احببت مجنونه

البارت السادس

البـارت الـسـادس(احببت مجنونه)
مجاهد بنبره مختنقة: اعقد قران هيفاء علي فارس يا عمي وحالا من غير نقاش في الموضوع
هيفا بحده:لا
فارس بحده: وﻻ انا ارضى بيكي في يوم من الايام
هدي بضيق:أية الموضوع ده ياولاد حرام عليكم!!
فارس:مفيش موضوع....ولا حاجة
مجاهد ذفر أنفاسه بأختناق: لا فيه موضوع
دخل اشرف نظر لهم بدهشة التفت لة مجاهد-اشرف ارجوك سبنا لوحدنا ومدخلش حد واوعي تدخل حد علينا
خرج اشرف
مجاهد بهدوء:اقعدوا ارجوكى يا امي ...ارجوك ياعمي...
جلس الجميع وفارس وهيفاء يحدقان ببعضهما بكراهية شديده
هيفاء وفارس اختصرا اﻻمر وجلسوا بدون كلام وفجأه
هيفا بوجه مكفهر : انا مش عاوزاه
فارس بنظرات متوعده:وانا الي عاوزك يا عانس
سالم بخنق:اووووف يلا يا بنتي نمشي من هنا
نهضت هيفا لتهم بالخروج
مجاهد مرتب علي كتفه:عمي سالم هيفا....حبيبه فارس
حملق والدها بمجاهد ثم بها
صرخت هيفا بنفعال:ﻻ ﻻ يا دادي ﻻ...ما تصدقهوش....هو بيكدب
مجاهد مستكملا :ﻻ .. انا مش بكدب ولو خرجت ببنتك من هنا هتبقي فضيحة ليها وليك ﻻني مش هتجوزها ..... هيفا كانت حبيبة فارس ومش عارف سبب انفصالهم ومعرفش انها حبيبته الا من خلال السلسلة الي كان فارس محتفظ بيها في خزنته في مرة شوفته لابسها ولما سالتة عنها قالي ان حبيبتة ادتهالو هديه ... بالعقل كده ازاي راجل هيهدي مرات اخوه هديه ادتهالو حبيبتة؟
نظر والدها لها وانزل يده علي خدها والحقها الكف الثاني جرت هدي ومجاهد لهما
هدي محدقه بصدمه: سالم بالعقل
سالم بغيظ شديد:اكون عاقل,طب ازاي اكون عاقل ياهدي وانا بسمع الكلام ده؟
جذب هيفاء من شعرها :أية الي حصل بينكم؟
هيفا بهستريا:محصلش حاجة...محصلش حاجة
وجرت لفارس دفعتة من صدرة-:اتكلم انطق هتفضل واقف ساكت كده؟
جذب والدها شعرها مرة اخري جري مجاهد وابعده عنها هو وهدي
هدي بترقب:زي ما قال مجاهد هنكتب كتب كتابهم ودلوقت المأذون موجود
هيفا بصريخ:لا مش موافقه بكرهه
فارس موليها ظهره :وانا برضه مش عاوزك وبكرهك
هيفا :دلوقت نطقت انت حقير سامع اتهامهم لي ومش بدافع عني
فارس ببرود:لا مش هدافع عنك
نظر الجميع لة اسرع سالم ليضرب هيفاء وهو يصيح:انتي ملكيش رأي بعد كده واقفلي بوئك
امسكها منه مجاهد
مجاهد بنبره متعجله:ماما ارجوكي خدي هيفا معاكي وسبيني مع عمي وفارس
جلست هيفا في الفراش تبكي
هدي:-يا بنتي بوظتي مكياجك
هيفا بتنهيده هادئه : مكياج ايه دلوقت .....طنط والله ورحمه ماما ماحصل بينا الي يستدعي الجواز، ازاي بس هتجوز اخوه لو كان فيه حاجه غلط !!!!
هدي مطصنعا عدم الفهم : طب احكيلي الي حصل ؟؟
هيفا:مجاهد غلطان كل الموضوع لما كنا انا وفارس في بريطانيا بيدرس الهندسة السنه الأخيره الي كان فيها بيحضر بعد تخرجه كنت انا في سنه اولي هناك وعشان احنا عرب ومن منطقه واحده اتعرفنا وعرفته علي مامي ربنا يرحمها وزارنا مرة او مرتين في البيت وهديته سلسلة معناها تدل علي الصداقه وبس
هدي:انا مش مصدقاكي يا هيفا دى نص الحقيقة!!
هيفا ببكاء:وليه يا طنط مش مصدقاني
هدي:لان انتم الاتنين اتعرفتوا هنا فى الفيلا من سنه يوم لما جيتي مع ابوكي ومحدش فيكم زكر حرف واحد عن تعارفكم لبعض قبل كده ؟
هيفا:......................
--------------------
في مكان مشحون للغايه ويحمل الكثير من التوتر
مجاهد بتهكم:فارس مش انت الي يشوه سمعه بنت اتجوزها وطلقها او سيبها ده يرجعلك وانا مش هتجوزها يا فارس
وضع مجاهد يده في يد سالم كوكيلين للعروسين وتم عقد قران فارس وهيفا
دلفت هيفا ظل فارس مسلطا بصره عليها وبداخله نيران مشتعله من الغيظ ، ولكنه قرر عدم ترك المسأله تمر مرور الكرام ، فلابد أن تنال ما تستحقه علي فعلتها ورفضها له
هيفا بنظرات شرزه:انا مش عوزاك ولا انت عاوزني رضيت ليه
فارس مضيقا عينيه بمكر ::عشان خاطر امي واخويا وعشان سمعه ابوكي
هيفا:ومالها سمعه دادي يا سيد؟
فارس مضيقا عينيه بمكر : والله ، والله لأندمك علي اليوم اللي فكرتي تعملي فيه كده
ارادت هي الخروج جرت هدي وامسكت بزراعها
هدي ممسده علي شعرها:هيفا هتقعدوا قدام الناس كعروسين مبسوطين
هيفا بذهول:ناااااعم انا اقعد مع ده؟
فارس :والله حاجه تغم ومش مفرحه خالص بس نقول ايه قدر اسود
----------------------
بڤيلا احمد الحكيم وبالتحديد فى احدي الغرف .. كان قد أجتمع فارس وسالم ومجاهد للمناقشه في الأمر والتفاوض عليه وكيف سيبلغوا الامر للناس المجتمعه فى الحفل فقرر مجاهد الخروج وانهاء الآمر بلباقه وشرع في الأستعداد للخروج .. وقف أمام الناس متفحصا وجوهم وتوجه بخطي ثقيله نحو أقرب مكان
..
مجاهد ينظر للجميع بتفحص:زي مانتوا عارفين يا جماعة عمى سالم صديق قديم لوالدي وانا وهيفا رضعين علي بعض ""كان الفرق بين هيفا ومجاهد سته سنين بس ماحدش كان عارف ولا حد اصلا هياخد باله
ساد الهرج والمرج بين الناس
مجاهد :هدوء ياجماعة هناك عرايس جاين!!!
اشرف نظر لفارس وهيفاء وسقط مغشيا علية حتي جروا لة ورفعوة
ضحك فارس بقهقهه خافته ولم يتمالك نفسه
هيفابغضب :مبسوط
فارس رافعا حاجبيه:مش بيكي طبعا بس انا بضحك علي اشرف اصله فقد وعيه لانه عارف قد ايه انا بكرهك
هيفا بتهكم:مش اكتر مني لسه بتجري ورا الستات!!!
فارس ببتسامه:طبعا وبقيت انيل من الاول
فابعدت هيفا بصرها عنة
-----------------------------
ملاك ذهبت مع والدها واهلها في ذهول تام حيث عبست ملامحها وأكفر وجهها وقررت أختراع ما يساعدها علي ترك المكان علي الفور )
هدي:هنحل الموضوع ازاي يا مجاهد
( قالتها هدي عندما لمحت ملاك الفتاه التي خرجت مكسوره حزينه)
مجاهد شاردا:ولا حاجه هنأكد للكل خبر رضاعتي انا وهيفا وهنحل الموضوع مع اسعد باشا
هدي بآسف:انا آسفه يابني!!
مجاهد ناهض من مكانه :ماما انا بخير والله بخير...تعالي نرقص انا وانتي!!
ابتسمت هدي:اشرف فاق؟
مجاهد:فاق بس هو دلوقت تحت صدمه الدهشه
هدي ضاربه كف بكف:ماهو محدش يصدق الي حصل
مجاهد بتهكم:ولا انا ... لو ماكنتش شوفت السلسله
----------------
هيفاء بصوت غاضب -انابكرهك
نظر الجميع لهما وجري هدي ومجاهد لهما لتهدئة الوضع وفارس يريد القيام من قربها حتي اجبرة علي ذلك والناس وهم يضحكون ومكياج العروسة اصبح ملخبط
هدي بقلق:هيفاء تعالي نصلح ليكي المكياج
هيفا بحدة-ﻻ ...ﻻ مش هصلح حاجة
فارس بسخريه:سبيها يا ماما هي اصلا شبه الشيطان ومش هيتصلح الوش البايظ اصلا
هيفا بوجه عابس:البايظ ده كنت بتركع على رجلك عشانه
فارس ببتسامه:انا في عمري ما اركع لبنت حتي انتي يمكن جايز اعجبت بيكي ودلوقت سقط القناع عنك
فتحت فمها بدهشه
ترجاهما مجاهد ليصمتا ولكن هيهاااات
هدي صاحت بغضب :كفايه انتم الاتنين عملتولنا فضايح كفااااية
صمت اﻻثنان واعطي كل واحد ظهرة للاخر بعد انتهاء الحفل دخلوا هم الفيلا وذهب الناس من حيثوا أتوا
اتجه هو نحوة وصفعها كفا فتحت هدي فمها وشهقت
فارس بغيظ :افتكري اني حلفتلك يوم؟
نظرت له هيفا بغضب
اسرعت هدي لهما-:أيه الموضوع ليه كده يا فارس ؟
بكت هي وركضت لاعلي حيث الغرفة كانت معده لها هي ومجاهد
مجاهد بتسائل:فارس ايه االحكاية ليه كل ده؟
لم يرد فارس ومشي الي غرفته
مجاهد دخل له:تعالي يا فارس..فارس
.استدار فارس:نعم عاوزين أية مني؟
مجاهد :عاوز حاجه البسها من اوضه هيفا
فارس:جيبها لوحدك
مجاهد:مجنون انت ازاى ده
فارس: خلاص قول لواحده من الخدامين !!!!
ومشي فارس لغرفتة قضت هيفاء طوال الليل تبكي وحتي فارس وهدي ومجاهد لم ينم احد في المنزل حتي طلع الفجر
غدا صباحا ذهب فارس لعملة كأنة لم يتزوج البارحة
اشرف مداعبا صدر فارس :مين العريس,انا مش مصدق لحد دلوقت انك هنا ولا مصدق انك اتجوزت لا ومن مين من هيفا نهار مطين بجله!!! تتجوز من اكتر واحده بتكرهها
فارس بحده:اشرف خلصنا
نظر لة اشرف:بس بجد هما رضعين علي بعض و.....
فارس مقاطعا:اسكت قلت خلصنا
واشار لة بيدة ﻻنهاء الكلام واشار لة ليخرج من مكتبة فخرج اشرف الذي يعرف تماما ماذا يعني مزاج صديقة عندما ﻻيتكلم ويشير بيدة فأنه علي وشك الانفجااااااار.....!!!