احببت مجنونه

البارت 16

البارت 16(احببت مجنونة)
.......
في الصباح دخل اشرف مكتب فارس الذي كانت تسيطر علي وجه علامات التجهم والحنق
فارس بعصبيه مفرطه حطم كل شئ :يلا اهوه بلا ملفات ولا شغل ولا اي حاجه
اشرف بعدم فهم :اية الي بيحصل اهدي يا فارس
فارس عاقدا حاجبيه بغيظ :واية الي حصل يا استاذ لقتني مع واحدة جنبي في وضع مخل بالاخلاق.... دي مراتي وسيادتك جاي وساحب واحدة وراك صحيح حقيرة وشبه العقرب بشعرها الاصفر
اشرف كابحا ضحاكته:فارس هيفا شعرها برضه اصفر
فارس بنظرات غضب :اصفر وردي ملكش دخل انت بوظت كل حاجة وانتهي الامر!!!
اشرف:فارس هو بجد كلام امك صح ان هيفا هي حبيبتك؟؟😱
فارس باأبتسامه من زاويه فمه:احنا اصدقاء ويمكن اكتر لو لفيت العالم كله وجبت لي اجمل ستات عيني مش هتشوف غير هيفا
اشرف بنصف عين :ده حب بقي لا ده عشق!!
فارس مشيرا بيده :ست سنين واحنا مع بعض وهي غيورة جدا وانت بسلامتك جايب ليا واحده لا وتبوسني من خدي قدامها؛ يا اشرف هيفا لما بتكون جانبي انا ممنوع اتفرج علي برنامج فيه ستات وتتصور كل ده ولا بيضايقني بالعكس كل ما بتزيد جنونها بيزيد قلبي وا تعلق بيها
اشرف باأبتسامه بمكر:تقصد انك مش زعلان منها و سابتك تهبل زي المجنون ومشت وسابتك
و دلوقت ده عجبك يعني!
فارس:كل ما بيزيد غضب هيفا من وجود ست في حياتي عارف انها بتحبني صحيح بعاني من قلق وتغير مزاجي لكن في النهايه انا قادر علي السيطرة علي مراتي
اشرف:وياتري هي قادرة علي السيطرة عليك يابو الفوارس
فارس مومأ راسه:طبعا هي الوحيدة القادرة يا اشرف بس طبعا هي ما تعرفش بكده وانا عمري ما هقولها ده لانها ببساطه هتتعلم مكر الستات واروح انا في ابو بلاش!!
اشرف:بس دي حاجة غريبه جدا
فارس:اشرف انا مش بحب اتكلم عن حياتي الخاصة دي اول واخر مرة
اشرف بحزن مصطنع:حياتك الخاصة من امتي الكلام ده يا صديق عمري
فارس بعصبيه مفرطه -اشرف علاقتي بهيفا تخصنا انا وهي وحدنا انا وانت امورنا المشتركة كاصحاب مالهاش علاقة بهيفا
اشرف:طب يحق لهيفا مناقشة امورنا المشتركة دي؟
فارس مقاطعا:اية رايك نراجع الشغل المتعطل دلوقت لانه هيزيد علينا مع غياب مجاهد
---------------
في اليوم التالي قررت هدي زياره هيفا للآطمئنان عليها ارتدت ملابسها دلفت هدي للخارج واستقلت السيارة بالسواق لمنزل زوجه ابنها البكر
هدي متسأل:الا صحيح فاضل وقت قد ايه علي ميعاد الولادة يا هيفا؟
هيفا بتنهيده:تلات شهور يا طنط
هدي بتعجب:لية رفضتي تروحي مع جوزك تشتري لوازم الطفله؟
هيفا:مش عاوزه منه حاجة!
هدي بتعجب:اشك في كده؟
هيفا رافعه حاجبيها بدهشة:ولية تشكي هو حر يشتري الي يعجبه لبنته

في فيلا الحكيم
فارس:ماما ياريت حضرتك تروحي تشتري لوازم البنت
هدي:هي رفضت تروح معاك؟
فارس لاوية شفتيه:هي رافضه تشوف خلقتي نهائي وانا مش هدخل بيت ابوها وهي عارفه السبب
هدي بستسلام:طيب خلاص هروح انا واتمني اعرف ايه اخر عندكم ده انت وهي
فارس:ملوش آخر يا ماما آمر مسلم بيه!!!