#حب نوفمبر
الكاتبه: اينون ناصر
الرقم: داير حادث خطير وهوا توا في مستشفى ال##
انا دموعي نزلو طول: تمام مشكور.
وعزقت التليفون ومعش عرفت مندير بأي صفه ران عليا الراجل شندير شندير لعند خطرت عليا فكره عديت غسلت جرت بكايا ونزلت للماما وانا نرعش وحكيتلها ع كابوس واني رنيت ع انس وبابا ورنيت حتى ع سند وشكلي كنت اخر مكالمه والراجل رن عليا .
ماما رعشت: ووو عليا هاتي التليفون نتصل اباتك بسرعه وليدي الثاني هذا
انا عديت نجري: هاكي اهو.
اتصلت بي بابا وجا شالنا وانا ماسكه روحي نبيش نبكي جنب هلي عشان كان بكيت حننهار ومنبيهمش يشكو.
الدكتور طلع يجري: المريض فاقد دم واجددد نبو دم بسرعه حد يتبرعله.
انس قدم: شن فصيلة دمه هوا.
الدكتور: O-.
انا جيت: نفس فصيلة دمي دكتور تقدر تاخذ مني.
الدكتور: تمام حنديرولك تحليل قبل وعبي الورقه هذي.
انا قعدت نعبي فلورقه ودارولي تحليل وقويت روحي وتحملت الايباري وسحبو مني دم .
بعد 3ساعات ونحن ع نار قدام غرفة العمليات.
الدكتور طلع وهوا ياخذ في نفس: تمام المريض توا قعد كويس لان جسمه قوي وتحمل عنده شوية كدمات في وجه وكسر فكراعه وهوا توا تحت تأثير البنج تقدرو تشوفوه لما يفيق والحمدالله ع سلامته.
نحن تنهدنا: الله يسلمك .
نص ساعه وناض سند من البنج وكلهم خشو حمدوله ع السلامه وانا قعدت مصبيه جنب باب الدار ونبحت فيه من بعيد مش قادره نقدم.
انس وهوا حاط يده ع كتف سند: الحمدالله ع سلامتك يا نصي.
سند ضحك: الله يسلمك يا برو.
بابا قرب منه: خوفتني عليك والله واحد من عيالي انت قعدت.
سند : مش اني لي غالط يا عمي الراجل .
بابا: اها قالولي ان كان مش واعي ودفع كفاله وبوه عطانا سياره جديده والولد حبسوه لان مبيتش نتنازل.
سند : علاش ياعمي شكلا صغير الولد حرام تحبسه برا تنازل واكيد فهم غلطه.
انا بحتت فيه وضحكت ع حنيته.
ماما: سلم وليدي افطن مره تانيه ومعاد ترعشني عليك.
سند ابتسم: حاضر ياعمتي.
انا معش تحملت شيرتله ع تليفونه وطلعت للحمام اتصلت بيه وانا نبكي.
انا نبكي: حبيبي انت كويس مفيك شي.
سند تنحنح عشان هلي كانو جنبه: اي يا رفيقي كويس واللهي بخير متشغلش بالك.
انا زدت بكيت: ياريتها فياا ياريتني اناا ومش انت.
سند: اشش علاش هدا كلا.
انا مسحت دموعي وابتسمت: عارف ان دمي يجري فعروقك توا.
سند ضحك: واللهي.
انا: والله.
سند: باهي طلع في فايده الحادث وهيا توا سلام نتكالمو بعدين وخيي.
انا ضحكت: تم باي.
قعدت شويه وسقمت شكلي ورديت الدار قعدت نضحك عكس امبدري ونحكي معاهم وجوي تغير.
بابا صبى: هيا وانس توا يبات مع سند.
سند: لالا حتى انس يروح تعب هنايا.
انس: وربي الا قاعد وانت تلز.
سند ضحك: هادي جزاتي لي نبيك تتريح ورب الكون الا امسخ.
انس: مدخلكش انا هكي متريح.
روحنا وانا ركبت لداري طوول غيرت واتصلت بي سند .
سند وهوا يتكى: انس بره جيبلي حاجه ناكلها جعت.
انس صبى: تم.
سند بصوت هادي: استاحشتك يلي تجري فدمي.
انا بدلع: مش كنت عشقك غيرت الاسم.
سند ضحك: قاعده عشقي وبنتي وروحي وتجري فدمي تي وربي الكون نحبك شن درتي فيا بس.
انا ساكته ونضحك بس.
سند تنحنح: خيرك سكتي وين مشيتي.
انا ابتسمت: معاك معاك.
سند بهدوء: ياريتك معاي.
انا انحمرت: سند عااد تحشمم.
سند ضحك: شكلك امبكري وانتي تبكي زي البيبي.
انا كشخت: كنه مش عاجبك.
سند ابتسم: تي اني لي عاجبني يا مكحلتي زمان كنت نبكي فيك عشان شكلك وتوا تقولي مش عاجبني.
انا: باه نحبك.
سند سقم قعميزته: خلاص يا برو نحكو بعدين.
انا فعقلي شكلا انس خش: تمام دير بالك ع روحك.
سند: حتى انت تم.
انس#####
أنت تقرأ
حب نوفمـبر
Actionمكنتش نعرف ان حيصير هكي سفره غريبه صاارت فوقت غريب قلبتلي حياتي بس هل يا ترا للاحسن ولا للاسوء Aenon nasser
