شـوگ آلصـگر 💞

part3

هلاااوز ياحلوين سوري تأخرت البارحه مانزلت بارت لأن جان ليلة العاشر وحرام ؟..؟

إلى هنا وانتهت معركة الطف
قطع كفين العباس
وانطفأت شمعة القاسم
واستشهد علي الأكبر
ووضع رأس الرضيع بلرمح
وبدأت معركة زينب (عليها السلام)

//////////////////

مرت لل10 ايام العطله هدوء  لان صكر بالدوام ونسه وطلعات لأن علي بقا يمنا . واتفقنا اروح ويا لبغداد أكمل السادس وهو حضر أوراق نقلي وسجلت بمعهد لدروس كان اسمه معهد. .....  وهذا كله وأهلي ميدرون
شوگ: علي والله خايفه ما يقبلون أهلي وكبل يبطلوني من المدرسه
علي: هاي شبيج صارلج إسبوع كامل ثبرتيني.  يقبلوون ومايقبلون (يعيب عليها)
شوك: شبيك لاتعيب.  تدري باجر النتائج .
علي: لا تكلليلي خايفه ومرتبكه ومدري شنو
شوگ: لا اصلا معروفه النتيجه .
علي؛ أي عفيه صيري هيج
شوك: ورا ما خلص يومي الي انختم ببجي وزعلي عن العشا بسبب الركعه خويه اياد الي زوهرني. 
كعدت الصبح كلي نشاط وااو
ب 7 صليت و سويت وجهي بالفوريو،  وبدلت لبست فستان زيتوني ضيق على جسمي وشويه قصير وفوكا ستره طويله بحيث ما امبين ضيك وحذاء ابيض وشال بيجي فاتح حطيت مسكره وحمرا ورديه بس مو كلش امبين وعطر ولبست جنطه بيضه.  بحيث وكفت كدام المرأيه .وااو اجنن ههههه
نزلت جوه لكيتهم كلهم كاعدين يتريكون وتفاجأت بصكر موجود هذا شوكت أجه ياربي استرها وياي وأنزل واردد بيني وبين نفسي (اللهم اجعل بين أيديهم سدا ومن خلفهم سدا فأغشيناهم فهم لا يبصرون) 😂
صباح الخير
الكل: التفتو بتعجب
شوگ؛  صباح الخير
الجد: هله هله شو امبدله وين رايحه
شوك: اليوم النتائج يله راح اروح أخذت زيتونه وكمت
صگر: هوب هوب هوب . تردين تمشين هيج بالمنطقه
شوگ: شلون يعني
صگر: يعني اني اوصلج
شوگ: لا ماكو داعي مااريد اتعبك هستوك جاي من الدوام
صگر: لا تعبج راحه يبت العم يله دقايق واجي
شوك: هسه هذا شجابه استغفرالله اففف
علي: ها شوشو راح احاجي أهلي بموضوعج ادعي يقبلون
شوگ: متأكد خليها بعدين
علي؛ لا مصير اول درس عندج عكب بأجر ب 9 الصبح
شوگ: اوووف
رحت للمدرسه ومتوتره حييل صگر عباله من النتيجه
صگر: شبيج خايفه
شوگ: لا ماكو شي
... خايفه من النتيجه
لا اصلا النتيجه معروفه ( بثقه)
لعد شبيج
شوگ: اول مره اطلع بسياره ويا ولد عدا اخويه علي
صگر: رفع حاجبه بإعجاب اهااا يله انشالله تتعودين
شوگ: شنو!  شكلت
صگر: كلت انشالله تنجحين
شوگ: شكراً.  وصلنا هايه المدرسه. شكراً.
صگر: راح ابقا منتظرج
شوگ: ماكو داعي ارجع
صگر : لا عندي سالفه هنا اخلصها واجيج
شوك: بكيفك؟ .؟
طبيت للمدرسه باوعت لكيت رغد من بعيد صحتها واجتني
رغد: كلبه اشتاقيتلج حييل
شوگ: ولج عندي سالفه هالكبرها
رغد: شكو؟!
شوگ: سمعي سولفتلها على النقل والدوام
رغد: صدك تحجين كبر يعني رايح ترحين
شوگ: اذا وافقو أهلي اففففف
رغد: كبر يعني راح تعوفيني والله حراام عليج نسيتي صداقتنا وكعدتنا الله ياخذج يا كلبه 😭
أهئ اهئ أهئ
شوگ: كافي تبجين حياتي والله اني هماتين راح اشتاقلج وربي ماانساج وبس سنه وراها أجي اداوم وياج لا تخافين أهئ راح ابجي من وراج
كمنا نبجي الي بشوفنا يكول راسبات 😂 وراها اجتمعنا وكامو يوزعون النتائج .
شوق محمد
شوگ: نعم ست
المديره: بابتسامة ، كالعاده الأولى على المدرسه أحسنتي ماما الله يوفقج
شوگ؛  صعدت على المنصة وأخذت النتيجه وشهادة تقدير وهديه
وراها رغيده هم استلمت النتيجه وجانت الثالثه على المدرسه وأخذنا صور حتى ننشرها😝 وراها كمنا نبجي خربت كل وجهي بس وجهي ورم وصاار أحمر .
طلعت رغد اجها أبوها وراحت وإني انتظرت الأخ صگير 😑😑
بقيت نص ساعه طلعت التلفون ماعندي رقمه . شسوي شسوي أي سيف
عندي رقم سيف خابرته
ها ها سيف
سيف: هلا وغلا أمري
شوگ: هلا بيك مايأمر عليك ضالم بس صگر وصلني الصبح للمدرسه وكلي انتظري اني اجيبج وخلصت وبعدا ماجاي ف أريد رقمه ممكن!
سيف: اي ممكن الممكن ههه هسه أدزا
شوگ: سمعت صوت عياط (كلت بكلبي اكييد كللهم) شكو خير
سيف" والله ماادري اني بالمطبخ يله هسه ادزلج الرقم اشوف شكو
شوگ: براحتك خويه
. شويه ودزلي الرقم . خفت ادك كلت خاف مشغول بعدين مليت والمدرسة شبه فارغة اوووف
أمري لله . دكيت شويه ورفض وبعدين دكيت بل3 مرات يله فتح خط
ها صگر اني شوگ. 
صگر: ها شوگ اعذريني هسه اجيج.
جنت بفصل والجو حامي وتلفوني دك رقم غريب . رفضت هواي لح لحد ما فتحت ردت اطلع غضبي بالداك بس اتفاجات بصوت أسر كلبي من زماااان . اترخصت منهم ورحتلها
شوگ" شويه ودك عليه كلي طلعي بره طلعت ركبت بالصدر و جان الصبح لابس كاجول وهسه لبس عربي اكيد جان بفصل
اعذرني صگر اكيد جنت مشغول .
صگر: لا اصلا خلصت وانتي دكيتي.  أي بشري
شوگ: رفعت إلا الهديه والشهادة كالعاده وبلا غرور الأولى هههههههههههه
صگر: هههههههههههه مبروك تستاهلين . صحيح انتي شتردين تصيرين
شوگ: اصير دكتورا  يعني أساعد الناس واكون سبب في إنقاذ حياة شخص واكون نافع للمجتمع واطور ووو انتبهت هذا يباوع عليه وتحديداً على شفتي،  خشيت بهدومي من الخجل . بقيت صافنه . كتلا بدون وعي شنو سبب اهتمامك بيه هيج فجاء
صگر: ليش
شوگ : يعني انته جنت تتصرف عادي وماتسال عليه شعجب ليش والي سويتا بالغرفة مالتك ليش
صگر : بعدج مناسيه مثلي
شوگ : إحجي شو شنو سبب !!!!!._.
صگر : اني من زمان مهتم بيج بس من بعيد . ومنتظر الوقت المناسب حتى اخذج لأن انتي آليا انتي ملكي من زماان ( بثقه)
شوگ : شنو (بعياط) شنو الك انته صدك تحجي
صگر : لا تعيطين من إحجي وياج خاف عايفج كلل ها لفتره تره لخاطر جدي إلا أني من زمان ابطلج ومكعدج بالبيت حالج حال سجى
شوگ: تره ماافتهمت شي انته تحجي الغاز اشرح
صگر: انتي ماتدرين ...... كافي سدي هذا الموضوع ووصلنا ولا تحجين لأحد على الي صار واوعدج راح افهمج بطريقتي
شوگ : اباوعله باستغراب يعني مريض نفسي
طبيت لبيتنا وتحديدا للاستقبال اباوع جدي وبابا إخواني دا يناقشون بس طبيت كلهم باوعو عليه
سلام عليكم
جدي: وعليكم السلام.  ها بشري
شوگ : راويتا الشهاده وكلي مبروك وراها طلعت واباوع على علي ووجها ما يبشر بخير اكييد ما قبلو شلون يربي 😞😞
--------------------------------------
سجى : يا كلبه شنو ها لاتفاق الي بينج وبين علاوي
شوگ : دريتو
سجى : يا درينا صارت عركه شكبراتها وهسه بلكوه كعدو يتناقشون
شوگ : وانتي شنو رأيج
سجى : والله اني ماادري بس اذا بيها خير تصير واذا شر الج انشالله بجاه الحسين متصير
شوگ : اكلج نجحت
سجى : ادري بيج مبرووك قلبي
إم اياد: ها أم المشاكل بشري نجحتي لا
شوگ : نجحت والله نجحت
أم اياد : عفيه.  ولله اخوج طلع لوتي ضاج إهناك وحدا وسحبج ويا😂
شوگ : صحيح  ماما عمه أم صگر وين؟  وعمتي هم وعمو
سجى : روح معزومين على غده وحتى صگر بس شعجب رجع
شوگ؛  اذكرت الحجي صفنت
سجى : ها ياللعاشقه وين صفنتي
شوگ : كبر بس جوعانه موت رايح ابدل وأنزل أكل
سجى : والله ماكو بنكلادش مثلي على الأقل انطيني أجري
شوگ : اجرج على الله. 😂😂 صعد سبحت وبدلت لبست تراك اسود ولميت شعري باهمال وحطيت الشال ونزلت !.!
رحت للمطبخ
شوگ شوگ شوگ (بعياط)
ها بابا
الاب: تعالي اكعدي أرد احاجيج بموضوع
شوگ : خير اباوع على علي مبتسم يعني قبلو بس صگر موجود هذا شجابه مومعزوم 😑هففف
الاب: كل الخير باعي بتي مرخصت أبويه
. علي كال أن انتي حابه تكملين سادس ببغداد وإني وجدج وأخوج ماقبلنا لأن انخاف عليج . بس علي لح بالموضوع وإني اقتنعت واياد ميقبل بس أهم شي مصلحتج ودراستج بس ابويه كال أقبل بس بشرط هيه تقبل بي وإني حالي من حالج مااعرفه
شوگ : شكراً بابا لأن قبلت وجدو هذا انطي عيوني اأمر يا شيخ الشيوخ (بدلع)  شنو
الجد : توافقين على العهد
شوگ : ياعهد!
علي : جدي مو وكته بعدهي صغيره
الجد : وكتها ونص . ليش محمد مكلج على عهدا ويا علي
شوگ : لا! !!!!

///////////////////////////////////////////////////////////////////////
                                وللحكايه بقيه
بس ستوب لهما تعبت وأريد اناام

ياترى شنو عهد محمد ؟
وشنو تفسير كلام صگر؟
وهل سجى وعلي الهم دخل؟
وشنو مستقبل شوق! ؟

كل هايه الاسئله جوابها بالبارت جوه ||||||| sooo
#الكاتبه_marelots
صوتوا بلييز♥♥♥