ف اوضه ادهم ..
ادهم : ها احكي سمعك وبلاش تقولي انا كويسه عشان انا عارف انك مش كويسه او بمعني اصح قلبك مش كويس
اسما : اول ما ادهم قالها كده اتفتحت ف العياط
ادهم : بقا يطبطب عليها اهدي طيب اهدي سامح عمل ايه
اسما بشحتفه : اتغير اتغير كتير مش سامح اللي حبيته ابدا يا ادهم مش هو كانه اتبدل بقا واحد تاني غير اللي انا عارفاه بقا دايما يزعق ويسبلي البيت ده وصلت بيه كمان انه بقا يزعقلي قدام ادهم .. ادهم بقا شايفه وحش يا ادهم وانا مش عايزه يشوف ابوه كده ابدا .. ادهم انا عارفه انك صح ف كل حاجه بس انا بحبه فاهمني
ادهم : خدها ف حضنه فهمك يا اسما وفهمك اوووي كمان .. انا بكره هسافر اسكندريه وهتكلم معاه
اسما : لالا عشان خاطري يا ادهم لا متروحلوش
ادهم : لا طبعا اسما لازم يعرف اني انا ف ضهرك
اسما : عشان خاطري يا ادهم
ادهم : عشان خاطري انتي بس .. انا بكره هروح خلاص ولنفسه واما اشوف هتبقا عامل ازاي قدامي يا سامح
اسما : انا عارفه اني مش هعرف اقنعك
ادهم مسحلها دموعها قومي اغسلي وشك انا احرق الدنيا عشان دموعك دي
اسما : حضنته ربنا يخليك ليا وماتحرمش منك يا ادهم ياررب وقامت وكانت لسه هتمشي بس وقفت تاني ادهم
ادهم : نعم يا اسما
اسما : نيران هي كمان بكره مسافره اسكندريه عشان هتصفي الشركه بتاعتها هناك
ادهم بستغراب : هي مش اتحجر ع ممتلكاتهم
اسما ابتسمت : لا نيران دايما بتكون عامله حساب اي حاجه وبتبقا عامله استبنات عشان تتسند عليها فهي ليها شركه هناك كانت كتباها بأسم سليم ابن خالها بس ورق صوري كده المهم اني هي بكره هتروح تصفي الشركه دي .. نيران ذكيه وذكيه جداجدا كمان .. المهم سيبك من كل ده طلما انت رايح روحوا مع بعض وارجعوا مع بعض هي برضو هنا مش عارفه الطريق
ادهم : نروح مع بعض بصفتي ايه يا اسما وغير ماينفعش دي بنت وليها سمعتها اي حد هيفتكر حاجه وانا مش هحب ابدا حد يتكلم عليها عشان ساعتها هقطع لسانه من لغلوغه
اسما : طب اعرض عليها كده
ادهم : يا بنتي شوف انا بقول ايه وانتي بتقولي ايه انا غريب عنها انا ولا اخوها ولا خطيبها ولا جوزها انا غريب عنها حطي تحتها مليون خط
اسما : ماهي لو ركبت مع سواق ماهو غريب عنها هو كمان ايه المشكله فيك دلوقتي
ادهم : دعك ف دقنه امشي يا اسما امشي
اسما ضحكت : انت هتدعكلي ف دقنك لا ياعم انا همشي بكرامتي احسن
ادهم : شاطوره بتسمعي الكلام اتكلي ع الله بقا
***********************
نيران : شكرا بجد ع الاكل والشقه وكل حاجه بجد
هدي : ايه اللي انتي بتقوليه ده .. والله ربنا بعلم انتوا دخلتوا قلبي ازاي
نيران : شكرا ليكي بجد ..وبصت لفاطمه داده انا بكره هسافر اسكندريه هصفي الشركه اللي هناك
فاطمه : ولما تصفيها هتعمليها فين ؟
نيران : هعملها هنا ف امبابه
هدي وفاطمه بصوا لبعض بصدمه : شركه ف امبابه ؟
نيران : ايوه وفيها ايه وغير دي هتكون مربحه جدا
فاطمه : نيران بلاش تكون السكينه سرقاكي
نيران : داده انا بكلم جدا مبهزرش انا خطتط ليها يا داده المهم اني انا بكره هسافر اسكندريه عشان اخلص من الموضوع ده وسابتهم وقامت
فاطمه بصت ل هدي : شوفتي هي كده دايما
هدي ابتسمت : بتفكرني ببابا الله يرحمه و بمحسن شديده وصعب حد يقرأ هي عايزه ايه ابدا ربنا يوفقها بجد يلا انا هنزل بقا ....
**********************
ف اوضه نيره ..
أنت تقرأ
أنثي من عالم أخر (مكتمله) بقلمي آلاء محمود
Romanceبقلمي الاء محمود 💜 ماذا سيحدث أن جعلنا الأنثي هي من تمتلك النفوذ .. وأن تكون صاحبة الأملاك وأن جميع الرجال يرتعبون من شخصيتها القوية .. .. ماذا أن جعلنها هي من تقع ف حب رجل متوسط المستوي وتتغير من أجله ونجعل هذا الرجل يحطم اسوار هذه الأنثي .. ماذا...
