أسيل

البارت الرابع

اسيل.👇👇

والحلقه الرابعه

في الشركه

سيف :قلتلك ١٠٠ مره القهوه بوش اتفضل اعمل غيرها

خرج الساعي مكشر

السكرتيره :معلش يا عم حمدي

حمدي :عادي يبنتي انا بس مش عارف ليه شهر كده مزاجه مش رايق

السكرتيره: معلش يا عم حمدي هو بقي كده مع كل الشركه مش انت بس

حمدي :طيب يابنتي سلام

مصطفي :مها سيف جوه

مها :اه بس يستحسن متدخلش

مصطفي: ليه انا داخل خبط ودخل علي طول

سيف: قلت محدش يتزفف انتي مبتفهميش

مصطفي: انا ياسيف

سيف :تعالي

مصطفي: مالك ياسيف

سيف: مليش مخنوق

مصطفي: من ايه

سيف: مصطفي مش عاوز اكلم انت كنت عاوز حاجه

مصطفي: شكرا يا صحبي سلام

سيف(هو انا ناقصك يا مصطفي)
امسك موبيله

سيف :ها عملت ايه

متبولي: والله يا سيف بيه ما لقيها

سيف: يعني راحت فين ليها قرايب

متبولي: ابدا دي بنت فقيره لا ليها لا اهل ولا ناس غير امها

سيف :يعني مبتشتغلش معاك من زمان

متبولي :لا هي احتاجت فلوس لعمليه امها وانا دليتها علي طريقه بس

سيف :طيب اقفل ورمي تليفون

في الاسكندريه قاعده في اوضتها بتبكي

منال :كده يا اسيل معقول انتي تعملي كده

اسيل :ابدا والله غصب عني

منال :احكيلي ايه اللى حصل

اسيل ببكاء.

فلاش باك

سعاد :اسيل اصحي يا حبيبتي المدرسه

اسيل: لا يا ماما انا مش راحه المدرسه تاني

سعاد : يالهوي ليه

اسيل :حنزل عند عم ابراهيم بتاع الهدوم اللى  فى اول الشارع حشتغل عنده

سعاد :مستحيل مش حتسيبي مدرستك

اسيل: ماما انا مش عاوزه اتعلم المهم عندي انتي ياماما انتي مستقبلي وحياتي وصحتك اهم من اي حاجه

سعاد: بدموع ربنا ميحرمني منك

قامت وحركت كرسي متحرك بتاع امها وخرجت بيها علي صاله حضرت للفطار وقامت لبست بعد اذنك يا ماما