ألندم 🥀

البارات الثاني 💔

أيمان دخلن وبيدهن الفستان كالن يلا كومي تنشوف الفستان عليج كمت وعيوني مغوركات اخذتو منهن ودخلت للغرفه بقيت ابجي إله طكيت لبستو وطلعت عليهن شافنو تخبلن عليه كالن تعالي اكلي حتى نبدي انحضرج للعرس. إيمان ما اريد ما اشتهي اكل. الأم لا ماما إيمان بالله اشون ماتكلين وانتي وراج عرس تعالي يلا كلي كمت ورحت أكلت شوي ورجعت غسلت وجهي وبدن يحضرن بيه مرت ٢ ساعتين على تحضيري. ها كملنا تحضيرج شو باعي خلي اشوفج. باوعت عليها. ما شاء الله بلا حسد بنتي طالعه تخبلين بس بقئ تلبسين الفستان مال عرسج. من كالت هيج عبالك كلتلي ابجي مو كالت البسي الفستان بجيت وحضنتها هئ هئ هئ هذا يا فستان عرس قصدج البسي كفنج بأيدج بالنسبه الي هذا كفني ومن اليوم اطلع من البيت موتي. الخاله اسم الله عليج بنتي شنو هذا الحجي توكلي بالله تره كل البنات تزوجو. إيمان بس مو غصب خاله مو غصب. الخاله بنتي بهذا وكتنا الاقلبيه غصب واني منهم بس ماسويت هيج أن بجيت وعيطت ما راح يغير شي بس تفضحين نفسج روحي على بيت زوجج احسن ما يفوتج القطار. إيمان خاله كافي فدوه كافي😢 شيفوت القطار اني ما رايده الزواج اشون راح اطيغه اشون اعيش معاه. الخاله راح تحبينه وتعيشين معاه بس طولي بالج وكافي بجي خل ننزل. إيمان كلتلها ماشي انزلي هسا انزل وراج. الخاله ماشي بنتي ننتضرج. إيمان اوك. إيمان طلعت خالتي وبقيت ابجي محد حاس بيه محد ديصدك هذا ضلم كلهم تفكيرهم بس زواج مايفكرون إذا شخص عندو احلام ولا لا مايفكرون بس بمصلحتهم لأن الزواج مو من مصلحتي 😢💔 نزلت جو وجان موجود بنات هواي كعدت بالنص وبقئ الكل يباوع الي ويتفحصني عبالك منزلين تحفه وتا يبيعونها وهل يجي يباوع تا يعرف اشون شكل هاي التحفه بقيت صامده لا حس ولا نفس بقينا كاعدين تقريبا ١ ساعه وجان يجون الأطفال اجئ العريس. إيمان ضحكت هه قصدكم ملك الموت بالنسبه الي اؤؤؤف جريت نفس ونزلت راسي وحطن معرف شنو على راسي غطاني وفاتو صوت الطبل وصفكه وهلاهل واني رجليه ينهزون على دكت الطبل من الخوف وكلبي ديرجف ودموعي جاي تنزل حسيت بشخص مسك ايدي مشفت شي منو بس ايدو لأن هذا الي حطنو فوك راسي سد عيوني وماخلاني اشوف شي بس ايدو كانت كبيره يعني ايدي يم ايدو ايد طفل مشيت ودموعي يجرون صعدت بالسيارة ومشت وروحي هنا بقت بقت يم الي تبرو وبسرعه للغريب أنطوني مو أبويه هذا لا الي بسرعه بيه استهان ولا امي الي دمعه مانزلت من عيونها شبسرعه هيج كل لحظاتي الحلوه تبدل بمرار واني شارده بأفكاري ما حسيت إله على صوت رجال خشن كلي. أيمان وصلنه. جفلني ايي ها نزلت ونزلنا ودخلوني وكانت أجواء العرس توجع الرس من الطبول بقيت كاعده واباوع وهم الكل يباوع عليه عبالك تمثال وراها بساعات من أجواء العرس كالو العريس اجئ تا يا خذ العروس للغرفه كلبي هو الي صار طبول اريد أجر النفس ما اكدر اجئ العريس وياريت ما اجئ شكلو مرعب ماعندو شعر وضخم حيل عبالك شكل من هذوله السجناء المجرمين رجليه كامن يطكن وحده بالخ ويرجفن من الخوف ومن القهر ومن كلشي دموعي ننزلن على حظي وعلى الشكل الي اخذتو وبنفس الوقت اجتني الضحكه( اني كنت كل النهار اقلد علئ ابن جيرانه وتالي متالي أخذت يشبهو والله دنيا يمكن خطاك يا عويس ههههههه عويس بس اسمو بالكفايه يضحك جان يكلي اتزوجج اكلو اني أتزوج حلوو تالي متالي أخذت واحد يشبهك وهم انت أحلئ منو 😂 وجان يجيني صوت كلي امشي هذا الصوت رجعني لواقعي واتذكرت اني وين والضحك وين اخذت تنهيده اه اه ودموعي نزلت ومشيت معاه حسيت ماشيه معاه على موت مو على غرفه دخلنا للغرفه كال. بسم الله الرحمن الرحيم سلام قولاً من رب رحيم ويع ويع
باوعت عليه بعيوني استغراب هذا شبيه بسم الله اخاف بيه شي. كلي شجاي تحجين معا نفسج كولي اي كولي. ها شكول مجاي احجي شي. جابني براشدي جذابه بدلي يلا وتعالي انسمي اكلي. بقيت مصدومه شكو شحجيت علش ضربني شسويت بدال ما يتغزل هذا جابها من بدايتها براشديات اوف بس اوف على حظي البنات عايشات حياتهم واني بأول لحظه ادخل للغرفه يجيبني براشدي بعد ما شفتي شي يا ايمان بعد ابوج ذبج بأيدو للنار اخ يا ابوي اخ اخ بجيت وكمت رحت بدلت واجيت للغرفه جان كاعد دياكل عبالك دب الثلجي هيج شكلو وياكل اكل ما طبيعي. كلي تعالي انسمي كعدت على جربايه كتلو ما اريد شبعانه اريد انام. ايي مو بكيفج ماتريدين من اكلج شي كبل تكولين حاضر. بس اني مكلت شي اني مو جوعانه. جوعانه ولا مو جوعانه كتلج تعالي تجين. ما اريد. ما حسيت إله على ايد مسكت شعري كطعتو الي وشحطني لي يم الصينيه وضربني على كاع يلا انسمي دموعي نزلت هسا شي يوكفهن عبالك نهر و يجري بقيت ابجي على حظي طلع هو من الغرفه وكمت ابجي بصوت عالي هئ هئ هئ 😭😭😭😭😭😭 ما اكلت شي رحت نزلت الصينيه ورجعت دخلت للغرفه تغطيت ونمت معرف هو وين طلع نايمه بسابع نومه ما حسيت إله على صوت صياح وانضرب الباب حيل كعدت مرعوبه شصار شكو نزلت على سريع وجان اشوف إحسان بنص اهلو.....

شكد اكو تفاعل أكثر وتعليقات انزل أسرع وشنو شبيه إحسان بنص اهلو شصار بيه 🤷‍♀️ إذا تريدون تعرفون تفاعلو❤️