#البنت_عار🙆🔥🔥
#الحلقه الحاديه عشر(11)✨
الساحره: ورده ماتلعبيش امعي لأنك ماتعرفيش شنو ممكن اندير وقتها
ورده: كذابه ماتقدري اديري شي ..خزي
الساحره: السحر ح ينقلب عليك توا تشوفي وقولي قالتها @
ورده: عقاب كذابه ...
طلعت ورده وخايفه يطلع كلام ساحره صح وسحر ينقلب عليها ومتوتره في نفس الوقت
روحت ورده للحوش وكـ العاده ماحد فاطنلها تخش وتطلع امته ماتبي وماحد يقوللها وين مشيه؟
__________________
عند منى
منى"خايفه": لالا ماديروله شي
الشرطي: لازم يتعقب يامدام
منى: ماكنش يعرف شنو بيصير
الشرطي: لوحديكو ولافي حد معاكوو
منى: بروحنا مافيش من يقعد امعايا
الشرطي:ح عديهالو المره
منى:بارك الله فيك .... ع جيت ايهم يجري ومصدوم
ايهم: صارلها شي؟
منى"بحقد": بنتي كويسه ليش كنت تبي يصير امعاها شي!!
ايهم"بعصبيه": منى مش هكي الأسلوب راه
منى:علمني الاسلوب والباقه تفضل
ايهم"بنرفزه": شنو صار في البنت
منى:نصيب اسمها نصيب
ايهم"بغل": باه شنو صار فيهااا احكي خلاص😠
منى: حطوها ع الأكسجين بعدين نروحو بيها
ايهم:الحمدلله
منى: ايهم هما كلمتين اسمعهن ماتبيش تربيها امعي قولها وانا نطلاق ونربيها بروحي كيف ماربتني امي انا وخواتي مانوحلش متخرجه وعندي شهاده نقدر نخدم
ايهم"بنرفزه": منى شنو تحكي انتِ انا جبتها ع خاطرك راه كان نبي اصغارومن لحمي ودمي راني متزوج من زمان
منى: وتزوج ماعنديش مشكله
ايهم:تمام يامنى خلي سنتين هذووم يمشو وبعد نروح نخطب ونتزوج وكان بتطلقي وتربي بنتك اطلقي
منى:اسمها نصيب معش تنسه... بالك انت اول واخر واحد فدنيا؟..تزوج حتى عشره مني انا
وزد الحديث سخن بينهم وفي نهاية بكل روحوللشقه كل واحد مش طايق الأخر
__________________________
في المطر
كان انيس حاس بشعور غريب معش قدر يصبي
خالد"بـ خوف": شنو صارلك ياخيي
انيس"بـ وجع": روح بيا الحوش معش نقدر روح بيا
خالد"بعصبيه": الله يهديك من بدري نقولك نروحو هيا
خالد سند انيس ومشو ركبو فـسياره
خالد: شنو يوجع فيك
انيس: مافيش شي يوجع لكن مش قادر نصبي
خالد: يستر الله يسترالله
روح خالد بأنيس بسرعه وكلم عمامه كلهم وخوته
خالد:انيس وضعه مش تمام🙂
القاسي:شنو صار مش ع اساس اليوم بيمشي التونس؟
خالد: كان بيمشي لعند ما صار ....... بدا يحكيلهم من لما ولع القرآن
هشام: بالك مسحور
القاسي"بصدمه": معقوله من يسحره
هشام"عقد حواجبه": مافيش حد غير بنات جميله
القاسي"بعصبيه": لا مستحيل البنيات اللي شفتهن مايقتلن حتى نمله تقعدو انتو وزمان عليهن واجد راه
هشام:املا من
القاسي: توا نجيبو شيخ ونعرفو من وقتها
خالد"كان متوتر": انا نبي نمشي نستأذن
الجميع: معك اذنك
أنت تقرأ
#البنت_عار🙆🔥🔥
Misteri / Thrillerتتحدث الروايا عن 4بنات تربيهن ام مكافحه ولان غي زمن الجاهليه والعنصريه كانت المرا التي تنجب فتاة يصفوها بالعار!!... روايه هادفه ...مزجيج مابين الغموض والشك والأثاره والقليل من الكوميديه...لينة المنفي
