجع اني مامفكر ارجع ابد

مريم،  ازوجت بس زواجي عبارة عن ذكريات وحزن يخلني اكتئب والله بس بجي اخدت الطريق كلة بجي واني افكر اشلون راح اترك اهلي واخوتي وعمامي بحالة الحزن مافكرت ابد راح يجي يوم وننسة هاي الايام ابد لان الي جان موجود يشهد على هاي الايام ايام مرة بالنسبة النا الله لا يشوفها الواحد

سما، جنت داقرأ كتاب انطانيا الدكتور كال اخذي يساعدج شوية ويخليج تسترخين اقري يفيدج اخذتة منة وكع من ايدي احسن نفسي مالي قابلية امسك شي ابيدي جسمي بايد ذبلانة مابية قوة اذا يصير عاصفة اوكع وباليوم كلة اكل وجبة وحدة جنت قبل اكل ومن اشتهي شي اخابر اركان ربع ساعة يجي نكعد ناكل اني ويا لو هوة يخابرني يكلي جاي اتعشة يمج اضحك علي اكلة اكو واحد يعزم نفسة يسوي تفسة زعلان على كلامي بس هوة لا يكابر احن الهاي الايام اجتني بالليل زهراء كالت تعالي اركان يريدج راح يسافر لمريكا اني باوعت الها بنكسار والم ماعرف شنو من نظرة حته زهراء نزلت دموعها ودنكت راسها بحزن لان تعرف شنو اركان بالنسبة الي بس هية عرفتها متريد تخليني انقهر اكثر من الي اني بي كالت يرجع اسبوع ويرجع كتلها اني مانزل ولا اروح الواحد اليريدني هوة يجيني كليلة يرجع بالسلامة وبجيت حطيت ايدي على وجهي واحس نار يطلع من وجهي ليش كل الي احبهم هيج اختفو وكلهم اعزاز على كلبي شنو السويتة واستاهل هيج اني اتحمل غياب منو اني ابو لو حبيبي لو ابن عمي دعيت الله يصبرني عليهم لان احسن نفسي راح اطك واموت ماتحمل بعد
دك موبايلي
مريم،  هلاو سما حبيبتي اشلونج اني مريم
سما، بصوت بجي ومخنوك ماردت ابين الها بس مو بيدي اتعلمت على البجي وراسي يوجعني احس النشلة ماعافتني رغم الجو حار بس من كد البجي صرت فلاونزة
هلاو مريوم حبيبتي الحمد الله انتي اشلونج
مريم،  الحمد الله حبيبتي انتي اشلون صرتي يومية اتصل اكثر من مرة واسأل واحجي وية الكل بس انتي يكولن عليج متاكلين وهاملة نفسج ليش هيج حبيبتي صيري قوية وقوي ايمانج برب العالمين ولتنسين المؤمن مبتلا رب العالمين خلقج مانساج امج وخوانج خطية وبيت عمو ابو اركان اركان شنو ذنبهم يشوفون حالتج هيج هم حسي بيهم شوية
سما، اركان راح رااااااح
مريم،  شنو وين راح سمااا لتبجين فهمين الصار واهدي
سما، سافر الامريكة بعد مايكدر يكابلني ويكعد بعد لعبت نفسة مني ماعرف شنو ذنبي اني علگني بحبة وراح والله مالي علاقة بالي صار كلة
مريم،  حبيبتي سما انتي هم اعذري شوية مو قليل الي صار ويا اتفهمي امرة اخو مات وعمة وانتي خسرج انتضري فترة وانشاء الله يرجع بس ينسة الصار حبيت عمري موقليل الصار ياروحي غير من حالتج اشوية الخاطرنا احنه
سما، انشاء الله مريوم انشاء الله حبيبتي اعذرينة خربنة عرسج وماخليناج تتهنين
مريم،  لا يمعودة شنو هاذا قدر وراد يصير شنو بدينة احنا ربج كريم والحمد الله على كل حال المهم انتو ابخير واسمع اخباركم واطمن عليكم
سما، انشاء الله حبيبتي ليضل بالج علينه احنه زينين سلميلنة
مريم، الله يسلمج عمري باي

بعد مرور 5 سنوات

اركان سافرت لامريكا عندي اثنين اصدقائي هنا يشتغلون عدهم سكن فرحو من اجيت مانطيتهم علم راح اجي من وصلت للمطار كتلهم خطية فرحو بجيتي بس استغربو شكلي واسألة حجيت الهم الصار كلة بس مارضو بجيتي هنا وتركت حبيبتي رادو ارجع بس اني ماقبلت كتلهم مارجع واذا اقرر اجرع مو هسة هسة ابد مامفكر بالرجعة اريد انسة الصار حته يخفف شوية علية سما يومية اخابر زهراء واسأل عليها اخليها تاخذلها صور اكللها بكل حالاتها اخذيلها صور ودزيلياهن اصورلياها من تاكل ومن تطلع من الحمام شعرها مبلل ومن يطلعون اوصي عليها تلبس محتشم اغار عليها واحبها بس هية متسأل علية ابدددد سئلت زهراء تكول بس تطمن عليك متقبل تحجي وياك مهضومة منك لانك تركتها بنص انكسارها اني انقهر من كلامها اتعرك وياها من اشتاق الها اصالح زهراء لان تعرفني اريد صور سما احجي ويا الكل بالبيت هية الوحيدة متنزل نفسها وتحجي وياي تعبت مشتاق الصوتها الضحكتها المشيتها تعبت واني افكر بيها صافن بصورها واتصلت علي زهراء

زهراء، الووو هلاو اركان اشلونك

اركان، هلاو زهورة الحمد الله انتي اشلونج اشلونكم بالبيت اشعجب خابرتي انتي بس ادزين مسجات

زهراء، مو سمااااا

اركان، شكو شبيها سمااا احجي

زهراء، سما اجو خطابة عليها وهية وافقت بدون حته متفكر بسرعة كالت موافقة ومتقبل تحجي وية واحد قافلة الغرفة عليها

بنات اكتبو تعليقات حلوة تفتح النفس مثلكم مو تدعون علي😂 حته ياخذني واهس واكتب دمتم بخير
💖💖🌹

1063 كلمة انشاء الله يومية بارت شجعوني مو تنسون