حب نوفمبر
الكاتبه: اينون ناصر
سند بعياط: شن تحسابي روحك انتي من اول يوم ليك فتحتي هداريز وغمز وضحك وقدامي تلمعيلي فيهم ولا شني.
انا ببرود تاام: بويا انت ولا خويا ولا راجلي وانا منندرش.
سند بنفس العياط: يا بنت متخلينيش اندير شي تندمي عليه طول عمرك.
انا بأستفزاز: منحسش فيك وهيا تحرك نعسانه بنرقد.
سند خبط ع الدومان: تمام تمام توا نشوفو .
وصلنا للحوش نزلت قتلهم خير وركبت للدار.
غيرت دبشي ودرت جوي حطيت راسي ع مخده وقعدت نذكر كيف كان يعيط عليا وانا منتحملش حد يعيط عليا قعدت نبكي لعند رقدت.
سند"حسيت روحي غلطت فيها هلباء وحقها تقولي هكي لان اني لي اناشب فيها مشعارف البنت اهيا شن دارت فيا وانشالله مش لي فبالي بسس .
مشيت للغرفتها بعد تأكدت ان كلهم لاهيين دقيت مردتش عاودت كم مره نفس الشي!
مشيت للغرفتي اتصلت بيها كم مرره متردش كنت بنعتذر منها لاني غلطت وبنفتح معاها صفحه جديده واني لعند توا منعرفش علاش البنت الوحيده لي دارت فيا هكي.
انا: نضت فتحت تليفوني لقيت عرم مكالمات من سند خفت بس مبيتش نعاودله قلت توا نطلع ونشوفه غيرت وصليت ونزلت.
لقيتهم كلهم مرقدين وانس طالع قتلني الفضول شن يبي سند تشجعت وعديت دقيت ع داره فتح وهوا لابس شورت ومن فوق مش لابس.
سند بهدوء: خيرك مترديش؟
آنآ متخزرطه من شكله: اهه شن كنت تبي شغلتني.
سند بضحكه: نحكو ع الباب!
انا: تمام نستنا فيك فجنينه.
نزلت قعمزت ع كرسي كبير ويهز شويه شويه ولحقني سند.
سند بأرتباك: عشق!
انا: نعمم.
سند وهوا يبحت فعيوني: اسفف.
انا قلبي دق: ليش ادير هكي!
سند: واللهي انا بروحي منعرف بس جاي بنفتح معاك صفحه جديده ونبيك تكوني صديقتي ممكن.
انا مديت يدي: اصحاب.
سند مسك يدي: اصحاب ي برو.
انا ضحكت: لا مش لدرجة برو عاد.
سند ضحك: امالا شني وانتي تقولي لانس ي طيري.
انا كشخت: عادي وكان قلتها نقعد شاب.
سند ضحك ع تكشيخه: خلاص ياودي توا قعدنا اصحاب علاش تكشخي.
انا: سند انت كوويس والله بس ليش تكره البنات.
سند تنهد: توا مرات يجي حد يشوفنا يفهمنا غلط بري دارك توا نتصل بيك.
انا صبيت: تمام واها حتى انا اسف ع كلمتي.
سند: اعتذارك مقبول ي مكحلتي.
عديت ركبت للدار اتصلت بيه واول شي قلته لاه.
انا: سند شن مكحلتي.
سند ضحك: متشوفيش فعيونك انتي ولا شني.
انا ضحكت بصووت عالي بكل: ووو قصدك ع عيوني.
سند: اي خيرك.
انا وداهشه من الضحك: لاشي بس اول مره حد يقولها ليا.
سند: اي كويس.
انا بفضول: هيا قولي علاش تكرهنا.
سند: منكرهكمش اني بس كبرت ع عادات غريبه والبنت عيب وعيب وعيب ..الخخ
انا: اهااا بس مش معناها انك اتصرف هكي.
سند: اني هكي تعودت.
انا بصووت هااااادي: ياحليلي منها لهجتكم نحبهاا.
سند وهوا سايح: حتى هيا تحبك.
انا ضحكت: من؟
سند فطن لروحه: مني يعني لهجتنا ولا تبي حد تاني.
انا: لا منحباش جو الارتباط.
سند ببرود: اي كويس اخررر مره نلقاك تحكي مع الولد لي امبكري.
انا بعصبيه: سنددد منحبش التحكمم اناا وعليش يعني وكان حكيت ماهو انت نحكي معاك اهو .
سند بنرفزه: اني عااادي هوا لا.
انا: واللهي وعليش انشالله ع راسك ريشه.
سند بنفاذ صبر: عشقق متقارنيش انا نضر روحي ومنضركش واني معروف من بس اهواا متعرفي عليه شيي واضحح قصدي تقريبا.
عشق بأطمنان: حااضر.
سند فرح: يحضرلك كل خير .
وقعدو يحكو لعند ضبحولهم ع العشاء فتحو الباب مع بعضهم ابتسم سند وعشق ردتله الابتسامه ع العشاء.
انس : اوي ي عيله غير امي مشفتش حد اليوم.
انا: انس وراس امك لي شفتها اليوم متحنطش.
انس بعصبيه: ضمي فمك مش كان نضحكلك خلاص.
بابا خبط ع الطاوله: خلاااص وانتو متبطلو بكل احترموني طرطور بينكم.
انا بخوف: حشاك بابا.
انس: حشاك "وبصوت واطي" كلا منك.
انا كشخت عليه ومرديتش لاحظت سند مش قاعد صبيت نشوف فيه.
انا: سند شدير فداري.
سند وهوا يرقص في حواجبه: عشان اهيا وقعد يحرك فيها.
انا بخوف لان فيها فضايح: سند هذي خصوصيتي منسمحلكش تقربها.
سند: باه تعالي خوذيها.
جيت بناخذها رفع يده فوق وطبعا هوا اطول مني بوااااجد
انا وانا شامره روحي نحاول نطق فيه: سنددد هاات .
سند ضحك: خوذيها هي.
عديت بنجيب كرسي طلع يجري هوا يجري وانا نجري لعند جينا قدام بابا
بابا###يتبع
أنت تقرأ
حب نوفمـبر
Acciónمكنتش نعرف ان حيصير هكي سفره غريبه صاارت فوقت غريب قلبتلي حياتي بس هل يا ترا للاحسن ولا للاسوء Aenon nasser
