-
-
-
-
-
-
-
-
ورا ما فرغت المدرسه طلعنا اني ورغد من المدرسه وهيه راحت ويا خطها وإني رجعت مشي وصلت للبيت لكيت جدو يصلي وعمي وأبويا هم ما سلمت رحت للمطبخ .....
أم صكر: شو اليوم عمه اتأخرتي؟
شوگ: اليوم اخير يوم فه ودعت البنات.
أم اياد: ها ولج جاوبتي . والله خوفني تاخرج
شوك: هههه لا جاوبت حروح ابدل وأنزل اساعدكم
أم اياد: اي روحي اليوم حبيبج يجي 😂😉
شوك: شنو وو ما سمعتها شكالت رحت للغرفه شفت سجى تمسح بالغرفة
الله يساعد الحلو شو فرحانه و داتنظفين كأنما اخويه راح يجي 👀
سجى: ثول غير دا انظف عادي
شوك: راح اصدك لأن جوعانه وتعبانه بعدين اقرج
سجى: خاب دولي جوعيه
شوك: سبحت وبدلت لبست ستريج اسود وبدي وردي فاتح وفوكاهن بدي طويل وبس تعلاكات وفي كبكيك بالوسط ومشطت شعري وكنكت وصاحولي على الفدا لبست شال اسود ونزلت
الجد: وينج جدو اليوم متأخرة ليش (بعصبيه)
شوك:( اهووو هم تحقيق هففف ) شبيك جدو عبصي تره اليوم اخير يوم ودعت البنات واجيت وبعدين اني كلت لماما مو ماما (وغمزت لامي)
الام: اي أي بويه كالتالي بعدين هذا اخير يوم لا تخاف بعد بدت العطله
أبو اياد: وشوكت النتائج ؟
شوك: بعد 10 أيام
أبو إياد: يصير خير
اياد: اي عود جيبي ابماده 80 والله ابطلج
شوك: (هستوني حطيت الخاشوكه بحلكي وحجه الأخ يعني إلى متى أبقى هيج كل يوميه يهددني بدراستي) شبيك اياد عبالك مسويه شي حرام كل يوميه مهددني عبالك ماعندي اب
. مرخصتكم شبعت هم😒😒
. وكمت من الأكل كارهه نفسي وانصدمت ب صكر
شوك: أسفه أسفه ما شفتك
صكر: لا مصار شي (سبحان الله اباوع على العيون الحمر والخشم والخدود صايرات حمر من العصبيه )
طبيت للهول والكا صاير ملاطم
الجد: انته شوكت تبطل هايه سوالفك كم مره كتلك شوك خط أحمر (بصياح)
اياد: هوه اني شمسوي لأن ردت أصلح غلطكم البنيه تلاهد و دراستها غلط
الاب: احترم نفسك البنيه شاطر وشوك غير عن كل البنات
اياد: ضلو هيج كبرو براسها . مواحنا مو زلم حتى عرضنا يطلع بالشارع. ...
........................................................
شوك: اني فوك واسمع عياطهم وإني ورا الباب وحاطه راسي بين رجلي وابجي والله مليت وتعب كل يوميه أكل سم من ورا والله مت
××××××××××
# الكاتبه_marelots
رحت غسلت وجهي ونمت وفزيت على صوت طلق وهلاهل
شوك؛ نزلت جوه ولكيت روحي وحياتي واملي الوحيد جاي ابد مااتحملت . نزلت من الدرج وكمت ابجي وحظنتا حييل
والله اشتاقيتلك هواي علاوي
علي: هاي منو ولج ليش تبجين
شوك: من الفرحه والله
علي: ها ولج بس لا تجذبين . التفتت عليهم . اموته المبجيها
الجد: على كيفك علينا هيه اختك رجيجه ودمعتها بعينها .
علي: اعذرني جدي ولا شفتك .
شوك: طبيبا لديوان وجنا كلنا كاعدين وإني كاعده بصفه وفرحانه كلش لأن اني اعشق اخويه الوحيد الذي بعمرا مسمعني حجايه سم أو بجاني . 😚💓💓
علي: اي شلونكم شخباركم . شلونها الديره
أبو اياد: والله الديره جانت ضلمه من أجيت نورت
سيف: ها ها عمي شو نسيت منو متعلك البارحه بليل اسويلك بلاضويه هسه صار علي منور الديره
الكل: هههههههههههه😂😂😂
علي: والله اشتاقيت الكم هواي وأكثر شي ل. (التفت على سجى) وانوب رجع عينه على امي . اكثر شي اشتاقيتلا لاكلج يمه
الام: اي من عيوني يلا بنات كوموا نسوي أكل
/\////////////////////////////////////////////////\////
علي؛ سيف الشباب وين
سيف: والله ياخوي صگر راح للذاك الصوب اكو مشكله راح يفضها ويجي واياد نايم وإني جنت بلكليه أجيت قبل شويه
علي؛ تدري اشكد مشتاق لكعداتنه و سوالفنه
سيف: بيك البركه كلا من وراك من كمت تداوم ببغداد كمنا ما نكعد ونتعلعل
علي: شسوي مو بيدي
....................................................
شوك رحنا للمطبخ اني ساعدتهم سوينا مطبك لحم وكلنا بالمطبخ فرحانين ماعدا رواسي كالبه خلقتها
أنت تقرأ
شـوگ آلصـگر 💞
ChickLitفتاة تحاول ان تعيش في وسط اجواء العشائر وتحكمهم تحاول ان تتثقف وتصبر على حياتها . لكن ماذا تفعل لغيرة رجل شرقي متعصب لا يجد لتحضرها فائده تكرهه بشده . ثم تجبر على الارتباط به بسبب عهد قديم. ولكن ماذا يحدث لها....💙💙 تابعوا القصه 💋✌ القصه حقيقه...
