فتت الكعك
الموقف الاطناش😂اي اثني عشر او حتي المعده12:
المهم لي يسالن علي قصة هاني وجرجيره خيال او واقع😌واقع والله ومواقف صارن كلهن😂
المهم عيت هاني انسابات قعدنا 😌وخططو زرده😍رن علي قالي انتي ماشيه قلتله اكيد ماني بنتهم😒قالي تلبسي واسع فاهمه😒او ولد سيدك البارد تحكي معاه تشوفي😡قلتله عيب عاد هذا دمي ولحمي😒قالي اختاري انا ياهو توا😒قلتله اكيد انت ياسبعي😍هوا صدق يحساب روحه سبع😂المهم تقول سارقين يابتي وعونا من الخمسه قالو نطلعو بدري😂شحنت انقيقيلي ولبست توته ولفيت وشاح تقول يخبرو في علي عزاء😂عدن كم سياره وتيوته فجعه😍حطو فيها العويله من لاوره😍قلت الباتي نبي نركب معاهم قالي انتي هبله مكشوفه😒قلتله توا نلف بطنيه ماحد يعرفني😂المهم خذيت بطنيه وللاسف من البطاطين لي مشوكات تقول حاطه صبار علي😂المهم انا لافه روحي وسيارة عمكن هاني ورانا نشوف فيه😂نبحت في وجها وهوا مايحسابنيش قدامه😂دزيتله مسج😌رد بالك تحكي معا بنت خالك ام سن طايره😒دزلي مسج ضحكه لالا انتي وين قلتله انا معا خوي ماقلتلاش قدامك علشان نشوفه يحكي او لا😂المهم عمكن هاني ولا كأنا وحده حذراته يسهوك معا بنت خاله 😒وانا نحرق😒المهم معاي ولد خوي الصغير قلتله قول عمو هاني خشم البطاطا😂ويقعد الفروخ هاني خشم البطاطا😂وهوا مش فاطن عايش الحظه يابتي تقول عمره ماشاف بنت😂وانا نحرق😒المهم دزيتله مسج انا قدامك ياخشم البطاطا😒دزلي مسج وين يافتوتي😒قلتله في التيوته وحقيتك ياخوان😡وقفلت الجهاز😂المهم وقفنا في غابه تجنن😍وقتها ربيع نزلو الصغار😂وهوا قدامي😒حولت البطنيه قالي خوي انزلك قلتله شكرا بشموخ😂ونشقلب يابتي في شوك ويقعد عمكن هاني ميت ضحك😂وانا صبيت انطمرت 😂فتحت جهازي لقيته دازلي مسج اكثر شي طريقه تحويلتك للبطنيه سبحان الله خطرتي عليا سوبر مان😂والطيحه اتجنن وميت ضحك😒وانا غمتلي من بنت خاله الفرخه سمحه ولابسه ع موضه😒نقعد نعطي في البنت نظرات خارقه حارقه😒ومقعمزه يادنيا مافيك الا انا😒دزيتله مسج بنت خالك ح ندفنها هنا😒يا ودرتله نقط😂😂دزلي يا شن😂قلتله خشم البطاطا😂غمتله غمه😒شوي قلتلهم ندهور عادي قالي باتي عادي بس ماتباعديش فيه دبيب وانا حشيشتي الاستكشاف طبعا😂نمشي ونرفع في الحيط وتطلع علي لفعه مش كبيره كيف القلم 😂نقعد نجعر لفعه لفعه😂ينط عمكن هاني ويركب في السياره بدل ماينقضني😂في يدي عصا انا
ونسحن كبد هذك لفعه بالعصا😂ومشيت وخذيت العويل الصغار😌رحنا في الطريق😂بدل مانسكت نقعد نجعر نبكي😂والعويل الصغار يدودشو في😂انا بحتت ونلقا سياراتنا😂قالي باتي قدامي وين رحتي😂قلتله حسيت روحي بعدت😂المهم تغدينا وقعمزت جنبي بنت خاله😒هيا تاكل بشواش وانا نتربع ونلبزها😂دزلي مسج راك تغصي😒كتبتله مش شورك حتي نموت😒كملنا الغداء لقيت شجره تجنن😍كبيره اسلقت الشجره😂وقلت الاختي صوريني وندير في حركات ع الشجره قلت لذكري😂قعد يرن علي مابيتش نعدل😒دزلي نحق فيك في الشجره من فوق حتي العنز مادراته هالخبر😂وبعدين الجو هذا من ايام حني انقرض متاع صوريني ع شجره😂انا غمتلي اكثر😒ونزلت لقيت الصغار يلعبو بكوره😍قلتلهم نلعب المهم انا نطق في المرمه ناخذ الكوره بيدي ونعزقها ونقول هدف😂طبعا الرجاله يلعبو ماحد عازق اعيونه في الصبايا الا هاني😒وروحنا رن علي 😌قالي فار🐀بعدها لفعه🐍وكوره🔴وشجره🌳يافتوتي مش هكي راه البنت تكون🌚طبعا يبيني زي ام سن طايره بنت خاله😒وكانت زرده تجنن😍
متابعه وتاق لاصدقاء خليهن يضحكن معاكن 😂🌚
أنت تقرأ
فتت كعكه
Humorروايـه منقولـه وليست من كتاباتـي لكل شخص حزين هنا منبع الفرح والضحك فأرجو أن تقترب وترتسم عليك ابتسامه صغيره باللهجه الليبيه الشرقاويـه في حفظ الله
