فتت الكعك
الموقف السبعطاش😂اي السابع عشر17:
درنا اعناد انا واختي😂والشرط اني نفذ طلبها لو فازت😂المهم هيا فازت😒قالتلي رني علي هاني وغني علم😂قلتلها لا😒قالتلي شرطي هذا😌رنيت علي هاني ونقول انشالله مايرد😂يابتي ويرد دغري😂قلتله اسمع قالي شن ونبدا في العلم😂دغري هك😂ويقعد الراجل يضحك😂وانا نلحن واختي تقولي طولي😂او انا نقول هذي نهاية العلاقه😂عمكن هاني عجبه الجو😂كل مايكسد يرن علي يقولي اقطعيلي علم😂
المهم عدي يازمان تعال يازمان😂عندنا مشماشه كبيره😍بس ماتثمرش 😌في هذكي السنه المشماشه سبحان ربي دارت خير ياخير😍المهم باتي قالي تقطعوها قبل ماطيب انشنقكن بذات انتي يابقره😌عرفت روحي دغري الكلام.شوري😂وفي يوم عدو هلي وقعدت انا واختي بس في الحوش😄نعدي نركب في الشجر ونقعد نقطع وناكل والشجره مصادره عيت هاني😂رن علي وانا في الشجره قالي وينك قلتله في داري نضم قاعده😂وهوا يقولي في عنز تاكل في شجرتكم ونبحت ونلقاه صداري😂ويقعد يقولي انتي شاب والله😂معا جيت ولد خوي يسكن جنبنا عمرا ثلاث سنوات😂قلتله نعال يابيدو انا من وهوا ع الخط قالي انتي خالي الدبه😒ونسمع ضحكت هاني وصلت للمحيط الهادي😂انا شلفطت الصغير بكف وقلتله والله نزرك وراء الحوش😌قالي من جدك تبي تزري البيبي الصغير😂قلتله اها علي قولته يالدبه😒وفي نفس اليوم جت امي من عيت جدي وجها شين قلتله كنك ياامي قالتلي شي انا حسيت فيه حاجه قعدت نحلف فيها المهم امي قالتلي ولد سيدك عرف انك تبي تنخطبي وقال ماتوفقوش نبيها انا😌انا غمتلي شاب كيف خوي المهم سمعوني نبي ننخطب حتي عبدالحليم حافظ طلع من قبره ويبي يخطبني تعاركت معا امي وقلتلها نبي هاني قالتلي والله ماهو زافك 😌ياولد سيدك يامافيش نقعد منهاره ايام ماننساهنش وللاسف مافيش حد تعاطف معاي😊🙊قعد يقولي امتي هلك يردو علينا نقوله مازال وبعد فتره علشان مانكسفاش قلتله اسمع ياهاني انا معش نبيك ولا عمري حبيتك انساني 💔وانا نحبه بس مانبيش يقولو رفضوني😔بعد سنه من هذك الدوه خطب هاني💔وحظرت فرحه وتوا عنده بنتين😘هوا صح مش نصيبي بس عدت معاه فتره سمحه 😊ومراته صاحبتي قعدت 😍
وانتهت القصه😘
انشالله نكون خفيفة ضل عليكن✋
بما انها أخر حلقة هلو تعليقات سمحه كيفكم وادولي كيف كنتن متوقعين النهايه
تابعوني في روايتي الاخري
#حاربته بكل قوه
تلقوها في بروفايلي
وشكرا
أنت تقرأ
فتت كعكه
Humorروايـه منقولـه وليست من كتاباتـي لكل شخص حزين هنا منبع الفرح والضحك فأرجو أن تقترب وترتسم عليك ابتسامه صغيره باللهجه الليبيه الشرقاويـه في حفظ الله
