انا بنت فيني رقه وجمال ونعومه بس لا يغرك اني ضعيفه وما اعرف انتقم

١

في بريطانيه

في يوم مشمس وبارد وكان الجو حلو
كانت تلعب في الحديقه مع اعز صاحبتها
كانت ماسكه دميتها وجالسه تمشط شعرها
لميس ببراءه/لجين وين لعبتك
لجين بفرح/شوفيها جالسه تتمشى في السوق بتشتري لها فستان حلو عشان تروح حفله الامير
لميس/طيب حتى انا بروح الحفله..
لجين/وش رايك نشتري سوا
لميس/يلا
اجا والد لميس (عمر/لمييس يلا ماتبغينا نروح البيت
لميس/لااا بابا خلينا نجلس هنا
والد لميس/بس بيجي عمك واولاده
لميس/عمي؟؟
والد لميس بحنان/ايوه يلا البسي معطفك الجو صار بارد لاتبردين
لميس/طيب بابا
ولبسته
لميس ببراءه/الحين انا شاطره ؟؟
والد لميس/ايوه انتي شاطره يلا
لميس /يلا لجين اقابلك بكره ...باي
لجين/باي

في الطريق
لميس وهي ماسكه يد ابوها/بابا مين هو عمي
ابوها/عمك بيجي وعياله بيجون معاه مو كلهم بس اثنين منهم بيجون
لميس/اهااااا ..
وصلو البيت
ابوها/لموس تعالي نطلع لك لبس ويلا تتسبحين
لميس /طيب
وراحت مع ابوها وطلعت لها ملابس
وسبحها ابوها
وغيرت
ابوها/يلا نمشط لك
ومشط لها ابوها شعرها<<ابوها تقدرون تقولون يعرف كل شي الطبخ ..تمشيط الشعر..الخياطه .. الحياه خلته يتعلم انه يسوي ذي الاشياء بعد وفاه زوجته ام لميس وبعد تبري ابوه منه

سوا للميس ذيل حصان وكالعاده خصلتها(قصتها )نازله على وجهها وطالعه حلوه
لميس بفرح وهي تطالع عمرها بالمرايه/انا حلوه

دق الجرس حق بيتهم
نزل ابوها يفتح الباب
وكان عم لميس
تحاظنو وسلمو على بعض ودخلو المجلس

ولميس كانت لسى فوق
لميس ناظرت للمره العاشره في المرايه وتبتسم/انا حلوه مو صح خلاص بس خليني انزل شكل عمي جاا
ونزلت الدرج بهدوء ومسويه كبيره و مودبه او على قولتها كانها اميره ولا سندريلا
وهي نازله الدرج تعثرت وطاحت من الددرج
لميس وهي تطيح/ااااااااااا يالم ..والله اني اتالم
وطاااحت كم درجه
بعد ماوصلت الارض
جلست وهي تتالم
لميس/اه اح والله يالم ...اح افكر الاميرات مايتعثرون(يطيحون) من الدرج ... ااااا
سمعت صوت ضحك
التفتت تشوف مين يضحك شافت ولد يمكن في عمرها او اكبر بسنه
جلس يضحك عليها ومن كثر الضحح انسدح على الارض وهو مفطس ضحك
لميس تفشلت
وبسرعه قامت وقالت/م مافي شي يضحك
الولد وهو لسه يضحك/ههههههه شكلك كان ههههههههه كان شكلك يضحك ههههههه من طحتي من الدرج ههههههههههههه هههههههه
لميس /شفت شكلي في المرايه قبل ما انزل وكنت حلوه
ومدت لسانها/هاااا انا حلوه بابا يقول اني حلوه
الولد/لااا مانتي حلوه
لميس/الا حلوه بابا قالي
الولد/اصلا شغالتنا احلى منك
لميس ببراءه/كيف شكل شغالتكم ؟؟
الولد/عيونها كذا
وسحب عيونه بيده مسوي زي عيون الاندنوسين
لميس بذهول/وااااااه اجل كيف تشوف؟؟
الولد/مدري كيف تشوف..بس تشوفني لمن ابغا اكل اسكريم وتخاصمني لا اكله
لميس/اهاااا..انا بابا يخليني اكل اسكريم كثييير لانه حلو
جت بنت
البنت وسمعت كلام اخوها وقلدته/واااااه شغالتنا احلى منك
لميس بقهر/لا انا حلوه
البنت/لا
الولد يدافع عن لميس/لا هي احلى من شغالتنا مو صح
البنت وماكانها قبل شوي قالت بان شغالتهم احسن منها/ايوه صح هي احسن من شغالتنا مررررره
لميس/وانتي احلى من جوانا
الولد/مين هذي؟؟
لميس/هذي المربيه حقتي تلاقيها الحين في المطبخ تسوي كيكه
الولد/اهاااا...مين انتي
لميس بفرح/انا لميس بنت بابا
الولد ويحسبها تسخر منه/حتى انا ولد ابوي ترا
لميس ببراءه/بس يمكن ماتكون ولد ابوك يمكن تكون ولد امك
الولد/انا ولد امي وابوي سوا
البنت/حتى انا
لميس/انا بنت ابوي بس
البنت/لي وين امك
لميس/مادري بابا يقول انها راحت مكان بعييييد ماقدر اروحه
البنت/اهاااا ماتدرين وينه
لميس/لااااا
طلع ابوها من المجلس/لميس لميس
لميس/هااا بابا
ابوها/تعالي سلمي على عمك
لميس/طيب
وراحت
دخلت المجلس وشافت رجال اكبر من ابوها بشوي (ترا ابو لميس عمره 29)
عمها/تعالي لميس انا عمك
راحت وسلمت عليه
لميس /انت عمي
عمها/ايوه ...لموس انتي في اي صف؟؟
لميس/في صف ثالث ابتدائي
عمها/واا ماشاء الله نفس عمر بنتي
ابو لميس/يلا لموس روحي العبي مع بنت عمك طيب
لميس/طيب
وطلعت من الغرفه
وشافت البنت تبكي راحت لها
لميس بخوف/وش بك
البنت/اخذ لعبتي؟؟
واشرت على الولد
لميس/ذاك الولد..طيب باخذه منه
البنت بفرح/والله ...بس بيضربك
لميس بتحدي /اذا ضربني بضربه
وراحت له وهي عازمه انها تاخذ لعبه البنت بس بطريقتها
لميس/انت
الولد/نعم
لميس/هات لعبتها
الولد/مابعطيك..يلا وش بتسوين
لميس ببتسامه وماتعلمت انها تهدد او تضرب احد/مابسوي شي بس هات عشان ماتبكي اختك ..
الولد بعناد/لاااا بلعب بها
لميس/ممممم طيب انا معايه العاب كثيره اعطي اختك لعبتها وتعال نلعب بالعابي
الولد/وعد اني العب بالعابك مو بعدين ماتعطيني
لميس/لا والله وعد اعطيك الالعاب
الولد/طيب
وراح عطا البنت لعبتها ورجع
الولد/يلا وين الالعاب
البنت من سمعت بالالعاب جت/يلا وانا بلعب كمان
لميس بحماس/بيكون حماس كلنا نلعب يلا نطلع غرفه الالعاب
وراحت معهم للغرفه فوق وجلست تلعب مع البنت والولد الي بالنسبه لها يعتبرون مجهولين في عقلها الى وقتنا هذا