أركان

البارت 11

الكاتبة دينا الربيعي

سما، دخلنة للبيت ودخل اركان وياي طبعآ من طلعت من البيت لحد مارجعت ماما تخابر وعازمة الكل لكيتها تحجي وية اخواتي اخواتي ماشوفهن بس بالمناسبات متقيدات عدهن اطفال ويحبن ازواجهن وميقبلن يجن زعلانات اذا صار خلاف بينهم اثنينهن نفس الطبع بس اني مو مثل تفكيرهن اني اكللهن شنو المرة مالها كرامة تبقة كاعدة يم رجال يضرب ويغلط ويهين الها بيت اهلها مفتوح وتخلي يتربا وبعد ميعيدها بس هنة دائمآ جوابهن لا غلط المرة تطلع زعلانة من بيت زوجها تزعل علي بالبيت حقها بس غلط تبوح سرها للبيوت ويزيدون منهم اشكال اللوان ويتشمتون بيها ولا يوم اجني زعلانات ابد يگولون منعلمهم على غيابنة دائمآ انحسسهم انو همة ميگدرون يسوون شي بدونة وكلامهن صحيح بالمناسبات يجن ويبقون يخابرون عليهن يردوهن يرجعن هنة علمنهم على هاذا الشي بس اني ماحب هيج تصرف ابدددد

سما، يوم ماخلصتي لسة اتخابرين وعفتج تخابرين عزمتي الشعب العراقي كلة على خطوبة

اركان، لا راح تستمر 3 ايام باجر خطوبة وعقد سيد ووراها الحنة والعرس

ام سما، لا يمة ليش هيج مستعجل خلوها بعد اقل شي اسبوعين لتستعجلون

سما، اركان بعدني حته ماعندي ملابس ومامحضرة شي

محمد، اركان انطينه مجال اسبوع اني اكلك اسبوع مو اكثر

اركان، يابة ليش اتكبرون الموضوع خلص باجر خطبة وراها الحنه وراها العرس ورة العرس ابلش عقد المحكمة وبعدها نطلع التركيا وجهازج مناك ليش انجرجر بيها احسن مايطول الموضوع اكثر

محمد، والله اذا انته مخطط كلشي بعد بكيفك الله يهنيكم انشاء الله

سما، ماعرف بقيت ساكتة يمكن لان كلشي صار فجئة ماعرفت احجي واكلة اجلها وهوة من البداية مقرر واهلة يدرون اهلي ماعترضو اني جنت مشترية كم شغلة من بيت خالو ومسوية شعري وحافة ومسوية مساج بس بلليل اني ومريم ونظفت جسمي 🙈 كملت ودخلت للحمام طلعت لبست دشداشة برمودة صفرة سادة ربع ردان نزلت لگيت اركان وامي ومحمد واحمد ياكلون كيك
سما، هاي شنو منو سمحلكم تاكلون كيكتي
احمد، يلة يالسايبة اليوم جنج هاي السايبة التكسي
هههههه
اركان، لتمشين هواي خاف اصرفين بانزين
سما، يمة اشبيها دشداشتي والله حلوة يمة ليش ساكتة
ام سما، والله حلوة تخبل عليج معليج بيهم يغارون منج
محمد، يمة دخيل ربج وين حلوة مطلعة كراعينها جنها دشداشة وهابي
سما، اطوني كيكتي بعد متاكلون بقو يضحكون علي بصوت عالي بس اعناد بيهم ماغيرت دشداشتي والله حلوة علي جانت مخصرة ومن جوة كلوش جوة الركبة سادة وصفارها حلو على بياض مو صارخ بس همة بعد رادو حجة علي رجت بالستقبال گعدت بمكان ابوي الله يرحمة جان هاذا مكانة المفضل يم التلفزيون واني اكل غصيت علي دمعت عيوني دخل اركان
اركان، حبيبتي ليش ضايجة جنة دنشاقة وياج فديت دموعج اني
سما، لا مو علمودكم ابجي اذكرت مكان بابا المفضل هاذا
اركان، الله يرحمة ادعيلة هوة اكيد فرحان بيج هسة
سما، انشاء الله
اركان، يلة كومي نامي مطلعة رجليل كلها علي بعد لتلبسيها
سما، اشبيها والله ماعدكم ضوق انتو
اركان، يابة مو مال ضوق وبياض رجليج هاذا المن مطلعتة خليني صابر هاي اليومين رحمة لبيج 😉
سما، ضربتة على رجلة وكمت انتة واحد عينة زايغة ومتستحي
اركان، كايلج البسي هيج اني يلة حبيبتي رايح ورانا كومة شغل بستها براسها
سما، الله وياك حبيبي بستة بخدة
اركان، رفعت نفسها بطراف اصابيعها وباستني بخدي لزمت ايدها
اليوم مناوية اتعديها على خير مووو تعالي
سما، لا لا اركان اني اسويت فوگاها والله انته متستحي
اركان، انتي بستيني هسة دوري ماعوفج اله اخذ حصتي
سما، استسلمت اخذ بوسة وراح 😘
صعدت نمت وگعدت الصبح البيت خبصة سمعت صوت خواتي نور وعذراء ادري بيهن من يردن يجن يجن من الصبح الساعة ب8 ونص نزلت لگيت نور هسة داخلة بس عذراء قبلها جاية سلمت عليهن
عذراء، كللللللللللللللوش هلة بعروستنة هلا بيج يعمري
سما، حبيلتي مشتاقتلج كومة والله
عذراء، بعد عمري صلاوات على محمد تخبلين صايرة بس ليش هيج مگصرة شعرج كلش
سما، هيج تغيير حلو
نور، كلللللللوش اعذريني ماعرف اهلهل ترا هههههههه اشلونج ياروحي معليج بيها صايرة احلة من الگمر
سما، الحمد الله زينة انتو اشلونكم سلمت علة جهالهن وبوستهم ودخلت للستقبال لبست حجاب وسلمت على ازواجهن بعدني جاي اطلع ودخل اركان محضرني ماطلع بتراكسود گدامهم من زمان موهسة طلعت بسرعة جنت لابسة تراكسود نيلي بس موطويل البدي مالتة بسرعة طلعت رحت للمطبخ لگيت امي وخالاتي اثنين سلمت عليهم لگيتهم يطبخون
ام سما، يلة تريگي ترا راح يجون بيتج خالج ابوياسر
سما، ماشي سويت ريوگ وطلعت للصالة جاي اگعد يم اخواتي حايرات هاي اتوكل وهاي اتبدل اجة اركان گعد وياي على التخم واخذ الصمونه من ايدي وگام ياكل وياج جبن كيري وجاي يشرب بگلاصي وخواتي يسولفن ويا ويضحكون واني مندمجة اكل وباوع علي بعدين انتبه
اركان، اشبيج ياعمري سممتيني متاكلين شكو مضيعة بوجهي شي
سما، عزااا اشبيك وين صافنة عليج متشوف داتريك
اركان، يلة عادي مصار شي وبعدين احسابي وياج على هاذا التراكسود اذا ماشگگة عليج
سما، ماشي يلة روح ماعندك شغل
اركان، عصبتني گتلها مليتي مني لو لان مقيدج كومي بسرعة نزعي وماجيت عليج اجيت اطيت لمج افلوس خاف محتاجة شي
سما، ابتسمت واخذت الصينية منا ورحت للمطبخ اعيونة تفتر وراي وين ماروح صعدت بدلت لبست دشداشة طويلة وشال ونزلت صار وكت الغدة اتغدينة وخواتي كامن نضفن البيت دخلو بيت خالو ابو ياسر ايات جتي باركتلي وياسر ماجاي وياهم
ايات، كللللللللللللللوش مبارك عرسك يالهيبة امبارك عرسك
سما، هاي الي الاركان ههههههه
ايات، الكم اثنينكم هههههه
رحنة للصالون بعد مارجعنة صبينة غدة الهم اخذت ايات ورحنة ودانا احمد بعدنة هستونة ذبنة بالصالون اشوية وانفتح بابا الصالون ودخلت زهراء
سما، هاي اشجابج ولج
زهراء، احمد حبيبي جابني
سما، هاااا هاي ايات بت خالي ايات هاي زهراء خطيبة احمد اخت اركان
ايات، ها اهلآ وسهلآ حلوة يستاهل احمد
زهراء، حياتي تسلمين
سما بلشت ام الصالون بية وبعدين بالبنات طلعن غيررررررررررر شكل شگد مااوصفلكم شكلي يطلع احلى والله مو احمد بنفسي بس الفضل الايات لوما هية جان هسة اركان حته ميباوع بوجهي بس والله الحز والهمال يغير الشكل ويكبر گلت بعد ابد ماهمل نفسي طلعت شخص ثاني بعد التغيير ومن غيرت لون شعري طلعت احلى لان جنت متعودة على الالوان الغامقة خلصنة خابرت احمد رجعنة للبيت هوسة وديجي مشتغل بعدين صعدت لبست فستاني كلش حلو ونزلت گعدت بالكوشة والتصوير بدة واركان محذر ماكو تصوير بس منو يسمع محد كلوحدة احاجيها تكول تلفون محد ياخذة وبي رمز سكتت احسن شي اجوي بيت عمي ودخل اركان
اركان، دخلت بالاستقبال وياي زلم وشيخ صحنه اتفقنة وبعدين صحنه عليها من ورة الباب عقدنة وخلصنة بعدين صاحتني امي دخلت شفت عمري وروحي طالعة اتجنن رحت گعدت يمها زهراء جابتلي الذهب رحت بلليل الصديقة عندة محل مال ذهب اخذت منة ب5 ملايين ذهب لبستها گلادة وزوجين تراجي وحلقة ومحابس اثنين وسوارات اثنين عجبها الذهب
وبعدين اخذنا صور ورگصنا شوية

يتبع، ،،،،

بنات تصويت ومتابعة بليز
دمتم بألف خير