هلا بيكم اشلونكم ❤️
اووووف يل بعدك عني تصبح جروحي جهال وتمشي عل كزاز
وصار ثالث يوم الي بي اروح لبيت شيخ رعد
فصليه وكعدت نعسانه وبس حته اشبع
من اهلي وفتت سبحت وضليت افتر اشويه بالغرفه والم غراضي
الباقيات حته ابدي اخلي اخواني ينزلوهن وبين ميكعدون اهلي ولملمت غراضي
شفت عيوني خف الورم مالت البجي انتبهت عل تلفوني امير جاي يتصل رديت وسمعته لاول مره يبجي. ويكلي اوووف ردتج الي مره واشوفج بالبدلك مهرتي لج عمري حبي اشلون بيه واني ابجي يول اموري ارجع ميستحملوني اطلعلهم كرون هههههه شبيك كافي يله تعالي لان الضهر نطلع لطريق بين بصره وبغداد حته ياخذوني
كافي اه اه انته الوحيد الي احبه وملك كلبي
انته زوجي وحياتي وكل شي يله روح لازم انزل تعال اريد اودعك.
نزلت امي صاحتني وتبجي وابويه تعاي بنيتي تعاي اميرة بيتي وشمعتهه واجتي تركض شام من فوك ها عليوي كلبت عليه وهسه هيه اميرتك مو رجعوني لرجلي يله كمتله وكرصتهه كتله شوكت تبطلين سوالفج وكعدنه نضحك وكمنه كعده حسين ومحمد بالثلج ونضحك ومحد صار يعيط اليوم اذبحج واحنه نركض وهمه ورانه ختلنه وره ابويه
اشو ابويه تعالي ودير علينه قالب الثلج وكعدنه نكمز اني وشام وهمه يضحكون علينه وامي وحياة ودينا ميتات من الضحك ومحمد وحسين يباعولنه ويتحلفون النه
كملنه ولملمنه الغراض وصارت وكت اروح لجهنم خرب امبينين مكروهين
طلعت ودعتهم ودعت جهال اخواني وما خله من البجي بس من شفت امي انكسرت بطلعتي حاولت ما ابجي واهديهه واني انتضر اشوف يمان وامير وماكو محد اجه ودعتهم وطلعت ويه ابويه واخواني
وصلنه نزلو وكالوا ابقي هنا
راحوا عل سيارت
كلهه مضلله واكفين يمه كلهم معكلين
وكف ابوي يم رجال كلش جبير ورجال اصغر منه بشويه واكو ولد بس بعيدين
ضلو يحجون بعدين نزلو غراضي اجه واحد عبالك باعشرين اخذهن وحطهن بالسياره واجالي محمد كالي نزلي واني لابس نقاب وعبايه واشي اسود لن ميت ابنهم عيب نزلت ودعت ابويه بهل لحضه صاحني اميررر يبنت عمي اندارين والدموع تنزل وكلهم يباعون اجه يمي وسلم وضلوا هو وابويه والشيخ يحجون وقرب مني وكال احبج رجعيلي واني بس ابجي بهل اثناء انتبهت عل واحد عاط عيطه يبو
باوعت عليه بس مو اضح كلش لف الغتره الخليجيه ولابس مناضر وشايل اسلاح وساد قبضه ايده وعصبي يله صعدي صعدت بالسيارت وساقهه همزين الولد ابو العشرين لان كلش حباب ميعيط ولا شي والطريق كله ركب ويانه واحد شايب جبير ويضحكون ويشاقون
واني ابجي كالي لاتبجين مو شي بيدج واليمه الرجال كال حسبيني حسبه جدج واني ويانج وذاك ايكول تره احنه مناكل بشر اذا حجيتي ولا انكص ركب اشبيج ويضحك
وصلنه لبيت مو بيت قصر وكل ما حواليه خضار والجمال مالت البيوت
نزلت ونزل جدو ويايه فتت اول مفتت شفت
مهاب كعدت الصبح واليوم تجي البلوه كعدت سبحت وكملت وحطيت سلاحي لفيت الغتره واخذت اجهزتي ونزلن لكيتهم جاي يتريكون اكلت ورحنه لديوان واحنه جاي نتفق عل مكان الي نريد يكون بين. طريق بغداد والبصره حته منروح لبيت الشيخ علي وهنا اتفقنه الي يعقد عليهه اني لان جبل وصكر مزوجين وناظم مو من نوع يلزم مسؤليهه ويرف كلبه. كيحب اياذي. احد كملنه حجينه وطلعنه بالسيارات وصلنه وهمه بعدهم ما اجو انوب بقوا علينه ذوله الكتالين يتاخرون تهي بهي اي والله انتضرنه وره نص ساعه اجوي نزل ابوهم والولد وهيه منزلت واني اريد اشوفهه بس السياره الي بيهه مضلله ضلو يحجون ويه ابويه وجدي وانوا محد يمسه او ياذيهه وبعدين الشيخ عي اخذ ابوي وضلوا يحجون بس سمعت اتفقنه هاي هيه لعد واجويه راح محمد يصيح البنيه نزلت وهاي من فوك لي جوه اسود ومامبين اصبعهه ضليت صافن كلت هسه تطلع قرده يبو فوك ما مستحملتهه
بس محمد اخواته من نوع الي ميلبسن حجاب دائما يحجي هيج توووف يبو اني معليه اشوا هاي ودعت اهلهه وبعدين جاي تركب بالسياره واجه واحد شحط السياره وصاح بنت عمي اندارينه هيه بقت واكفه ومتحركت اجه سلم علينه كلنه وكف يمهه من وكف شاورهه وصا بس صوت شهكاتهه واني عطت يله مشينه
ومن ركبت متتت هذا ليش يحجي وياهه وبينت عصبيتي ابوهه كال هذا ابن عمهه وبحسبه اخوهه متربين سوه
اني سكتت بس نار جوايه ركبت والسياره هيه وجدي وناظم واحنه تفرقنه كل واحد وسيارته وصلنه ونزلت هيه وجدي وصلهه واحنه فتنه لديوان بين ميجي السيخ ونعقد
بهل اثناء .....
اسفه عل تاخيري بتنزيل البارت اني كل مره انزل العصر بس اليوم مجان عدي واهس اكتب ومردت انشر بس لعيونكم حبايب❤️
لاتنسون التصويت والتعليق عل كل فقره وياريت تنشرون الروايه عمود يزيد التفاعل
بايييي❤️
الكاتبه رفقه الدليمي 🖤
أنت تقرأ
فصليه للنقيب
Fiksi Penggemarفتاة عنيده وذات غرور ولا يستطيع شخص ان يكسرها شاء الزمن اني يجعل احلامها تتحطم وتذهب فصليه ال البصره 🖤
