مشو عني الاحبهم عصر قلبي بدربهم
اموتن من بعدهم ياروحي شلون بيه
عل الطول سفرهم طفت عيني بصورهم
ودعيت الله اليردهم ويردون اليه
ترد روحي اذا كالو هلج كلهم يردون
على جروحي شماته لو ون كلهم يمرون
راحو مني وضليت ذكرو دمعه وسط البيت
بواجي مفاركه عيوني من حالي ولا مليت
:::::::::::::
راحو ماخذوني هلي ويمكن نسوني
بعدهم يتموني وانا صغيرة على همي
يا دنيا وينه اهلنه وين اهل المحنه
تفاركنا بحزنا ويبس دمعي ويا دمي
يا بويه ارجع اصيح وترهم الفركه على صوتي
بعد شنفع دنيا وفاركت من عندي اخوتي
عليله وقلبي مابيه حيل واشوف الدرب وحشة ليل
غرفنا يتم الدمعات بصغرنا وشفنا عمر الويل
::::::::::
يتيمه والضيع اهله تجي الوادم تذله
وانا الربوني عله عافوني على موتي
وانا بهاي المسيه طفت بالغاضرية
شفتهم على الوطيه ذبايح كل اخوتي
شيصبرها تشوف اكبالها مذبوح ابوها
شكللها التمشي و تعثر بجفين اخوها
يازينب راحت الوليان بين الخيل والنيران
هاي الناس ما ترحم خواتي مالهن خوان
