أنثي من عالم أخر (مكتمله) بقلمي آلاء محمود

الفصل الخامس

ف بيت سعد المنياوي
سعد ضحك بشر : والله خطتي متخرش المياه .. دلوقتي يا نيران هتكوني لوحدك يا سيده المجتمع الشرقي والغربي
صبري : هو كده يا باشا الشركه كلها هتبقا تحت امرك صح
سعد بغل : كل حاجه هي بتملكها ملكي انا وبس .. دلوقتي كده مفيش نيران .. يبقا فيه شغل ع أصوله
صبري : طبعا يا باشا
سعد : جهزلي الشُحنه الجديده
صبري : ايوه بقا يا باشا كده هنرجع للشغل بقا
سعد لنفسه : هدمرك واحده واحده يا نيران المنياوي هتشوفي مبقاش سعد المنياوي الا لما قضيت عليكي نهائيا
_________________
ف بيت المنياوي

سليم : المناقصه رسيت ع عمك سعد وكان لسه هيكمل نيره قطعته ف الكلام
نيره بصدمه : يالهووووي ده ازاي  وبصت لنيران اتكلمي
كانت لسه هتكلم قطع كلامهم جرس الباب
نيره راحت فتحت لقت ظابط وعساكر
الظابط : انا المقدم علي مطلوب من نيران المنياوي  اخلاء المكان حالا
نيران : ليه ان شاء الله
سليم : البنوك وعمك حجروا ع كل ممتلكاتك
نيران بصدمه  : نعم .. لا ده تزوير انا المناقصه دي كانت المفروض ترسي عليا انا واثقه انها اتزورت
علي : انا اسف نيران هانم كان نفسي مجيش لحضرتك بالطريقه دي .. بس حضرتك ممنوعه من كل حاجه فمطلوب اخلاء المكان حالا
نيران بهدوء: ممكن تسيبنا لحد بكره نكون لمينا حاجتنا
علي : اسف يا هانم ده امر ولازم يتنفذ
سليم : طب سيبهم لحد بكره طيب
نيران بهدوء : سليم بس .. تمام طبعا ده شغلك
نيره بهمس لداده فاطمه : هي ازاي هاديه كده احنا ممنوع عننا كل حاجه ايه الهدوء اللي هي فيه ده
نيران : بصت ل نيره و داده فاطمه يلا اطلعوا لموا حاجتنا كلها وهنروح شقه نيره
علي : احم .. اسف للمقاطعه بس ماينفعش مش دي شقه المعادي
نيران : ماينفعش ايه  .. ايوه هي !؟
علي : كل ممتلكاتك  او ممتلكات انسه نيره محجور عليها يعني محدش يقدر يقرب منهم ابدا من فلوس او شقق او شركات او مصانع ممنوع تماما
نيران : كانت ناقص تطلع نار من ودانها بس حاولت مايبنش عليها .. ثانيه واحده بقا
سليم : تعالو اقعدوا عندي ف بيتي
نيران : لا يا سليم
سليم : اومال هتروحي فين !؟
نيران : استني طلعت موبايلها واتصلت بعم محمد .. ايوه يا عم محمد
محمد : ف حاجه يا ست هانم اجيلك
نيران : لا يا عم محمد بس هو اللي انا طلبتوا منك جاهز !
محمد : بلع ريقه .. جاهز يا هانم
نيران : تمام ممكن تيجي تاخدنا بقا عشان هنعيش هناك
محمد : مين اللي هما احنا !؟
نيران :  عم محمد بلاش اسئله كتير ممكن تيجي وبس
محمد : حاضر يا ست هانم
سليم : ممكن تفهميني انتي ناويه ع ايه ؟؟
نيران : بصت لداده فاطمه ونيره ورجعت بصت تاني لسليم .. انا من فتره كنت عايزه اختلط بالناس فكنت ناويه انزل حي شعبي
سليم : وانهي  بقا حي شعبي
نيره وداده فاطمه بصدمه : حي شعبي
نيره : نيران انتي اكيد بتهزري صح لا طبعا بليز
نيران بهدوء : هننزل نعيش ف امبابه
سليم ونيره وداده فاطمه دخلوا ف حاله صدمه
نيران : هي كانت هتكون مجرد تجربه لكن دلوقتي بقا امر واقع ومش هتناقش ف الموضوع ده لانه هيتنفذ خلاص اتفضلوا اطلعوا جهزوا هدومكوا
نيره : نيران لو سمحتي متعمليش كده
نيران : انا مبعدش كلامي مرتين يا نيره
نيره : يوووه بقا اتكلم يا سليم
سليم : واضح انها واخده القرار وكمان مقتنعه بيه .. عشان كده رفضت انكوا تقعدوا عندي .. انا هاجي معاكوا ع الاقل اشوف المكان
_____________
ف امبابه ...
محمد : ادهم فين يا ست هدي
ادهم جيه من وراها انا اهو يا عم محمد خير يا عم محمد ف ايه
محمد : اللي هيأجر شقتك عايز يجي النهارده يستلمها ممكن
ادهم بستغراب : بالسرعه دي
هدي : ادهم هتأجر الشقه اللي انت تعبان ف تجهيزها
ادهم : ماما حاجه تسند .. وغير الموضوع عايز عقود هتخلص النهارده كل ده ازاي يا عم محمد
محمد : معاهم محامي
ادهم : هايل ايه السرعه دي .. ماشي هيجوا امتي
محمد : دلوقتي
ادهم : بالسرعه دي وغير الشقه عايزه تتنضف كمان
محمد : هطلع منار تنضفها .. انا هروح اجيبهم بقا
ادهم : ماشي يا عم محمد
ادهم قفل الباب
هدي : انت بتفكر ف ايه حرام عليك الشقه حرام
ادهم : ماما حاجه هتسند معانا واحنا محتاجين ايجارها
هدي : ياررب صبرني وغير مستعجلين ع الشقه كده ليه وكمان هيجوا دلوقتي
ادهم : كان هيكلم بس قطع كلامهم جرس الباب تلاقيها منار عشان تاخد المفتاح
منار : بابا قالي اطلع انضف شقتك
هدي : استني يا منار هطلع انضفها معاكي عشان اشوف اماكن الحاجه عشان الشقه ميتسرقش منها حاجه
ادهم ضحك : ماشي يا امي والله كنت عارف انك هتقولي كده  اتفضلوا اهو المفتاح
_________________
ف بيت المنياوي ..
سليم : انا مش متخيل ان انتي عقلك جابك تقعدي ف حته شعبيه
نيران : دلوقتي مقدمناش غيرها وشاورت ع الظابط هو انت اطرشت مسمعتوش قال ايه قال اني احنا ممنوعين من كل حاجه يبقا هو ده الحل الوحيد دلوقتي وب شر لحد مردلي حاجتي تاني وده هيكون قريب جدا
سليم : متقلقيش هيحصل بأذن الله  .. اما اشوف اخرتها معاكي
نيره وداده فاطمه نزلوا معاهم الشنط
نيره بقرف : خلصنا
عم محمد جيه : بص لظباط بستغراب
سليم : اتفضل يا عم محمد
محمد : خير يا ابني ف ايه
داده فاطمه : اتحجر ع الممتلكات كلها
محمد بص ل نيران لقاها هاديه جدا كان ف دماغه واحده غيرها دلوقتي تكون متعصبه وبيطلع منها ردود افعال وحشه
نيران : احنا كده جاهزين يا عم محمد وبصت لسليم تعالي وصلنا عشان تعمل عقود الشقه كمان
نيره بنبره صوت عاليه : انا نفسي اعرف ليه العذاب  اللي بتعمليه فينا ده .. ماحنا نروح نقعد عند سليم وخالي في البيت
نيران : بصتلها بصه خرسيتها .. يلا ومافيش نقاش ووجهت كلامها ل نيره  تاني مفهوم
نيره بخوف : حاضر
سليم : يلا بقا
_________________

ف اسكندريه ..

اسما : سامح انا عايزه انزل الجيزه
سامح ببرود : هو ف حد تعبان
اسما : هو انا لازم انزل عشان حد تعبان .. عايزه اشوف ماما واخويا وكمان بقالهم كتير ماشفوش ادهم الصغير
سامح بلامبالاه : مش لازم تنزلي كلاميهم ف التليفون فيديو
اسما : انت ايه مبتحسش بقولك عايزه اشوف اخويا وامي وحشوني
سامح : بقولك ايه يابت .. اتلمي كده واتمسي ماشي .. انا هروح اتخمد بعيد عن وشك العكر
اسما بعياط: حسبي الله ونعم الوكيل انا هخلي اخويا ياخدني واللي يحصل يحصل حتي لو وصلت لطلاقي
ادهم الصغير : ميث تعيطي يا ماما (مش) بابا وحث اثلا (بابا وحش اصلا)
اسما : مسحت دموعها اوعي تقول كده ع بابا عيب
ادهم : لا  وحث أنا هقول لخاله عشان يزعقله زي مازعقلك
اسما حضنت ابنها كانها بتستمد قوتها منه
__________________

ف امبابه ..
منار : كده الشقه جهزت خلاص
هدي : أستغفر الله انا عارفه اني لو مهمااتكلم معاه مش هيسمع ابدا دماغه ناشفه زي ابوه .. وبصت ع الشقه كان نفسي يوم ماتتفتح يكون داخلها هو وعرسته
منار : سرحت بخيالها شويه .. يا خالتي سبيه ع راحته هو ممكن يكون شايف حاجه احنا مش شايفنها فهماني
هدي : حاميله يا اختي حاميله
منار بضحك : والله مابحاميله بس ده حقيقي هو اكيد شايف حاجه انا وانتي مش شايفنها بس
منار : ده صوت ابويا اهو ف الحاره اكيد جم
هدي : بت يا منار هو مين اللي هيجي يسكن ف الشقه بظبط
منار : ست هانم اللي ابويا بيشتغل عندهم .. سايبه الفيلا وجايه تعيش ف حاره
هدي : نعم ده ازاي ده
عربيه سليم المرسيدس اول مادخلت الحاره بقا كله يتفرج عليها
محمد : اتفضلي يا هانم اتفضل يا سليم باشا
نيران : هنا متقوليش هانم قول نيران بس
نيره : بهمس كمان من غير القاب لا كده كتير بقا داده فاطمه ضربتها ف كتفها من تواضع لله رفعه اتلمي بقا
نيره : شكرا يا داده شكرا
محمد : نده ع عيل من ع اول الحاره واد يا حمو
حمو : نعم يا عم محمد
محمد : خلي بالك من عربيه الباشا متخليش حد يقرب منها لحد ماننزل
حمو : حاضر يا عم محمد عيني .. اوعي ياض انت وهو ياض
نيره : ليه
حمو : عشان اسم النبي حرسك متتقلبش من الحراميه
محمد : خبطه ف كتفه بس يلا اعمل اللي قولتلك عليه يلا يا  نيران هانم
نيران بصتله
محمد : لسه عقبال متعود اقولك نيران بس
الناس اللي ف اول دور ف البيت
ام فتحي : ايه يا ابو منار بقت تبص ع نيران ونيره وسليم بصات  من فوق لتحت .. امال مين دول يا اخويا
محمد : جيرنا ومالكيش دعوه يا ام فتحي اتكلي ع الله خشي شقتك
ام فتحي : بستفسر يوه مش هيكون جيران .. والنبي وصي ع سابع جار ووقفت قدام نيره وحطت ايدها ع شعرها ولا ايه يا اختي
نيره : ياااي بليز دونت تاتش مي يا ام فتحي انتي
ام فتحي : ايه يا حلوه ..لا مترتنيش بالانجليزي كده انا عندي الواد بقلوظ ابن اختي بيرتن بالانجليزي برضك بياخد احسن كورس انجليزي ف الدنيا عند ميس لواحظ ف الخرابه اللي ورانا دي
نيره : بقلوظ! وخرابه ! وات ايفر اي دونت كير
(مش مهم انا مش مهتمه )  .. وغير اسمها مس مش ميس
ام فتحي : ماعلينا مش هنختلف يا اختي نورتوا الحاره يا حلوه منك ليها
نيره : بليز طلعوني من هنا
سليم ونيران وداده فاطمه كانوا هيموتوا من الضحك
محمد : ماخلاص بقا يا ام فتحي
طلعوا السلم
ادهم سمع صوتهم وطلع من شقته
محمد : ادهم يا ابني السكان الجداد وبص لنيران .. بشمهندس ادهم يا نيران هانم صاحب الشقه اللي هتسكنوا فيها
ادهم بستغراب :  اهلا وسهلا .. هانم !
نيران بهدوء: اهلا وسهلا بيك يا بشمهندس .. ممكن اشوف الشقه عشان نمضي العقد وتقولنا عايز فيها كام
ادهم لنفسه : واضح انك مغروره  .. اتفضلوا
منار اول ماشافت نيران ونيره حست بغيره
هدي بصدمه : فاطمه
فاطمه بصدمه : هدي

#وتبدا الان مغامرات عيله المنياوي ف امبابه 😂