ترانيم

بارت19

اسعد الله اوقاتكم بكل خير احبتي ❤

//// البارت التاسـع عشر /////

#بقلم_الكاتبة_شمس
( شمس السعـدي )

********* #ترانـيــم ***********

أحتويني بكل مافيك وبقوة ..
كي لا أضيع منك
أريد سماع دقات قلبك
أستنشاق رائحتك
إرتعاشة أطرافي
عندمااا اقترب منك
أريد تياراً من الأحساس
لاينتهي ولايتوقف
وشلالاً هائجاً
من العاطفة الجنونية
كم جميل النظر إلى عينيگ
ورؤية مساحة الحب الواسعة فيهما
ورؤية ذلك البريق اللامع
عندما تحتويني بنظراتك

كانت نظراتو تدحق بية بحب ..
- هذا كلة الي .. مامصدگ انتي گبالي وملكـي وصرتي مرتي ..
لامست خدو بيدي .. انا الك وملكك مادامت هذي النظرات بعيونك ..
ومادمت تدحق بيه هاكذ ..
- اريد الله يوگف هالگلب اذا مادگ الج بيوم ..
ويعمي عيوني اذا شافت غيرج ..

خليت يدي على شفتو .. لاتقول هاكذ الرب يحفظك ويحميك لي ..
عزيز انت الي بقيت لي بهالدنيا الرب عوضني بيك بعد اهلي .. لاتتركني ..

اخذني الحضنو .. حضنتو وانا اتخيل نفسي بحضن امي وابي الي اشتقت الريحتهم وحضنهم ..

دمعت ومااتحملت .. مسح دموعي بيدو ..
- مااريد هاي الدموع تنزل مادام راسي يشم الهوا ..
وهسا اريد اخذج الحظني وانام ..
يصير لو مايصير ..

اخذني الحضنو ونمت .. كانت اول مرة انام هاكذ ..
كل شوية افتح عيني ودحق فيه ..
واخيرا عزيز اتحقق حلمي وصرت حبيبي وزوجي ..
مامصدقة وانا اغشعوا نايم معي بنفس السرير ..
تندمت لأني تركتو وماصارحتو بحبي ..
وتندمت اكثر لأنني حملتو ذنب اهلو وماسمعتو ..

الي راح راح ياحبيبي .. من اليوم راح اكون مرتك وحبيبتك وكلشي بحياتك ..
غفيت بحضنو واتمنيت مااقعد ..
صار الصبح ..
قعدت قبلتو بخدو .. مسك يدي ..
- وي تردين خليج ماشبعت منج ..
- امممم يعني اشنو ترديني ابقى طول اليوم بالسرير ..
- ليش غير احنة عرسان .. والبارحة ليلتنا .
ااااه ترانيم البارحة عشت احلى ليلة بحياتي ..

- عززززيز خجلت ..
- لا لا الخجل بقاموسنا ممنوع .. اريدج تخجلين وي الناس كلها الا وياي كوني جريئة .
- يعني شلون ؟؟
- بربج ماتعرفين شلون يابة تعاي شوفي البنات هالطول الوحدة وهنة يلعبن فلك في سبيل يجذبن الولد ..

خليت يدي على خصري ووقفت . اشنو قصدك استاذ عزيز .. اشنو عاملات البنات حتى يجذبوك الهم ..

- هههههه يايابة لافت السالفة عليه .. ترى حجيت بصورة عامة . مااقصد روحي ..
وليش الجذب هواي حاولن وداعتج وماگدرن يفتحن گلب عزيز ..
- ومسرة ؟؟
- انسيها .. صدگي صفحتها مطوية عندي من زمان ومستحيل تنفتح .. صح جنت اشفق عليها بس هي تمادت وصارت تطلب اكثر وعبالها تجبرني اسوي شي ماراغبة .
صح اني رجال وعندي رغبة وغريزة .. بس مستحيل اسويها اذا مو مقتنع بيها . وكون الاخذها تصير حلالي وام جهالي ..