احببت مجنونه

البارت الخامس

الـبـارت الـخامـس (احببت مجنونه)
دلف فارس متذمر.. تسيطر علي وجه علامات التجهم والحنق ، حيث أستطاعت والدته التلاعب بالوتر الحساس وأحدي أهتماماته الأولي .. وأنقلاب مزاجه 180 درجه
فارس مضيقه عيني وبلهجه متسائله :لية بتدخلي في شغلي يا امي؟
هدي عاقده حاجبيها :ده مش تدخل يابني انا عاوزه يبقي عندي احفاد كتير يا فارس واخوك وخطيبته جاهزين للجواز وعمك سالم شايف ده وبعدين هيفا مهندسه صغيرة والباش مهندس عمر راجل كبير وعنده خبره وهو افضل للشغل من هيفا وخلاص انا قبلت بيه!!!
فارس بحده:وانا عاوز بقي الحقيرة دي هي الي تخلص الشغل مش عمر
هدي عابسه الوجه:انت بكده بتخزل صديق ابوك عمك عمر يافارس بعد ما تقبل بيه في المشروع
فارس رافعا يده للسماء:ربنا ياخد فارس وترتاحوا منه!!
هدي بحزن:لالا يابني متقولش كده ياحبيبي ارجوك انت مالك ماكنتش كدة ايه الي جرالك
اسرع هو للخارج واستقل سيارته وقاد بجنون
ذهب للمكتب دفع باب مكتب هيفاء ودخل لها
هيفا ببتسامه:كويس انك هنا كنت عاوزه طلب اجازه ومدت لة الورقة قطعها هو نصفين
فارس مضيقا عينيه:مش هتتجوزي اخويا المسكين يا حقيرة
هيفا بلا بمبالاه:مش مهم موافقتك علي طلب الأجازه وكمان الجواز آه جوازنا بعد اسبوع ابتدا من النهاردة وانت معزوم
دفعها هو للحائط سبتها بين الحائط وصدرة
فارس بتحذير :انتي بتلعبي باخويا
تعالي صوت تنفسها وخرج صوتها متهدج:انا مبلعبش بمجاهد ومجاهد هو الراجل الي بحبه وعاوزاه
فارس عاقدا حاجبيه بغيظ :يا سافله يا حقيرة واطبق فمة علي فمها
وهمس في اذنها:وحياه امك انا هخليكي متنفعيش للجوازودفعها علي مكتبها بحده
هيفاءبنبره منفعله :ابعد عني ابعد عني سيبني في حالي سالت دموعها فارس ارجوك ارجوك ابعد لحظه بس كده ممكن؟
افلت يده عنها فاستغلت هي الفرصة وجرت فتح اشرف الباب ودخل اصطدمت بة هيفاء
اشرف بتعجب:مالك يا هيفا بتصوتي لييية
فارس مسرعا للرد:بوظت المشروع واتخانقنا فتجننت وصوتت هبلة
هيفا بنظرات مشتعله بعثرت شعرها اكثر بيديها
وتناولت الملفات وهي تصرخ:ياسافل ياحقير ورمتة بالملفات
فتح اشرف فمة تحرك فارس نحوها ركضت هي للخارج
اشرف ضاحكا:اييييييية ده؟
دفعة فارس حتي ارتطم بالكرسي
واسرع خلف هيفاء كانت وصلت سيارتها ومشت بسرعة بها لمنزلهم
مساء وهي جالسة مع والدها
هيفا بتساؤل:هو انا غبيه يادادي لاني قررت الجواز
سالم ببتسامة:لا يا هيفا احنا محتاجين لاطفال
هيفا بتهكم:العلتين عاوزين اطفال؟اطفال!انا ...ومجاهد نخلف بس اطفال؟!
سالم مومأ رأسه:طبعا يا حبيبتي ولية ما تخلفيش انا وهدي عاوزين عشرة لا قولي دسته
- تنهدت هيفا قبيل أن تلقي بجسدها علي المقعد الأسفنجي المبطن ثم أطرقت رأسها
وعلي ثغرها أبتسامه شيطانيه ماكره .. حيث خطر ببالها بعض من أفكارها الجنونيه وقررت التنفيذ امسكت الهاتف وضغطت عليه عده ضغطاط الي ان اتها صوته
هيفا بصوت هادي:مجاهد ممكن نأجل جوازنا
مجاهد بدهشه:نأجل ايه انا اتكلمت مع الناس وبدات انا وماما توزيع الدعوات وكل حاجه جاهزه
هيفا بسخريه:الباش مهندس فارس مش موافق
مجاهد بثبات :تصدقي او ما تصدقيش فارس قالي ما دامت دي رغبتنا وسعادتنا فهو راضي وهو كمان حدد ميعاد فرحه وملاك بعد شهر من جوازنا
صمتت هيفا
--------------
في فيلا احمد الحكيم ، حيث كان الأهل واﻻقارب والأصدقاء بأنتظارهم في حديقة الڤيلا المجهزه مسبقا ، وتم أستقبالهم بأحد المقطوعات الموسيقيه اﻻجنبيه.. حيث أصطفت البالونات المضيئه تحت سماء الليل المظلمه لتشع المكان بمنظرا مبهجا للغايه ، كماتم تجهيز الأريكه البيضاء المطليه بمياه الدهب لكي تكون مكان جلستهم وحولها باقات الزهور الملونه والمنسقه .
العروسة جائت مع والدها كانت جميلة للغاية جلست مع مجاهد بعد ان تسلمها من والدها بارك الجميع لهما
هدي اسرعت لملاك:-ملاك فين فارس يا بنتي؟
ملاك وهي تنظر يمينا ويسارا: ماعرفش كان هنا من دقيقة
وكأنة تبخر بعد مدة دخل هو
اسرعت لة هدي-فارس!كنت فين يا بني ؟
فارس بتوتر:انا..انا...كنت ..قصدي كان عندي شغل مهم
هدي بتوجس:انت لية عامل كده؟هدومك وربطه الجرافت!تعالي معايا جوه وسحبت يده
فارس بتأفف:ماما سبيني
هدي بأصرار:لا تعالي هظبطلك هدومك؟
اصلحت لة ربطة عنقة في الداخل وملابسة وعاد
هدي :تعالي بارك للعرسان
فارس جاحظا عينيه:هو عقد؟
هدي بنفي:لا لسه بس تعالي تبارك ليهم!
فارس:حاضر وكمان عشان اهدي العروسه هديه الجواز
تقدم هو وامه ناحيه هيفا ومجاهد
فارس مدد يده لهيفا:مبروك يا عروسة
هيفا بسخرية:ميرسي
نظر لها بشمئزاز وعانق مجاهد هامسا: -مبروك يا خويا انا والله مش بكره لك الخير وﻻ انك تكون سعيد انت روحي
مجاهد ببتسامه: وانا كمان هفرح لفرحك يا فارس انت مش اخويا وبس صحيح انت اكبر مني بسنتين لكنك ابويا
عانقة فارس مرة اخري وهو يقبل جبينة
ابتسم فارس لهيفاء:الف مليون مبروك يا....هيفاء القاسم واخرج من جيبة سلسلة من الذهب عليها حرف H دي هدية ليك مني بمناسبة الزواج حملق مجاهد وهيفاء في السلسلة وامسكتها هيفاء كانها تمسك سلاسل من نار بين اصابعها
هدي ضاحكه:الله جميله يا فارس
ابتسم فارس اسرع احد الخدم: الماذون وصل
نهض مجاهد-ماما ..عمي سالم . ..فارس قبل العقد عاوزكم علي انفراد
والتفت لاشرف :اشرف لو سمحت خليك انت مع هيفاء لحد ما ارجع
نظر الجميع بدهشه له رمت هيفاء السلسلة علي اﻻرض
فتحت هدي فمها -هيفاء...اية الموضوع؟
مجاهد :يلا يا ماما
انفجرت هيفاء تبكي بصوت😭😭
اشرف بدهشه:هيفا مالك؟هو ده الي بيسموه توتر العرايس ؟
لم تجبة وواصلت بكاؤها
اشرف :هيفاء الناس بيبصوا عليكى
مجاهد موجها حديثه لسالم:عمي سالم انا وفارس اخويا واحد ولو اتجوز هو او انا هيفا الامر واحد
فارس بحده:مجاهد
مجاهد:لا..لا..يا خويا متتكلمش انا الي هتكلم المره دي!!!
هدي بعدم فهم:فيه اية يا ولاد؟
مجاهد:مفيش حاجة يا امي لكن فارس هيكتب مكاني وكأن شئ لم يكن
فارس بنفعال:لا...لا ولو كانت آخر بنت في الدنيا مش هتجوزها
سالم بتشنج :مجاهد انهي المهزله دي واعقد واكتب الكتاب
مجاهد قاسما:وعز جلاله الله منا كاتب علي هيفا بعمري يا فارس مش انا الي يعملها يا خويا
سالم : هاخد بنتي وامشي
ترك الحجره بأكملها وهم بالانصراف ركضت هدي نحوه برجاء
هدي :استني يا سالم دي فضيحة هنقول اية للناس
وصرخت في اولادها:حد يقولي أية الي بيحصل دلوقت؟
مجاهد :ولا حاجة يا امي مجرد تغيير من مجاهد احمد عبدلله الحكيم لفارس احمد عبدلله الحكيم مفيش ضرر!!
هدي بنفعال:هيفا خطبتك انت مش فارس
فارس بتهكم:انا مش عاوز هيفا
............وانا كمان مش عاوزاك
نظر الجميع لهيفاء
مجاهد بصوت جلي:في وضع زي كده هجيب الصور الي موجوده في خزنه فارس الي مخبيها عني !!!
فارس محذرا:خليك مكانك
مجاهدبنبره منفعله صادحه :انا هعملكم فضيحه هنا في المكان
هيفا بجنون: عاوزين أية مني مش عاوزاك يا مجاهد ولا بحبك ومش هحبك ومش عاوزه اخوك سبني في حالي مش عايزه اتجوز
وبكت هي تنتحب في البكاء
سالم بتشنج:ايه الموضوع؟؟؟
مجاهد بنبره مختنقة:أعقد قران هيفاء علي فارس يا عمي وحالا من غير نقاش في الموضوع
هيفا بحده:لا مستحيل!!!