KALANGITAN
ULAP
Nais kong maging bahagi ng mga ulap sa langit
Upang ng sa gayo'y kahit magkalayo tayo
Abot tanaw naman ako ng mga mata mo
At madarama ko pa rin ang iyong pagtitig
ARAW
Sana'y kapwa kita nakatanaw sa papalubog na araw
Ng upang sabay tayong matauhan
Na lilipas na naman ang araw na di ang kamay mo ang aking hawak
BITUIN
Isa kang bituin na kailanma'y di ko susungkitin
Sapagkat kahit ikaw ay malayo sa aking piling
Batid ko naman na ikaw ay akin
BUWAN
Saksi ka sa mga naging pagluha sa gabi
Sa lahat ng nakaaalam ikaw ang di marunong magsabi
Kahit alam mo ang dahilan ng pilit kong mga ngiti
At kung paano ito mapapawi
YOU ARE READING
Spoken Feelings
PoesíaYung mga bagay na di nasasabi sa personal Ay sasabihin sa pamamagitan ng mga tula At kung ang ilang parte ay hindi tutugma Patawad sa magiging pagkakamali MAHAL.
