البارت السابع .....................
طبعا هذا الشي مسويلهه ردت فعل من كل المجتمع
تخاف من ابوهه خوف مصاير
تهاف ترفع عينهه لا ابوهه يسمع
تخاف تضحك لا ابوهه يسمع
مثل المربطه و بس ويانه تكون ع طبيعتهه
وبس ويانه تسولف وتضحك
وكوه جانت طايقه الكليه
وكل الي يربطها بالكليه هو احنه وبس
وجانت بهاي الفتره كلللش قريبه من سهى
احجيلكم عن سهى
من عائله مثقفه ابوها مدير مدرسه
وامها معلمه
اخوانها تقريبا كلهم كبار
واحد منهم متزوج
والثاني لا والصغير جان طالب بمعهد
عدهه اخت وحده متزوجه
سهى بسيطه بكلشي بلبسهه بمشيتهه
ابد مو متصنعه
رغم هي حالتهه زينه بس متحب التبذير عكس عن دنيا من السما للكاع
عقلها كلش جبير تفكر بالامور الى ابعد الحدود
وكللش متحذره من موضوع علاقه او ارتباط
يمكن هو هذا الشي الي قرب اماني منهه
طبعا جانن نفس المنزله عندي ماعندي وحده اقرب من الثانيه ههه مرات الصدفه تجيب دنيا ويصير حدث تعرف قبل سهى
سهى تتخبل والعكس صحيح
جنه منحب الخصوصيه احنه اربعه ماكو بيناتنه خصوصيه
ف جنه اذا وحده عرفت شي لازم متحجي للثانيه اله صاحبة الحدث تحجي
ولازم تبين انو هي متفاجئه مجانت تعرف قبل
كل هذا حتى مننعزل وحده عن الثانيه
مرت الايام
علاقتي باحمد مامنضمه مره يهتم مره يهمل
مرات اتحمل مزاجيته واكول ميخالف
خطيه تعبان دوام وشغل وانوب اني شيصير
بس بالفتره الي يهتم بيهه يعيشني بحلم بس يرجع يهملني وارجع اشبع قهر وبقه يسال عن اوضاع دنيا واني احاول ابعده عن صديقاتي
بس خلال الفتره الي جتي بدت دنيا تنجرف
وبدينه نلاحظ هالشي اني والبنات
وتقريبا بده يتحقق كلام احمد عن دنيا
من خلال تقربها لرعد
اعرفكم برعد وبمعرفتي البسيطه عن عائلته
جان عندي صديقه هي مو كلش صديقتي
بس اخوهه صديق سلام
تعرفت عليها من جنت امتحن سادس
اخوهه نقبل ويانه بس غير قسم نفس المرحله
اني سامعه بي بس مشايفته
اول ماداومنه خابرتني ريم اخته
هلاو منار لج هذا رعد نقبل يمكم
اممم اي مبروك ههه وشنو المطلوب مني
لج شبيج دتعرفي علي هو مثل اخوج
وثنينكم من نفس المنطقه وهو مو غريب
صديق سلام
اممم ماشي ريم هو شوكت يداوم
وج اليوم مداوم ماشي دوكفي يم العماده
هسه اخابره يجي يسلم عليج
تمام حبي
وره دقايق اجاني ولد السلام عليكم
عليكن السلام
انتي منار
انت رعد
يي
اهلا وسهلا فرصه سعيده
اني الاسعد
اني هنا اي شي تحتاجي بس اتصلي
ريم كالت دزيتلهه رقمج
يي صح دزتلياه
ممنونه منك
باي
باي
رجعت للبنات
راسن دنيا سالتني لج منار منيلج هذا الصاك
ههه لج شنو صاك شنو هالمصطلح
هسه معلينه تدورين مصطلحات احجيلي منو هذا
هذا رعد
يفدوه اسمه رعد
لج ثكلي شبيج
اي اي كملي
اخو ريم صديقتي
جان تعقد حواجبهه اممم صديقتج
عندج صديقات غيرنه مووو
هههه طبعا لعد قابل بس انتن بس اكيد انتن
تختلفن حيااااتي
امممم راح اعديلجياها لخاطر رعد
يبووو شواح يخلصني
يلا امشي البنات دخلو محاضره
وره ايام
كام رعد يفوت يسلم
ودنيا تفتح حلكهه وتصفن علي
وتنكرص لو مني لومن سهى
لج بابا شبيج بطلي هالتصرفات لخاطر الله نسيتي سالفة حيدر
اي ليش دتذكرني
سهى ... دنيا لازم نذكرج ولازم تنتبهين ع تصرفاتج
ترا ميصير هيج الناس متفتهم انتي فطيره وهاي شخصيتج راح يفسروهه غير تفسير
يي ميخالف راح انتبه
طبعا الحجي دخل من اذن وطلع من الثانيه عد دنيا
وبقت تباوع لرعد وتطورت الشغله الى ابتسامات واني والبنات طك كلبنه من هالتصرفات
دنيا كامت تتقرب مني كلللش هواايه
طبعا السبب جان رعد
لحد ما فد يوم كالتلي منار منوره حبيبتي
خير دنيا شعندج وره هالدلع
عيوني منوره احجي ويه رعد جسي نبضه
لج مصخمه ع شنو احجي ويه الولد
وج والله لو يدري احمد يموتني
اي شمدري يا منوره شمدري
دنيا انجبي واسكتي احسن وج اني لحد هسه ما ناسيه سالفة حيدر
وكل ما اتذكر اموت قهر شلون نحطيت بموقف بسببج ماريد انحط مره ثانيه بهيج موقف
خلص الحجي دنيا سديلي هالموضوع
وره كم يوم اجه رعد سلم كل مره من بعيد يسلم هالمره اقترب
سلم وكال منار عندي موضوع وياج
خير رعد
امشي شويه
متت خوف شلون راح امشي وياه اذا شافني احمد هو ويه الذنات ميقبل افتر يكول كعدي
انوب ويه رعد
هذا صديق سلام واخو ريم عيب ما اعرف شيريد
مشيت وياه خير رعد قلقتني
كال منار اني معجب بوحده مر صديقاتج
اممم منو ولك تباوع ع صديقاتي اليوم اخابر ريم واكلهه اخوج طالعه عينه
هههه لا منار اني صدك دا احجي
منو رعد
زين ليش جيت كتلي خو روح كوللهه مباشر
أنت تقرأ
امنيات مسروقه
ChickLitقصه حقيقيه حقيقيه بمعنى الكلمه تحكي معاناة فتاة مع القدر الذي لا يرحمها ولعبة القدر عليها وضعفها كونها بنت ل4 اخوان لا يرحمون
