دلوقتى انتوا زعلانين عشان التأخير....انا تقريبا دلوقتى بنزل يوم اه ويوم لا.
طب ودة عشان اية بقي؟
انا قولتها اكتر من مرة يا جماعه....انا ثانوية عامه واللهى يعنى طالع عينى من كل حته والكتابة دى موهبه انا بحبها وبعملها لما اكون فاضيه.
فأنا مقدرش انى أجى على المذاكرة عشان أكتب.
اولا انا مش هسمح لنفسي بكدة.
ثانيا ولا اهلى هيسمحوا بكدة.
ثالثا معلش يعنى انتوا مش هتجولى ساعة الامتحان تغششونى ولا حتى ابطال الرواية هيعملوا كدة.
رابعا ودة الاهم ان لازم كلكم تعرفوا ان دة مستقبلى ولازم اخلى بالى منه اوى اوى...
دة مش معناه بقي ان الاقي حرب عليا عشان بتأخر فى التنزيل يوم ويوم او يوم اه واتنين لا.
يا جماعه واللهى احنا بنكتب عشان بنحب الكتابه وبنحب الكومنتات بتاعتكم جدا يعنى ولا عشان فلوس ولا حتى مرتب من الوتباد او منكم انتم.
وكمان متنسوش ان الكتابة دى مش سهله زى ما انتوا فكرين...احنا بنخترع فكرة للبارت ونحطلها حشو ونحط حوار بين الابطال والشخصيات اية يحصلها ونهاية مشوقة وبعد كدة تكتبى يعنى وقت كبير واللهى.
ومع احترامى لكل الكاتبات والكاتبين فى ناس مش بتنشر غير مرة واحدة فى الاسبوع...واللهى انا اعرف كاتبه بقالها اسبوعين مش بتنزل عشان البارت موصلش لعدد الفوت اللى هى عوزاه.
بمعنى أصح يعنى يتعاقب القراء اللى مش بيعملوا فوت.
مظنش انا بقي انى بعمل كدة...انا بطلب واللى عمل عمل واللى معملش خلاص.
واظن انى برد على كل الكومنتات اللى بتيجي او اغلبهم ما عدا البارت 13 انا مردتش خالص...اعذرونى.
فى نهاية الكلام فى دلوقتى قدامكم تلاتة اختيار وانتوا اختاروا براحتكم.
1ـ ان انا اوقف نشر رواية خجل الشيطان لغاية ما اخلصها وانزلها على طول.
2ـ نحدد يومين فى الاسبوع بس انزل فيهم..وهيكون هو هو حجم البارت وهيكون واحد بس...يعنى لو كتبت بارتين هنزل واحد بس.
3ـ اننا نستمر على ما احنا عليه بس تعذرونى فى التأخير والبنات اللى واللهى مبتكتش كومنتات غير انها تلومنى على تأخيرى تهدى عليا شوية ويكتوبوا كومنت حلو.
اياً كان رائيكم هقولوا فى البارت اللى جاى.
والرأي بالاغلبية طبعا.
بحبكم❤.
Donia.
