الجزء الثامن عشر
ليلى- المهم انا بعد النتايج بي يومين يعني يوم الاتنين مسافرة
جيجي -الله حلو طيب ماشة وين
-ماشة كندا
-طيب حلو اجازتك حتكون حلوة بس غريبة اول مرة تتكلمي عن سفر وكده
-لا م انا م ماشة اجازة ماشة اقرا هناك
قيس-كيف يعني اقصد طيب حلو
جيجي-استوب حلو شنو انتو جنيتو نحن مش قلنا حنقرا سوا وفي السودان
عمر-جيجي ماتكوركي
ليلى-انا عارفة بس والله ي جيجي محتاجة للسفرة دي شديييد ولازم والله
جيجي-عايني ليلى انت وعدتيني لكن
-ارح جيجي نمشي سوا هناك
جيجي-انت جنيتي صح انت عارفة اني قلت لو جبت درجة كويسة ماحقرا برا لو حصل شنو وعايزة اقرا هنا+ابوي مابرضا اني اقرا برا اصلا واخواني كمان ليلى بالجد كده ماعدل (وقامت خلتهم وعمر لحقها)
ليلى-ي الله 😭يرب زعلت 😭
قيس-براحة ماكدا ماتبكي
-يخ م حتفهم ي قيس راسها قوي ماحترضا (بتبكي وتتنهد)
قيس-(مع نفسو)لا حلفتك ي ليلى ماتمشي 💔.طيب حاولي اقنعيها او حاولي شوفي من وجهت نظرها
-يخ عارفة وحاسة بيها بس كمان انا ضروري امشي لو مامشيت حاخسر المنحة دي ودي فرصة مابتتعوض
قيس-خلاص اعملي البريحك (وقام خلاها )
-ده مالو كمان انا ناقصة😭
بعد رجعو واي زول في بيتو
ليلى دخلت الاوضة وبقت تضرب لي جيجي كتير وهي مابترد بعدها ضربت لي عمر اول مرة مارد رد في التانية
عمر-الو
-عمر جيجي...
-جيجي كويسة والله بس دايرة وكت براها اسي بتهدا
-طيب تمام شكرا
-لا عادي
مرا يومين وليلى بتحاول تتكلم مع جيجي بس هي زعلانة ويوم الاحد بليل ليلى ضربت ليها جيجي ردت ليها بس ساكتة
-جيجي حبي اشتقت ليك ده كلو زعل مني والله اسفة بس حاولي كوني مكاني زولة جاتها منحة برا لقراية افوتا طيب ي جيجي اوريك هو انا لي محتاجة السفرة دي اول شي(ده كلو وهم ببكو حاولو اتخيلو المنظر)امجد محتاج لي شديييييييد هناك والله تاني شي انا لي نفسي محتاجة ابعد من جو البيت المكهرب ده انت ي بيبي قايلة انو براك الاهلك مامهتمين يخ ابوي زاتو ماعارف اني امتحنتا وبكرة نتيجتي وامي امبارح عايزة اقول ليها قبل اقول قالت مسافرة بكرة القاهرة ولمن كلمتا ابوي بالمنحة قال لي سبحان الله انت امتحنتي وقال لياعملي الدايراهو وقال لي بفتح ليك حساب بنك برسل فيه هناك حتى ماحاول يوصيني ولا يخليني ارجع في قراري ولاشي وعلى فكرة الليلة يوم ١٤/٥ متزكرة الليلة شنو الساعة فاتت ١٢ وما عايدتيني على فكرة المهم انا قدمتا سفري ي هلو لانو حصل مشكلة في الحجز وحجزو لي من جديد تتخيلي اني بعد النتيجة بي ساعتين مسافرة كان نفسي تجي تبيتي معاي هنا قبل اسافر بس شكلك زعلانة شدييد لي درجة حتى ماعايدتيني طيب ي ستي بايات
-لا اقيفي... كل سنة وانت حقتي براي (يجماعة والله م قادرة اوصل ليكم المشهد 😭😂اعفو لي)
-حبيبي ي روحي اشتقنا
-شديييد.. اسمعيني م قادرة والله جاياك اسيي دي
-ي بت تجي وين الساعة وحدة صباحا
-بتصرف لكن لازم اجيك
-لا تعالي الصباح اسي لا
-ليلى
-اها
-اسكتي وقفلت في وشها
-واي البت دي مجنونة بتعملا لا يخ
كفاكم 🌚كتبتو بعد تعب والله✋🏻
Mïşş ýą§ø ~♡
يسرا عبد الوهاب♥
أنت تقرأ
صحبة ممزوجة بي اخوة
Mystery / Thrillerاحلى احساس انو يكون عندك صاحب مميز حتى لو عندك اصحاب كتار هو اليكون مميز بت او ولد مافرق😻يكون ليك صاحب واخو وما احلى الصداقة الممزوجة بطعم الاخوة 💞يكون بفهمك وتحكو لبعض اي شي ويكون مجنون زيك 😍
