البارت الخامس عشر
أيام لا تحتسب
#طائر_بلا_تغريد
مساء الخير حبايبي يا احلى متابعين
حيدر
رحت للحمام من رجعت سمعت صوته تتوسل
دخلت للخيمه شفته كاعده وبلا حجاب وثنين ولد من ذوله الكيكيه كاعدين كباله ويضحكون
وهيه تتوسل بيهم
الله يخليكم ما اكدر اسوي الي تردونه
اسمعي لج مو بكيفج الحجي غصبن عليج لو بس حنوش حلال واحنه حرام
بس حنوش يحبني ويريد يتزوجني
حنوش.... أني اتزوجج ليش عيني خلصت البنات ماكو بعد بس انتي اتزوجهه
حيدر....بعد ماكدرت اسكت صحت
شنو هاي شتسوين هنا ولج
باوعتلي وعيونه كله دمع وتناشغ
حيدر ...
أي حيدر شنو مسويه وتتوسلين بذوله
انت منو حظرتك وشلون تدخل الخيمتنه بهل شكل
باوعتله بتك عين كتله
شنووووو خايب دطير
شنو خايب انت متستحي نتر حنوش
حيدر.... لا خليت المستحه الكم التفتت على عاليا كتله
فهميني شنو السالفه لتخافين أني مثل اخوج
دنكت وكالت
هذا حنوش ضحك عليه كلي اتزوجج و ... سكتت
مسحت وجهي بأيدي بقهر وكتله
كملي
وهسه جايب هذا صديقه صوفي لو يكل الابويه لو .....
هم لو احجييييي
شحجي شحجي لطمت على خدوده وتحجي
باوعت عليهم كتلهم
شني ولكم صايرين زلم براس البنيه
حنوش... أني زلمه غصبن عليك
صوفي ... انت منو حتى تحجي ويانه
حيدر... لعبت نفسي من شكولهم مايعين جنهم نسوان وحجيهم مثل وحده ...... استغفر الله
لزمت حنوش وصوفي كل واحد من خوانيكه وطكيت رأس براس كتلهم
شوفو ولكم وحق حيدر الكرار
وداعت امي الي شوفته اغلى من عيوني اذا ما عفتوا البنيه اكتلكم وادفنكم هنا بخيمتكم سمعتوا لو لا
أي أي سمعنه اصلا ماعدنه شي وياهه
طكيتهم واحد بلثاني وشمرتهم بلكاع
ولزمت عاليا من أيده وطلعته بره الخيمه
امشي بس شني بركان بداخلي يغلي
اريد بس افهم منهه شنو صار يعني ماخذينه لو لا
حتى اكدر اتصرف
وذوله ما أكدر اجرم بيهم لمن أتأكد خاف ينهزمون
