البارت السادس .......
ثاني يوم جان سبت امي طلعت الصبح اني جنت نايمه بعدني مكاعده
امي طبكت الباب الداخليه وطالعه
حسيت ع صوت الباب تندك
كمت فتحتهه طلع سلام بالباب فات حجه عليا حجي وجعني ونزلن دموعي لا اراديا
ما تحملت كلامه وجعني
اجتي مرته مدت ايدها دا ادافع عن نفسي ما خلاني لزمني من خصري وجتف ايدي
اويلي الله لو ذابحني ولا هيج مسوي بيا كام ابويه وهو خطيه ديوخرني منه بدون قصد صابته دفعه ووكع عالصوبه الكهربائيه
اني فقدت ودفعته واغلط واعيط وابجي
اجه سرمد ضربني واستغلو فرصة امي ماموجوده
اجتي امي شافت الموقف كدامهه اني مضروبه وابجي واعيط ابويه واكع الصوبه مكسوره
تخبلت بس شتسوي
خابرت حسام كالي منار لا تبقين بالبيت منار طلعي اني بالدوام جان جيت اخذتج بس سبوع ما ارجع للبيت
كتله راح اروح يم زهراء
خابرت زهراء كتلهه زهراء راح اجي ابات يمج بس كلشي لا تساليني كدام اهلج
كالت ماشي راح اكلهم اهلهه رايحين للزياره وهي باجر عدهه امتحان
طلعت ووصلتي امي اجرنا سياره وصلتني للباب هي رجعت واني دخلت
وصلت يم زهراء ومتت بجي
احجي وابجي زهراء تخبلت
كالت كافي عيوني لا يصير بيج شي
بيومها قفلت جهازي
حتى احمد ماريد احجي وياه شكله
راح يعرف اني بيا شي
زهراء كسرت عليا وغيرتلي جو طلعنه بالليل بالسطح سوالف وضحك نجبرت انسى كلشي
نمت وثاني يوم اخذت ملابس من زهراء وخابرت نعمان وصفتله البيت واجاني لبيت زهراء
بالدؤام خابرتني امي كالت تخبلو الليل كله يتوسلون كتلهم راح اشتكي عليكم
وصارو جرذان
وع طلعتج هم تخبلو
كتلهم لعد شعبالكم اخليهه هنا وتضيعون مستقبلهه
كالو خلي ترجع ماعلينه بيهه
كتلهه حسبي الله ونعم الوكيل باطلين
وفعلا رجعت من الدوام للبيت
اني وزهراء كلش صديقات
يعني اروحلها افتح كنتورها اخذ منه ملابس
وهي نفس الحاله مو صديقات اكثر من خوات
الوضع كان هادئ نوعا ما بس
ما احجي ويه احد منهم حسام اجه وره كم يوم لعب بيهم طوبه
كاللهم ليش تحاربون هاي المسكينه
شنو الشي الزين الشافته منكم
احد منكم فكر شلون دتروح وترجع
منين تدفع للخط منين تلبس
والكليه مصاريفهه كومه
كالوله اي عدهم تقاعد
كلهم وهو التقاعد شيكيفيهم عيشه
لو علاج لابويه
لو طلبات البيت
سكتووو
طبعا راح احجيلكم شلون جنه عايشين
الراتب مال ابويه جان 900 كل شهرين
امي تقسمه بالنص 450 كل شهر
علاج ابويه وعيشتنه بالبيت
وهواي امور
ومنهه اني الخط مالتي
وملابسي ومصرفي
ومطاليب الكليه الي جانت تكسر الضهر
الوان فريمات فرج وهواي شغلات مجبورين ناخذها
جانت امي كل شهرين تجيبلنه نص كيلو لحم
مو عيب وابد ما استعر من هالشي
جانت تقصر ع نفسها وعالبيت في سبيل توصلني
واني جنت اتمنه اصير شي واعوضها واعوض ابويه
جانت العطله عدنه سما نرتاح بيهه
ماكو مصاريف
بس رغم كل هذا ما فد يوم طلبت من احد من اخواني ولا همه قدمولي شي
بس حسام جان ميقصر ويايه
حاولت اتناسه هاي المشكله وارجع لنفس حياتي حتى احمد ما جبتله طاري ولا عرف
ورجعت للدوام ورجعت انتبه ع دنيا وع تصرفاتها
لحدما فد يوم كتلهه تره احمد حذرني
اذا شاف عليج شي يمنعني منج
وزعلت بس ماطولت بالزعل لان جانت فطيرة كلب متتحمل تزعل او تكدرون تكولون ماجانت عدهه احد غيرنه اذا تزعل وين تروح واحنه ماعدنه علاقه باي بنيه
احجيلكم شويه عن دنيا وحياتها
دنيا
امها توفت بعد ما ولدتها
وابوها نقتل بسبب الطائفيه
دنيا الصغيره بالعائله عدها اختها اكبر
منهه تزوجت وعدهه اخ هم اكبر منهه
بس اخ كسول متسلط
ميكلف نفسه يشتغل حاله حال الشباب
ولان بلغ قطعو حصته من راتب الاب والام
واختهه تزوجت ايضا قطعو الراتب عنهه
بقت دنيا فقط تاخذ راتب
وهو عايش من راتبهه او بالاحرى البيت كله عايش من هالراتب
دنيا المدلله والصغيره اختها هراي دللتهه
وماقصرت وياها تكول يكفي هي نحرمت من الاب والام ويمكن سبب دلالهه خلاها
تسوي الي سوته لان ممتعوده اخد يكلهه لا ع شي ومتعوده تسوي كلشي تريده وتخبه بدون تفكير هذا الشي غير هواي اشياء
وهي هواي تحب تشتري وتلبس يعني تصرف راتبها كله عالملابس والمكياج
وتبقه وره عشر ايام من الراتب مفلسه
تقترض مني ومن سهى واختهه تدزلها
يعني جانت اكثر وحده بينه تشتري وتلبس
احنه نحسه ماله داعي يعني مثلا سهى امكانيتها احسن من دنيا بس مو هيج مبذره
جانت حياتنه حلوه عايشيهه بساطه اني وسهى واماني
مرات بيناتنه نحجي نكول يعني ماله داعي تصرف فلوسها عاللبس وبعدين فلوس ملزمه ماعدها
بس ابد ما جنه نبينلهه ولا نكسر بخاطرها
لان تبقه اختنه وصديقتنه ومنرضه ع زعلها
مرت ايام ورجعت علاقتنه دوام ومحاضرات ونلتهي
فد يوم كاعدي واباوع دنيا صافنه
اشرتلهه بايدي هي هي يمعوده وين صافنه كالت هااا شبيج
هههه لا يمعود هو اني شبيه لو انتي رايحه بغير عالم
كالت منار باوعي هذاك الولد
شلون شخصيه وثكيل
ياهو هذا ع منو تقصدين
هذاك هذاك هاي شبيج
الي لابس قميص ابيض
اي اي شفته شبي
احبه
هاااا
شتحبين منه يا الله
انتي تعرفي
لا لا ماعرفه بس هيج نضرات وحبيته
ههههه كولي الله عيني هي مال نضرات
كالت وج صارلي سبوع اباوع علي
كتلهه عزززه بعينج خمه نتبه
مادري مادري بس ماكدر ماباوعلع
اي دنيا انجبي لا يروح ينتبه احمد وشيخلصني
اوووي منار واحمد شعبي بيا
خمه اخته اني
لا دنيا ليش هيج تحجين ترا احمد يخاف عليجن مثل ميخاف عليا لا يدري انتن خواتي واي شي يصيبجن يصيبني
يلا كومي وكافي تباوعين
كالت ماشي منوره بس لا تجيبين طاري لسهى واماني
ليييش بالله
لا مو هسه خلي نشوف شيصير يلا
يلا عيني يلا كومي للمحاضره وعوفيلنه توم كروز
فات تقريبت سبوع ودنيا تباوع لهذا الولد هواي تباوعله
هو جان كلش ثكيل يعني لا يباوع ولا يرفع عينه ومبين نفسيه
بس حتى اذا ميباوع دنيا جانت نضرتهه ملفته يعني هو فهم هي دتباوعله
اكثر من مره دنيا مثل الطفل من كل عقلها وكعت كامت تحبه وهي مجرد تباوع بنضره حتى هو ميبادلهه النضره
طبعا هم اجاني عزز هلو منار
هلو عز
منار رايدج بشغله
كووول عز
منار اكو بنيه تمشي ويااج
منو قصدك
هذيج البنيه الطويله لان منار اطول وحده بينه
هااا قصدك دنيا شبيهه
هاا اسمهه دنياا
باعي عيني دا تباوع لصاحبي حيدر
كلت بكلبي عززه شكد عيب هسه شيكول عليا اني والبنات صخام اذا احمد سمع سكتت شويه
كتله حيدر منوو
كال هذاك الولد الكاعد
صفنت اي والله هو هذا الي تباوعله عقدت حاجبي وسكتت
كال منار شبيج انتي متدرين بالسالفه
يا سالفه عززز شصاير فهمني
كال صار تقريبا شهر تباوعله
شنووو لا ماكو هيج حجي
كال لا اكوو وهوو دزني عليج لان انتي بنت خالتي وهي صديقتج يريد يعرف
هههه هاي لساهم مصدكين انت ابن خالتي
اي لعد شعبالج احسن خليهم مصدكين
المهم كليلي شنو هاي البنيه منو منين اسمها اهلهه
كتله والله مادري شكلك
كال كوليلي هي سنيه لو شيعيه
كتله كذا
كال اممم مختلفين
بس راح احجيله
والله كريم
كتله عزز فدؤه هالموضوع ماريد احمد يعرف بي
كال لا لا اطمني لاشفتج ولا حجيت وياج
راح وره شويه رجع كالي منار ماكو قسمه
الولد مو من طائفتهه وحيل متعصب بطائفته
هاهيه عزز اني اسفه خليتك بهيج موقف
لا يمعوده انتي شنو ذنبج بادعكس عبالنه نوفق راسين بالحلال ما رهمت
اممم انت شلون شيخ عاد ماعرفتك
ههه شنو مامبين عليا شيخ اصلا كل شي اسوي اعمال خيريه واخرهن انتي واحمد
ههه اي والنعم منك
يلا يابه اني اروح
الله وياك خيي
رحت للبنات صايره نااار فعلا ضايجه وخجلانه من تصرف دنيا
حجيت عليهه ورزلتها
وحجيتلهه كلشي صار وكل الحجي الي كاله عزز ع لسان حيدر
هي راسن دمعت وكامت تبجي
يابه هسه ع شنو تبجين
اليسمعج يكول قصة حب
بس الاريده منج بعد متباوعين عالولد ابد ابد دنيا ابد هزت راسها
سهى طبعا ما سكتت العقل مال الشله
حجت وياها ورزلتهه وبنفس الوقت رزلتني لان اني جنت ادري وما حجيت
اماني هم حجت عليهه اماني كلامها جدا قليل وخشم وهيج سوالف متتحملها
حاولنه نكسر ع دنيا حتى متفكر بحيدر او تحاول تثبت نفسهه انو تجيبه للطريق
نجحنه انو نخليهه تتناساه
هاي الفتره اني واحمد عادي مرات يتصل مرات لا
بالدوام نهائيا ميطيل النضر عليا
بس يحب يشوفني كدام عينه كاعده
مرات اختفي لو بالقاعه لو بالمغاسل راسن يتصل بيا او يدزلي رساله انتي وين
لتهيت بالدوام ومتحمله مزاجه المتقلب
وهو دائما يسالني ع دنيا
واني اغير الحديث
كمت اشك بتصرفات دنيا واتابعها
خاف صدك عدهه شي احمد منتبهه علي واني مامنتبهه
وبقيت احذر دنيا من تصرفاتها وهي تضوج
ودائما اذكرها انو اذا سوت شي راح امتنع عنهه وخاصة بعد تحذيرهه اني اكون معذوره
وهي تضحك وتهز ايدها والله يا الله انتي
مو صاحيه انتي واحمد مالتج
يلا علواه يادنيا لعد اني شاريد امنيتي
نبقه طول عمرنا سوه
وميفرقنه شي
نبقه نبقه حيااااتي نبقه احلا رباعي
بالكليه وحتى وره منتخرج نبقه ولما توكع سنونه
مو هيج اماني مو هيج سهى
سهى واماني هههههه اي اي هيج دنيا الخبله
منار ربي لا يفرقنه
تدرن انتن خوااتي اني ماعندي خوااات
والله عوضني بيجن لذلك ماريد اخسر وحده منجن ابد ابد
سهى الله لا يفرقنه
اللهم امين
اماني تضحك وتكول عززززه انتن شنووو
شلون هيج تخلني اضحك
ولجن اني بيتنه ابد ما اضحك
ههه والله لو خواتي يدرن بيا هيج اضحك يموتني هههه
طبعا اماني وحده ناعمه ونازكه
وكلللش حساسه
وكلامها قليل ومتحب تختلط باحد
ماعرف شلون توالمت ويانه
هي من عائله حالتهم زينه
ابوها جان اله منصب بالجامعه
واخواتها كلهن يدرسن
عائله مثقفه نوعا ما
لكن ابوها جان كلش عصبي
اكثر الامرار يجي لكليتنه
نسلم عليه كلش حباب ويانه وحتى وياهه
جانت تكول هاي بس كدامكم
بالحقيقه هو مينحمل
يعني اكو شي خاص مانعرفه
.... ...............
نهاية البارت السادس
رئيكم
أنت تقرأ
امنيات مسروقه
ChickLitقصه حقيقيه حقيقيه بمعنى الكلمه تحكي معاناة فتاة مع القدر الذي لا يرحمها ولعبة القدر عليها وضعفها كونها بنت ل4 اخوان لا يرحمون
