صحبة ممزوجة بي اخوة

26

الجزء السادس وعشرين
-انت معاي
-لا مع الحيطة اسمعني ي قيس دايرة اقول شنو يخ والله حاسة بالزنب والله جد ممكن اعمل اي شي تطلبو بس تسامحني
-اي شي اي شي
-اي
-طيب تمام عينتك مساعدة لي واقل غلطة عواقبها حتكون كعبة شدييد
-حاضر
-دوامك ببدا بكرا يلا اطلعي برا
طلعت مشت لي جيجي حكت ليها جيجي قعد تضحك
-يخ ماتضحكي الولد الحيوان ده
-وااي عرف ليك لكن
-حيوان بس
-حتشتغلي
-اي يعني حأعمل شنو
-بالمناسبة علاقتك بي امك وابوك كيف
-واي ي جيجي وحياتك اول مرة احس بي كمية الحنان دي
-طيب بالنسبة لي مرت ابوك واخوانك ماشفتهم في المستشفى
-ماما قالت حاصلة مشكلة ولا شي زي ده المهم ابوي معاي وامي كمان وانا مرتاحة كده
-ديمة ي حب
-بالنسبة لي امك
-امي برضها اتغيرت شديييد يخ بعد خطبتا هي واخواني وبابا بقو حاجة كدا سبحان الله
-الله يحفظهم لينا ي رب
-امين
-يلا انا اقوم امشي بعد دا
-طيب يلا بايات
عدا باقي اليوم ويوم الشغل نزلت هي كان بعملها زي الخدامة يعني جيبي لي موية داير اكل وبتاع هي كانت مغيوووظة منو شديد لي درجة ممكن تكتلو عادي المهم هو بمثل انو بكرها بس هو جواهو لسة بحبها وشدييد كمان لانو ماف زول بكره زول كان بحبو ده اسمو بحاول يكرهو بس ده دليل كبير على انو بحبها مرت ايام في يوم
ابو ليلى-ي ليلى
-نعم ي بابا
-انا وامك طالعين الليلة بنجي بليل
-ماشين وين
-توتي حنقيل مع اهلي
-طيب تمام اصلا الليلة مشغولة شدييد
-طيب حبيبتي خلي بالك من نفسك حضنا وطلع وامها طلعت وراهو بعد باستا وليلى بعديهم بي شوية طلعت الشغل كالعادة
-ي ي انت اسمك
-ليلى ي استاذ قيس
-امشي لي سارة برا قولي ليها تضرب لي شركة...
-بس التلفون جنبك
-ما عايز نقاش
-مع نفسها"ي ربي يخ الزول ده حيجنني"حاضر
-بسرعة
عملت ليهو الشي الدايرو مرت كم ساعة كده ضرب ليها رقم غريب
-معاي ليلى
-ايوا نعم اتفضلي
-انا بكلمك من رسبشن مستشفى...
-وعايزين مني شنو
-انت ابوك اسمو يس وامك خلود صح
-اي ياهم مالم خير في شنو
-اهدي ي مدام تعالي المستشفى حالتهم صعبة عملو حادث في الطريق
-طيب طيب جاية
دخلت لي قيس المكتب
-عاين قيس ولا عندي وقت اشرح ليك امي وابوي في المستشفى حأمشي ليهم
-استني طيب انت سايقة اصلا
-لا عربيتي ما معاي
-طيب ارح اوصلك
مشت معاهو وهي طول الطريق بتبكيي لغايت ما وصلو واستفسرة طلع دخل فيهم شاحنة
وحالتهم خطيرة شديد الاتنين  دخلوهم عمليات وقيس ضرب لي جيجي وعمر وضربو لي امجد كلهم جو والخبر انتشر والمستشفى اتملت
وحدة من النسوان بصوت عالي-اسي ابوها ده مش كان مرقد قبل كم يوم ما اظن يقوم منها المرة دي
ليلى-عايني اسكتي احسن ما اوريك ليهو هنا ده "بتكورك"وبلاي انت لو عارفة الجابك شنو قومي ارجعي بيتكم
قيس مسكا
-ليلى نحن في مكان عام فيه مرضى ماوقتو
-انت ماسامعا بتقول في شنو بتقول ابوي حيموت
-استغفري وادعي ليهو
-ي رب ي رب
مسكتا جيجي وهي بتبكييي شديييد
-جيجي انا ماصدقتا اتلمينا والله ماصدقتا اننا بقينا زي اي عائلة وحسيت بي حنان ام واب يخ والله كده حرااام ي رب ماتخدم مني ي رب
-ليلى استهدي بالله حيكونو كويسين
بعد شوية الدكتور طلع
-المريضين حيدخلو العناية وما اكضي عليكم حالتهم صعبة شديييد وممكن نفقدهم
ليلى-يخ ماتقول نفقدم دي تاني اوعك
قيس-معليش ي دكتور حالتا صعبة شوية شكرا ليك
-متفهم اي
مرت كم ساعة والناس دي منتظرا والناس خفو فجأه حصل شي والممرضة مشت نادت الدكتور وحصل جوطا وناس ليلى مافاهمين شي وبتدعي بس بعد شوية
الدكتور-البقاء لله ما قدرنا ننقذه
ليلى-كيف يعني ماقدرت انت جنيت ولا كيف
الدكتور مشا خلاها
-جيجي انا عايزة امي ي جيجي دايرة ابوي زحي لي ماشة ليهم
-ليلى امك ماتت اتوففت ادعي ليها
-يخ لا ماممكن والله ما ممكن يخ انا انا حتى لسة ماشبعتا منهم لي كده لي
-وبقت تبكي بطريقة تحنن الكافر فجأه قامت من جنبهم طلعت من المستشفى
-ليلى ماشة وين
قيس-خليها انا بلحقها

-ليلى ي بت اقيفي 
كانت ماشة بس وصلت محل كده في جنينة قعدت في الارض وربعت يدها وبقت تبكي قيس جا قعد جنبها
-ليلى انت مؤمنة بالله ادعي ليهم
-قيس انا ماماما قادرة اصدق اني فقدتهم الاتنين
-ده قضاء وقدر
-يخ انا ماشبعتا منهم عارف يعني شنو انا اول مرة احس بي حنانهم ده وكل شي اتلاشا في كسر من السانية كلو راح يخ ماصدقتا عيلتي اتلمت سوا وماف مشاكل ولا اي شي كلو كلو انتهى ي قيس انتهى
قيس-بقا ببكي معاها استغفري ربك
-استغفر الله العظيم استغفر الله
وبقت تبكي شدييد حضنا(اي حضنا مالكم🔪🐸 )مرت قريب ساعة ساقها وداها بتيتهم جيجي وكلهم كانو هناك
مرت ايام والبكا خلص وليلى دي بقت ساكتة بس اكل بتاكل بالغصب بقت انسانة باردة شديد ورجعت تشتغل مع قيس بس بقت مابترد وكلامها قليل  اي شي يطلبو هي بتعملو في يوم قال ليها ليلى اقعدي دايرك في موضوع
-اتفضل
-انت ما ليلى الانا متعود عليها اتغيرتي شديد
-الظروف
-انا عايزك ترجعي لي القديمة تضحكي وتملي الدنيا بي جنك
-......
-طيب ممكن طلب
-اتفضل
-عايز نبقا اصحاب
وبسس ✋🏻
Mïşş ýą§ø ~♡
يسرا عبد الوهاب♥