شـوگ آلصـگر 💞

part1

مرحبا 😊

اني اسمي شوگ او شوق بس بالبيت يصيحولي شوگ عايشه بالبصره عمري 17 سنه نجحت لصف الخامس علمي الوحيده الي مخلصه دراسه بالعشيره لان كل البنات من عمر 16 ويبطلن بس اني لان كنت متفوقه بدراستي وجدي يحبني وما يرفضلي طلب لان اشبه بيبي الله يرحمها  .
. امتلك صوت حلو كلش بل الغنى واللطم كلشي😂 واحب اقره كتب واحب اثقف نفسي عكس بنات عمي وخواتي حتى عقلي اكبر منهن😑. قبل لا احجيلكم عن عائلتي الي اكرهها بس احمدالله عليهم 😒😞 خليني اوصف الكم شكلي 💁
اني بيضه ثلج . امتلك ملامح بارده بس ابتسم انكلب ملاك على كولت جدي . عيوني عسليات وكبار خشمي صغير وحليوه  وعندي شفايف كبار ورديات بدون مرطب او شي .
(لحمدلله) حوجبي ثخان بس مو حييل ولا هوسه مرتبات
اكثر شي يميزني هي الشامه الي برقبتي الي ورثتها من بيبتي (الله يرحمها)
الوحيده من احفاد جدي اني طلعت اشبه بيبي 😂(بيني وبينكم اني مستغله هالشي😂)
جسمي رشيق عندي خصر مثل عارضات الازياء اني طبع جسمي ياخذ بس مااكل هواي حتى مااصير هايشه مثل بنات عمي .
شعري بلون عيوني يعني بي شكار وطوييل حيل ومااحب اكصه لأن
احسه الشعر الطويل هو جمال المرأة .

الكاتبه: عيني شوق طلعتي البنات سحك وانتي الوحيده الحلوه 😂😂

شوگ:😂😂 اشاقه شبيج . لا بس مو سمينات بس عدهن كرش غير نحجي الحق 😛
المهم هسه خليني احجيلكم عن عائلتي

جدي شيخ  عشيره جبيره ومعروفه بالبصره مخلف 4ولد و2بنات
عمي الجبير علي  مخلف 3ولد 3بنات .
صگر وجهاد وسيف .
صگر هو الشيخ بعد جدي لان هو مااعرف اني مااطيقه احسه مغرور وشايف نفسه 😒 وهو يشتغل ضابط ومعروف وشكلا هيبه وحلو♥·♥  .
جهاد متزوج اختي نور ومخلف ابنيه عمرها 7اشهر اسمها عسل (فديتها هالعسل تنكرط 😍🍯) . سيف يدرس بلكليه وما متزوج . سيف يختلف عنهم فد واحد حباب ويشاقه ويضحك اني على نفسي الوحيد الي اضحك من اشوفه بس احسبه كأخ لااكثر ولا اقل .
البنات عندا سهى الجبيره مزوجه . وريم مخطوبه لابن خالها . وسجى  عمرها 19 بس مخلصه ثالث وكعدت
عمي الثاني الي هو بابا محمد 😒 مخلف 2ولد و3بنات . اخويه الجبير اياد متزوج بنت خالتي رواسي ومخلف ولد اثنين توم حسن وحسين (احب عسوله اكثر منهم 😛) واخويه الثاني  علاوي اعشقه واحبه حييل يدرس بغداد  يم اهل امي كليه طب هايه اخير سنه اله ودائما يجي يزورنا ويجيبلي شغلات من بغداد وملابس وحتى اتميز من اطلع بمكان لان شغلاته يجنن(حتى هو اشترالي تلفون من نجحت من الرابع. بعد معانات من اياد اخويه واابويه ويله قبلوا )  اعرف اخويه يحب بت عمي سجى 😉😉 بس منتظر يخلص دراسه وهيه هم تكبر ويخطبها .
اختي الجبيره  زينب مزوجه شيخ بالناصريه تحبه ويحبها ومخلفه 4فروخ(على كولت عمتي 😂😂) ورها اختي نور ومتزوجه جهاد ابن عمي وبعدين اني ✌
. ورا بابا يجي عمي سعد . عمي سعد خلفته كلها بنات 7بنات . ولا وحدا بيهن حاطه عينها بعين الله كلهن حيات ويكرصن من جوا لجوه ومااحبهن ابد على امهن🐍🐍  .
ورا عمي سعد يجي عمي مرتضى متزوج وعايش ببغداد وهو دكتور عندا 3ولد يعني اعمارهم 22.20.19 سنوات مرته حبابه بس مغروره وما تجي من يجينا عمي مراات بالسنه حسنه تجي .
عندي عمات اثنين . عمتي هنادي متزوجه وعايشه بالعماره . وعمتي زهره ارمله وممخلفه ومتزوجت مع العلم هي حلوه بس دائما تحجيلي على زوجها وشلون تحبه . (والله ياعمه انتي وفيه😢) .
-
-
-
-
-
قبل لاادخل باليوم الي بدت بي احداث حياتي تصير حاره وحاميه 😂😅