فتت الكعك
الموقف الخامس عشر15:
في هذك الصبح رن علي هاني😍قالي اسمعي يافته من الاخر😒قلت في عقلي صبح يافتاح هذا كنا😕وقلتله شن نسمع😌قالي بكره تبي تجيكم امي تخبط😌صكرت في وجها الخط😂وعديت مسكت المرايه وقعدت نبحت في وجهي😗قالتلي اختي ردي ع الراجل توا يحسابك رافضه😆قلتلها ازعما انا نحب😕قالتلي ومانك ميته فيه😡قلتلها شكرا لانك فكرتيني😂😒رنيت علي هاني وكان غمتله علشان صكرت في وجها 😌قلتلا انا من ياهاني😌قالي انتي فتت الكعك😍قلتلا الحمدالله انت لي تنابش مش انا😒ياخشم البطاطا به😤المهم قالي بكره جايين قلتله نقول الامي قبل😅عديت وامي قالت باهي😍بس ماوجعتني الا حاجه وحده😂داسه طشة افليسات خذتهن امي للموالح والحاجات😂المهم قالي هاني شن نجيب معاي راه مانعرفش قلتله شاورما وقزوزه😍بدل الباستي والراني😌قالي انا متعرف علي اسد ولا شن😒عنجد شاورما😒قلتلا اسال هلك😌مدامك ماتبيش تجيب شاورما😌المهم مانكن غابيات نعرفش نمكيج ولا عندي مكياج اساسا😂تعطيني امي فلوس تقولي جيبي مكياج الرمتك لي تكشف😒عديت لسوق جبت مكياج العادي والحسادي😂وروحت ماعرفتش مانلبس😳انا وزني68وخواتي في ال50😳وقلت الامي شن نلبس قالتلي جرد😂طربقت في وجها ضحك😒وقلتلها وانا نقول طالعه حانطه المن 😒تواومش وقت الحناطه ياحاجه😒وفكري معاي😌امي عمرها42بس جوها سمح مش مقيدتنا😍😘المهم شريت فستان يجنن😍وطلقت شهري😂طويل عاد بكل بس واجهت مشكله😂انا حطيت المسكره نزلت دغري ولبزتني بدل مانمسح بشواش نقعد نبكي😂ونقول الامي معش نبي نتجوز😡😢قالتلي اي جواز يابقره هذي كلمه بس😂والروج نعزق في راس خوي يفجغه اقطع والله جيبي لهل مكياج😂وماحوتك اسقم المكياج😂وجو عيت هاني لي مهناني😂طبعا مقعمزات وياكلن وانا جيعانه😂قالولي خشي علي صبايا المشكله حافظات وجهي 😂خشيت بس مكسوفه اوي بصوت وحده مصريه😌وقعمزت وقعدن يبحتن في وانا في العاده لي يبحت في نضحك في وجها😂نقعد ماسكه ضحكتي بسنوني😂المهم فزيت وطلعت وقعدت 9ساعات نضحك بعدها علشان ضحكتي لي مسكتها قدامهن😒وعدن عاد😍
رن علي هاني قالي قالولي طرف طلعتي يابنت😌قلتلا اها طرف بشكليطه بس😒قالي نجيها الكعك لم تحنط😂وعشنا الحظه وهكي😅
القصه من الواقع😘لي ضحكت من قلبها تدعيلي باالفرج 😍
تنسنش متابعه😘وتاق لصحباتكن
أنت تقرأ
فتت كعكه
Humorروايـه منقولـه وليست من كتاباتـي لكل شخص حزين هنا منبع الفرح والضحك فأرجو أن تقترب وترتسم عليك ابتسامه صغيره باللهجه الليبيه الشرقاويـه في حفظ الله
