#الشينه😂😌💔
مقدمة🌚
طبعا انا زي ماكتبتلكم لينا 🐸فالبداية الشينه بس مش شينة روح يعني بس شكلي شين😭😂💔
مهم انا قصصي وتجاربي في الحياة كلهن فشلات وحظي حي ع ام حظي😭
يقولو حظ القبيح فسماء لايح بس انا حظي دير الروحه قبر الله يرحمه🐸❤️
اسمي نجمة بس تعرفو الليبين يكرهوك في اسمك لذلك يقولولي نجميه🌚💔
عمري21 سنه متخرجة وقعده فالحوش نشتغل بنقله عند هلي تحديد الملابس بدينار تسخين شاهي بدينار خوي يجيه صحبه نديرله صفره امفتلكتها ب5 دينار بس وندين فيهم ديرتلهم تخفيضات واختي تحط عندي عويلها ب6 دينار ع الفرخ الواحد🐸😌😂
مهم فيوم جيتنى اختي نجوى الصبح بدري قبل مايوعى حتى الدجاج💔
نجوى: نجميه نبيك تمسكيلي حمادي ورتاج غير عندي مشيه البنغازي😥
انا: طفي ضي واطلعي برا مش وقتك😒
نجوى: هيا البسي وتمشي معانا بنغازي نبو نقعدو فيها اسبوع بس ومروحين!
انا: قصدك وخذتني امعك نمسكهم لك غادي😳
نجوى: وطبعا نعطيك حقتك مثل العاده ع الفرخ6 دينار شن قلتي🐸
انا قعدت نفكر القيتها والله فيها جوو قلت نثقل روحي شوي مانبينلهش اني ميته ع المشيه عشان ماتعقدنيش😌✨
نجوى: بسرعه هيا ؟!
انا: باه🐸✨
لبست لبسه نزيكه يعني وجسمي مساعدني مش دبه ومش ارقيقه واسط يعني كويس✨
وجهي تعبت وانا نحطله فمكياج وقاعد كيف ماهو🌚😌❤️
الشي الوحيد اللي مريحني انه يقولو اللي ترقد واجد تحصل عريس جميل🙄😂
نجوى: واخيرا هيا عبد سلام يستنى فينا برا🙂
طلعت ونقول في شي نسيته بس ماعدلتش وخذه امعي موبالي ونصور فطريق وجو سمح مافطنتش روحي الا فبنغازي توعي فيا نجوى
انا: نبي نرقد خطيني
نجوى: انزلي هيا يابت وصلنا😑
نزلت وانا دايخه م سياره ونوم العشيه شين مهم اول مابديت نخش للحوش نسمع فصوت هرجه؟!
انا: نجوى شنو صوت هذا
نجوى:
....يتبع
كان عجبتكم نكملها طبعا روايه كوميديا بس احدثها مزالو مابدو يعني فالبداايه دعمكم ومتابعه الإميلي عشان توصلك أول بأول رايكم؟!
للكاتبه:لينا المنفي🌸🌸
أنت تقرأ
#الشينه
خيال (فانتازيا)روايا تتحدث عن فتاة مرحه تحب الضحك الروايا عباره عن مقدمه واربع حلقات ..كوميديه❤️🔥
