فتاة لبسها الحزن

البارت 2... "

سلام عليكم
.
.
.
الحياة سألت الموت : لماذا البشر يحبوني ويكرهونك ؟؟
اجاب الموت : لانك كذبه جميله وانا حقيقه مؤلمه
.
.
.

يارا:- رحت للمستشفى شفت ماما وبابا واخواني مغطيهم ضليت بس ابجي

اجيت لبابا بابا اكعد الله يخليك ليش عفتني بابا اني نجحت ومعدل عالي انت مو ردت هاي جبت شهادتي يله بابا اكعد انطيني هديتي انت مو وعدتني يله بابا

واتجهت لماما ماما كعدي يله ماما ساعديتي بواجباتي الله يخليج كعدي وضليت ابجي

كمت مسحت دموعي ملت هذي هديتكم مشكورين على هذه الهديه بعدين اجه عمي اخذني للبيت كنت مصدومه كلش اخذو اهلي للنجف

ضليت اني ومرت عمي ونسوان هواي اجو ويبجن ----لاتبجن اهلي هسه يجون بس يتغدو سمعت الباب انفتح شوفو هاذا اجو رحت لكيت عمي

هاا عمو جبت اهلي

الاعم ابو حسام:- اهدي يارا اهدي

يارا:- عمو شنو اهدأ اجو اهلي لو لا ؟

ابو حسام:- -----------

يارا:-عمو احجي الله يخليك وين راحو

ابو حسام:- -----------

يارا:- اخذني عمو خلي اروح وياهم

ابو حسام:- يارا دخلي جوه ام حسام تعالي اخذي يارا (ام حسام زوجه عم يارا ابو حسام)

ام حسام:- حاضر اخذت يارا ودخلنا لجوه

يارا:- عمه عمي راح يجيب اهلي مو ؟

ام حسام:- -------------

يارا:- ليش كلكم ساكتين احجو الله يخليكم والله تعبت

بعد مرور 3 أيام

يارا:- خلصت الفاتحه ضلو بيت عمي ابو حسام يمي

ابو حسام:- ياسمين
(ياسمين بنت عم يارا ابو حسام)

ياسمين:-نعم بابا

ابو حسام:-صيحيلي ليارا

ياسمين:- تدلل ---- يارا ابي يصيحلج جوه

يارا:- كنت كاعده بلغرفه واتذكر امي من تكعدني واخواني الي يلعبون وبابا الي يجيبلي الحلويات وابجي اجت ياسمين كلتلي عمي يصيحلي نزلت لجوه

ها عمو تصيحلي

ابو حسام:- اي بنتي كعدي هنا

يارا:- عمو كعدت شنو تريد

ابو حسام:- يارا انتي بنتي مثل ما ياسمين بنتي اريدج تجين تعيشين ويانه لان ما يصير اضلين وحدج بلبيت

( هذا الكلام ابو حسام مو من قلبه لانه هو طامع بورث اخوه ابو يارا)

يارا:- عمو ما اكدر اروح للناصريه هناك مامتعوده ودراستي هنا اسفه عمو اضل هنا

ابو حسام:- لايارا ماتبقين هنا ببغداد وحدج هناك بيتنه تعيشين ويانه باجر صبح نطلع حضري نفسج

يارا:- رحت للغرفه ضليت ابجي يارب شلون اعوف بيت بابا وذكريات ماما وضحكه اخواني واروح اعيش هناك مااعرف شنو متضرني يارب ساعدني

حضرت غراضي ونمت كعدت صبح صعدت بالسياره ضليت طول طريق ابجي وصلنا للناصريه دخلنا مزرعه وكفت سياره

ابو حسام:- يله يارا نزلي هذا بيتنه

يارا:- نزلت و اول مره اشوفه لان مارايحه ألهم دخلت للبيت

ابو حسام:- يله دخلي هذه الغرفه مالتج

يارا:- ماشي عمو مشكور ---- سمعت كلام عمي كلش زين ويايه يارب كون حياتي حلوه بهذا البيت

غيرت ملابسي ونمت لان تعبانه من طريق كعدت ساعه ب9 نزلت لجوه لكيت ولد ثنين كاعدين يم مرت عمي

صباح الخير
ام حسام:- صباح النور بنيتي

حسام ورسام:- متفاجئين منو هاي وشنو هل جمال ولا لابسه حجاب وشعرها يجنن 😵

حسام:- ماما منو هاي

ام حسام:- يمه هاي بنت عمك خطيه اجت يمنه ماعدها مكان تروحله

حسام:- اهاا ( سمعت هيه بنت عمي تفاجئت كلت عمي مين جاب هل بنت وشايله هل جمال كله)

رسام:- ضليت اني صافن عليها لان تخبل

يارا:- اني تفاجئت من كلام مرت عمي من كالت ماعدها مكان تروحله اتذكرت اهلي ضليت ابجي

رسام:- شنو اسمج؟

يارا:- اني

رسام:- رفعت راسها شفتها تبجي ---- اي انتي

يارا:- اسمي يارا

رسام:- يارا ليش تبجين؟

يارا:- اني لا لا ما ابجي ومسحت دموعي

رسام:- اوك براحتج

يارا:- كملت اكل وصعدت للغرفه دخلت للحمام سمعت صوت عمي يصيحلي اني بسرعه نزلت

عمو صحتلي

ابو حسام:- اي صحتلج بنت امين ليش ما جاوبين

يارا:- كنت بلحمام ماسمعتك

ابو حسام:- ماسمعين مــو... يـتـبــع
.
.
.
⭐⭐⭐⭐⭐
#الخالديه