#حب_نوفمبر
الكاتبه: آينون نآصـر
آلحلقهہ آلآولى
في 2011 تحديداً كان عمري 17
في الصبح عند عشق❤
نضت شفت الساعه القيتها 1 استغربت كيف محدش واعاني طلعت لقيت الصاله فاضية خذيت الارضي اتصلت بي ماما.
انا قارنة حواجبي: ماما انتو وين؟
ماما داهشة: باتك داخ شلناه للمستشفى.
انا إنصدمت: كيف هكي وكيف متواعونيش.
ماما بصوت تاعب: طلعنا بسرعة من الرعشه توا يجي انس ياخذك.
عديت زي الصاروخ خشيت الحمام "حشاكم" توضيت وصليت الصبح والظهر مع بعضهن استغفرالله وخلاص وكنت ندعي لبابا ولبست عبايه اوو وشاح وقعدت نستنى شوية وخش انس .
انس بإستعجال: هيا بسرعه .
انا طلعت نجري قبله: هي.
طلعنا وفي الطريق انا وانس متوترين.
انا نبكي: انس كنه بابا شن فيه؟
انس يسوق بسرعة: الدكتور قال ضغطه مرتفع وهوا قال من ضغط الشغل بس.
انا نمسح في دموعي: يعني مفيش حاجه ثانيه؟
انس قرن حواجبة: لا.
وصلنا ونزلت نجري وانس ورايا منشوفش فحد خاطي بابا قدامي انا اكثر وحدة متعلقة بيه واكثر وحدة مدلعها وصلت خشيت للغرفه الي هوا فيها اول ما شفته دموعي نزلو تلقائياً😢💔.
بابا يمسحلي في دموعي: عشق بنيتي انا كويس عليش البكاء.
انا نشهق من البكاء: بابا خوفتني عليك كنك شن فيك من شنو رقى الضغط في حاجه صايره فشغلك؟
بابا تنهد:آآه أطمني بابا بس بنقوللكم حاجة بما ان عشق جت وكلكم مجتمعين فأسمعوني كويس.
قعدنا نبحتو فيه نرجو فيه يحكي.
بابا بإنزعاج: البلاد معش ينقعد فيها انا حجزت تذاكر وبنسافرو للاردن ومش معروف امتى نروحو.
كلنا أنصدمنا من قرار بابا.
انا بخوف من حياتي الجديدة: بابا كيف هكي وقرايتنا واشغالنا وهلنا كيف بنعيشو غادي؟
انس رفع يده:لنقني مأيدك يا باتي انا مع باتي في القرار لأن البلاد فعلاً معش ينقعد فيها.
بابا بحت فيا: غادي حياتنا حتكون افضل من هنا بواجد يبنتي وبنسبه لقرايتكم حتنتقل في احسن الجامعات والمدارس غادي.
انا بصدمة وعلامات الحزن على وجهي: باهي لي بديروه ديروه.
روحنا وكانت طيارتنا بكرا العشيه وتينا دبشنا ولمينا كل شي وقلنا للعيلة عشان يسلمو علينا.
حنين"بنت عمي": حنرايفولك يطشه.
انا بحزن: وانا والله.
روحوو كلهم وخشينا رقدنا وكل واحد يفكر شن الحياه الجديده لي مستنيته نضنا الصبح ع الفطور.
انا: صباح الخير عائلتي النزيكة😂❤.
انس بإستغراب: غريبه نايضه بروحك وبدري حمار من بيموت🌚💔.
اسيل تلطف في الجو بي نكت متاعها يلي مافيهنش جو: انشالله غير مش حمار واحد راقد ريح بس😂💔.
انا نبين اني فرحانه: ها ها ها ووو ع الحناطه عسلل يقطر🌚💔معش تعاودوها😒.
انس شرب الشاهي: طالعيلك😂.
انا نفترش: لا انا مطلع زيي حد محلاني نوتيلا😌❤.
بابا قرن حواجبة فينا: تعرفوش تبطلو مناقره انتو .
انا وانس فنفس الوقت: هوا لي بدا/هيا لي بدت😒.
وانا وانس فنفس الوقت اخره: معش تقلدني/تقلديني😒.
ماما حطت الصونية بالقوة لين سكتنا: خلاص سادكم .
اسيل: ووو عيالك هذوما فستري😂.
انا وانس: 😒😒.
بابا ناض: هيا وتو روحكم لازم نمشو للمطار توا.
صبينا انا لبست بلوزه دميه وعليها سروال امريكي او وشاح مخربش ودرت لمسات بسيطه وطبعا عيوني منندريلهنش فشي عشان فيهن التكحيله من ربي.
اسيل لبست بلوزه جيشيه وسروال اسود وجاكه او وشاح اسود .
انس لبس تيشرت ابيض من فوق ومن لوطه كحلي وسروال امريكي .
طلعنا واتجهنا للمطار شويه وركبنا الطياره وطبعا انا اول مره💔.
انا نبحت في بابا: بابا وين نقعمز؟
بابا لاهي في الشنطة يلي بيحطها معاه: تلقي الرقم ع الكرت.
انا عضيت على شاربي التحتي: بحتت للرقم وقعدت ندور بحتت لقيت
يتبع###
أنت تقرأ
حب نوفمـبر
Acciónمكنتش نعرف ان حيصير هكي سفره غريبه صاارت فوقت غريب قلبتلي حياتي بس هل يا ترا للاحسن ولا للاسوء Aenon nasser
