امنيات مسروقه

البارت الخامس ............

مره مرتين سمعت وغلست
بس الثالثه كتله انت شسامع
ضحك كال كلشي مسامع ليش هو اكو شي
كتله لا ماكو شي بعصبيه
رحت لامي واكفه عالطباخ
كتلهه ماما حجيتي لحسام كالت ع شنو
كتلهه تعرفين ع شنووو
كالت اي لعد مو اخوج ومن حقه يعرف
كتله اي اخويه ع عيني وراسي
بس شيعرف هو شنو الصار حتى يعرف
كالت هاهيه اني كتله بعد
اني هنا ما ضجت لان حسام عرف
ضجت لان ما فاتحين موضوع اني واحمد انو انطي علم لاهلي

هو يدري انو  امي تدري لان ما اضم عليهه شي
بس باقي اهلي ماعرف ردت فعله
المهم لزمني حسام كالي ترا الكليه حياة ثانيه
وبيهه اشكال ديري بالج
ولا تامنين لاي احد خليج حذره
كتله لا تخاف اختك بمية رجال وسويتهه ضحك لان اريد اتهرب لا يفتح موضوع احمد
الساعه 2 الضهر اجتي السياره الي نروح بيهه
رحنه اني وماما وسلام وجيرانه مره جبيره مامتزوجه امي جانت ناذره طلي للامام علي فدؤه لاسمه
اخذناه ويانه ورحنه
السياره بالطريق كامت تخربط
المهم وصلنه ب9 للنجف بالامام
طلعت فوني لكيت احمد حارك الجهاز
راسن اتصلت بي كال ويييينج ليش متردين
كتله صامت مادري والله
كال وصلتو كتله اي
كال تمام ارتاحي وبعدين نحجي
تعشينه وكاعدين بالامام كلنه لان حتى السايق
موغريب يصير عديل سلام وصديقه وره العشه ردت اروح للسوك ماما كالت ما اكدر رجليه يونن عليا
اخذت خاله المره جيرانه الي راحت ويانه
فتريت بسوك النجف بالليل
واخذت كم حاجه واخذت محفضه وسبحه وجداحه لاحمد
من اخذتهن كلش جنت فرحااانه احس هو ويايه
مناسيته
فتريت اخذت شي رمزي الي ولسهى ودنيا واماني طبعا هذني اعز صديقاتي
هههه اتصلت بيا زهراء صديقتي
طبعا احنه ع تواصل دائما عرفت اني بالنجف
كالت شراح تجيبيلي
كتله اطلبي عيوني الج
كالت امم بكيفج
اخذتلهه بدي
رجعنه للامام طبعا ما بتنه بفندق ولا بيت
لان جان الجو بشهر الرابع يجنن
ونوم ماكو للصبح الناس تفتر
المنضر يجنن حرامات ينعاف
المهم الولد نامو احنه ما نمنه
ب5 الفجر كعدوا كالو يلا خلي نروح ورانه روحه
لكربلاء
طلعنه تريكنه شي بسيط وطلعنه لكربلاء
وصلنه تقريبا ب9 الصبح
دخلنه زرنه الامام العباس فدؤه لاسمه والامام الحسين
وطلعنه رجعنه للبيت وصلنه وره 3 العصر
دخلنه  لكيت سرمد  مغدي ابويه
هم خلف الله عليه ولو هو غصبن عليه ابنه بس شنسوي كلمن وضميره
المهم سبحنه وجيت دا انام خابرت احمد كتله وصلنه وراح انام خليت الفون عالشحن ونمت
ماكعدت غير بالليل
كلللش تعبانه حتى مجنت ناويه اداوم ثاني يؤم بس عندي امتحان
المهم رحت للدؤام واخذت ويايه الهديه الرمزيه الماخذتها لاحمد واخذتله حلاوه لان يموت عالدهينه
تصوروا كد ما يخاف تجيني حجايه ميوكف ويايا كلي خلي العلاكه عالمصطبه وروحي اني اخذها
وفعلا هذا الي صار
ماجنت اكدر ارفض اصلا ليش ارفض يعني شاكول اكوله لي متجي توكف يمي شراح تكون ردت فعله احتمال راح يشوفني بعين صغيره احتمال مراح يفهمني اني بدون شي سالفة انو دخلتله وحجيت وياه بالبدايه ماهاضمتها هذا كله حجي حجيته بداخلي واني اخلي العلاكه وامشي
مشيت وره ربع ساعه اتصل حبيبي ليش  مكلفه نفسج السبحه جانت كللش كافي
امم
كتله لا عادي هاي حتى تتذكرني بيهن
حبيبي ليش اني اكدر انساج حتى اتذكرج
مررت الايام وامه بين يوم ويوم تراسلني
نبقه نحجي عن احمد واطباعه وتعلمني شلون
اتعامل وياه واني ابقه استمع لكل كلمه عنه
اثناء متحجي اني اتخيل الصفات الي تذكرهن بي
هو فعلا عصبي بس حنون اني لمست هاي الحنيه
هو شخبلني غير هالحنيه العنده
صدك اني ما حجيتلكم عن احمد
اسمه احمد طالب اداره واقتصاد
مو كللش طويل يطلع تقريبا 165
اني اوصل لصدره
اسمر سماره يجنن
عيونه كبار منفخه طبيعتهن هيج تحسوهن نعسانات
حواجبه ثخان
خشمه حلو لايك ويه وجهه
حلكه مو ذاك الكبر مرسوم حلو
بوقت الي شفته جان ديلعب حديد
بارزه عضلاته بترتيب تجنن
كللش يعتني بمضهره عنده اهم شي نضرة
الناس اله لازم يكون انيق
ولازم محد ياخذ عنه نضره انو هو ابو بنات
او يباوع ع بنات
هذا الشي جان كلللش يهمه
جنت كل يوم قبل ما انام اسمع اغنية يارا
مابعرف كيف بنضره بتعمل هيك
بتاخذني ليك وبموووت عليك
مابعرف شو الي عم يسحرني فيك
لمسة ايديك ضحكت عينيك
حسيت بقربك بالامان
عشت بزمان غير الي كان
جنت اتمعن بكل حرف منهه
واتخيل هاي الاغنيه علينه
جنت احب حرصه وتحذيره
جان ميقبل اوكف احجي ويه استاذ اسال عن شي
ولا يقبل احجي ويه احد من القسم
بس البنات ويسالني هم تسلمين اجاوبه اي طبعا
شلون يصير ما اسلم
يكلي اي بس من تدخلين القاعه السلام عليكم
او صباح الخير كافي
اجاوبه اي طبعا كافي لعد شسوي
اصلا اني علاقتي بس بالبنات وانت تعرفهن
جاوب اعرفهن اعرفهن بس هاي دنيا ممرتاحلهه
كتله شبيهه ترا هاي فطيره لا تشوفها تضحك
وتسولف بس بداخلهه فطيره
كالي اشششش انتي الفطيره
جاوبته لا احمد لا ما اقبل تجيب طاريهه
كالي ماشي راح اسكت بس خلي ابالج
اذا شفت عليهه شي بعد ممنوع توكفين وياها
اني سكتت صدك خفت لا يمنعني منهه
خفت لا يخيرني بينه وبينهه
شلون يربي اذا نحطيت بهيج موقف
مرت ايام كمت انتبه ع تصرفات دنيا و
احذرها وحجيت لسهى
بالاول سهى كالتلي هو شعلي بيهه
كل شخص حر بتصرفاته هو ميكدر
يحاسبها ع تصرفاتها ولا حتى يربط
تصرفاتج بتصرفاتها
كتلهه حتى لو سهى اني ماريد اخسر وحده منجن
ولا اريد اخسر احمد
سهى هم نتبهت ع تصرفات دنيا
احنه جنه متاكدين هي ماعدها شي
بس فطاريتها تجيبلها الحجي
حذرت دنيا اكثر من مره
مرت ايام احمد مو مثل قبل تغيرت تصرفاته
يعني جان يتصل ملهوف حتى يسمع صوتي
احسه يستمع لكل حرف انطقه
ويتمعن بي
احمد يوم يحجي ويوم يبقه ساكت
ويوم يكلي تعبان مابيه احجي
واني اسكت واكله روح عيني ارتاح
نحجي بغير وقت
هالشي تكرر هوايه
اول ايام جنت اكول احتمال صدك تعبان
ميصير اضغط عليه
بعدين كام يتصل مثل اليقضي واجب
شلونج اخبارج مع السلامه
واني اسد الخط واكعد ابجي بحركه وانام
ودموعي بعيني
اخر شي ماتحملت
حجيت وياه كتله شبيك
شصاير وياك
ليش متغير
كال مامتغير
كتله لعد ليش اسلوبك كله متغير
كال منار ما متغير بس مرات تجي عالبشر
فترات يحن بيهه
كتله شنوو وانت لمنو تحن
كال منار ماريد اضوجج
احمد لا ما اضوج احجي اني اضوج اذا بقيت بهذا اسلوبك ومتحجي
كال منار راح احجيلج بس متضوجين واني هم اريد ادخل بصدق وبدون كذب وياج
منار اني جنت احب وحده اني بس استمع ودموعي تنزل بس ابد ما حسسته وجنت اريده
يحجي كلشي
منو هي
كال بنت خالتي بس فترقنه
كتله شنو السبب
كال هي طبعها مددلة ابوها وماتطلب شي ويكولولهه لا
لبس ممقبول حجاب ماكو
واني كل هذا ما اتقبله
اكثر من مره حجيت وياها
لتزمت مره مرتين
بس مره من المرات مجتمعين خالاتي وولدهم
وهي طلعت تتمختر بالتراك الضيق وحجاب ماكو
لزمتها بالمطبخ كتلهه اني شكايل
اقلها لبسي دشداشه وخلي شال ع راسج
جان تكلي وانت منو حتى تحاسبني
اني ابويه ميحاسبني
يكول باوعتلهه كتلهه هاهيه خلص
كلشي بيناتنه نتهى
وبهاي طلعتي من هذا الباب انسي كلشي
يكرل طلعت ولحكتني احمد
لا احمد لا هاي شبيك
صدك تحجي
يكرل لزمتني من تيشرتي
وعتيت ايدها حيل امي لحكتني
يمه احمد شبيك
كتلهه اني رايح تجين كالت اي
وطلعنه وحجيت لامي
ونتهى كلشي
واني الشخص الي يطلع من حياتي
ميرجع بعد اعتبره واحد مات
بس مرات اتذكر
وابتعد ما احجي وياج حتى لا تنقهرين
امم
لا ما انقهر
اني القبل ما احجي بيهن ولا احاسبك عليهن
اليهمني من عرفتك وعرفتني
من هذا التاريخ عندي انت نولدت
قبلها ميهمني بس البعدها لاااا
احمد
ها منوره
احمد اريد وعد منك
وعد
هههع غير تعرف شنو الوعد
اي كولي
اوعدني احمد اذا بيوم حسيت نفسك متكدر تكمل ويايه تكولي ماريد احس نفسي ثكيله عليك او
متحملني غصب عنك
اششسششش منار شدتحجين مستحيل هالشي يصير
احمد ماريد اكتشف شي اني
احمد لا تضم عليا شي
احجيبي كلشي
اي شي راح تحجيلياه راح اتقبله
بس اذا كتشفته اني راح انهار احمد
وماوعدك شنو راح اتصرف
وعد حيااتي وعد
وج انتي ليش دتبجين
ماعاش الي يبجيج حتى لو اني
اهيئ اهيئ لا اسم الله عليك لا تكول هيج
ديلا كومي غسلي ام عقل الصغير
وج اني شعندي غيرج
احمد تحبني
امممم افكر والصبح اردلج
اهووو احمد جاوب
وج دماغ البشه شلون ما حبج
يلا نامي حياتي
تصبح ع خير حبيبي وانتي من اهل الخير حياتي
منار لا اله الا الله
سيدنا محمد رسول الله
كالعاده ايامي مابيهه جديد غير فقط احمد وضلعاتي
هاي الفتره كلها
ما خلت من المشاكل العائليه
كل فتره ومرت سرمد محشيه براس سرمد كومه حجي ودازته علينه يهوووس ويروح
اني ميهمني
يوم من الايام يوم جمعه اني تعلمت اخبز لان
امي بعد ميصير تخبز لان عيونها عمليه
ف اني دا اخبز بالكراج مال البيت
كملت ودخلت الخبز للبيت وامي بقت بره
ماعرف شلون لفت انتباهي مرت سلام سوت حركه بايدها غمت امي وفاتت مشافتني بس اني شفتهه اني تخبلت بس لزمت نفسي اجه سلام صحتله ع صفحه وحجيتله  بدؤن ما احسس امي
هو محجه شي وصعد لمرته ماعرف شحجه وياها
وهي كامت تصيح وتغلط مبين علينه
امي راسن كالت هاي عليمن كتلهه هااا مادري
كالت هذا الحجي علينه منار شكو شصاير
بهاي الاثناء مزل سلام كالي تحلفين قران هي هيج سوت امي كالتلي لا تحلفين موزين
كتلهه لا والله وره هذا الغلط السمعته احلف
وره شويه نكلبت الايه عليا
اجه سرمد هو ومرته يهدون عليا
ويحجون وكبروا السالفه الي هي جانت محصوره بيني وبين سلام
وسرمد يهدد بعد دوام ماكو
وكانو جان يريد حجه
كال لامي اذا شفتهه الاحد طلعت الصبح اكسر رجليهه
اني فكيت حلكي ع شنو كل هذا لان ما قبلت حجايه ع امي

............. نهاية البارت الخامس