انا بنت فيني رقه وجمال ونعومه بس لا يغرك اني ضعيفه وما اعرف انتقم

٦

البارت السابع

مها /سالفه انهم في الصباح في بيتكم...
عنود قاطعتها وهي منحرجه/خلاص مو لازم تقولين...
نواف ناظر لها ورافع حاجب يعني خير ليش ماتبين مها تقولي السالفه ؟؟
عنود نزلت راسها وماعندها اجابه
طلال لاحظ نظرات نواف وارسل له رساله (بقولك السالفه لمن نوصل ))
نواف وقرا الرساله وارسله(اوك )

وصلو مجمع العرب
نزلو البنات
عنود لساره/ساره انا خايفه ان نواف يفهم غلط
نواف/من ايش افهم غلط
عنود شهقت والتفتت بسرعه
عنود وشافت نواف وبجنبه واقف طلال وبارتباك/نواااف..من وين نطيت؟؟!
نواف /كنت هنا من اول ..بس من ايش افهم غلط؟؟
عنود/اااا...اقصد..كنت ..
وناظرت ساره يعني ساعديني..
ساره ترقع/اااا كانت تقصد قميصك الي في السله الي لبسناه في الفجر حق سالفه اليوم
نواف وشااااك/وش به قميصي؟؟
ساره/اااااا..ايوه صح كبت عليه عصيير صح طلال
طلال(ووش دخلني انا اذا هي كبت على قميصه/اا ايوه صح صح
نواف عطاهم نظره بمعنى ايوه صدقتكم!!ومشى
بعد مامشى
طلال كلم ساره/وانا وش دخلني اذا عنود الي كبت على قميصه
ساره وتبري عمرها/ذي كانت كذبه وانت تدري انها كذبه وتدري انك السبب الرئيسي في السالفه الحقيقيه
طلال/بس حتى ولو ..في الكذبه الي الفتيها انا وش موقعي من الاعراب؟؟
ساره/خلاص طيب قلتها من غير قصد
طلال بسخريه /باين انها من غير قصد
وراح
عنود/ياويلي ويلاه الحين نواف مين بيفكه من شكوكه وش اسوي
ساره/انتي الحين انسي السالفه وخلينا نشتري ونخلص وبعدين
جو لها البنات
شجون/وش سويتون بنواف
عنود/لي وشبه
شجون/باين انه معصب
عنود/ياربي خايفه وش اسوي
شجون /من ذيك السالفه حقت الصباح؟؟
ساره/ايوه
الجوري/وليش ماتقوليله
عنود/بنات افهموني ترا والله متاكده انه بيفهم غلط
الجوري/اي والله صح بس ايش بتسوين
عنود/الحين ولا شي بانسى الموضوع موقتا وبعدين افكر في الموضوع..بس يلا خلونا نشتري
الجوري /وش رايكم نتفرق مجموعتين احسن
عنود /طيب
وتقسمو
مها وشجون وريما مع بعض
وعنود ولميس وساره والجوري مع بعض
عنود/انتو ياعيال خلوكم في الكوفي ونحنا لا خلصنا بنجيكم طيب
طلال/طيب وفرتون علينا
راحو البنات

وجلسو العيال في الكوفي
نواف ومايقدر يصبر اكثر من كذا/طلال الحين تقولي وش السالفه
بسام/ايوه انا لاحظت ان في شي بينك وبين عنود
طلال/لاتفهمو غلط ...انا مابغيت اقول عشان ماتفهمو غلط...بالذات انت يانواف ...بسام عادي بيفهمني بس انت ...
نواف قاطعه/لا مابفهمك خطا بس قولي وش السالفه
طلال/احلففف انك تسمعني للاخر وماتتسرع في الحكم
نواف/والله مافهمك غلط واسمعك للاخر قوللل بس

طلال/طيب السالفه في البدايه بعد مارحت من عندنا يا نواف لمن كنت معصب من عنود انها ليش تدافع عن ذولاك الاولاد الي كبو علينا المويه في المسجد
نواف/ايوه
طلال/كان الي كبو علينا المويه همم
نواف وبسام بصدمه/اييييسششش
طلال/اي والله كانو هم متنكرين انهم اولاد ويقولون انهم.. لمن كانو داخلين البيت مسكهم جدي واصر انهم يجون المسجد معاه وماقدرو يقولون انهم هم
نواف ومنسجم معاه/ايوه كمل
طلال/وقابلناهم في المسجد وصار الي صار وانا بغيت اعرف مين الي كب علينا المويه طلع انه عنود وساره
بسام/طلعو هم!!
طلال/لاتستغرب فذولا ماتتوقع منهم شي
بسام/ايوه صح ...نسيت انه ماعندهم شي اسمه مستحيل ...كمل
طلال/ولحقت بالعنود ابي امسكها لانها بعد ما اعترفت جلست تنرفز..ولحقت بها وحتى انه عمي والجد وافق اني ارد لها انها كبت علي المويه
بسام بصدمه/قلت لابوي وجدي انها والبنات الي كانو معه في المسجد وانهم الي كبو علينا مويه
طلال/لااااا قلت لهم انها كبت علي مويه وانا نايم ...وهي بغت تنفي بس اشرت لها انه اذا قالت بقول لجدي الحقيقه ..وقالت بحجه انها كانت طفشانه..عشان كذا سمحو لي اني اردها
نواف /وايش سويت
طلال نزل راسه/هنا السالفه الي اخاف تفهم فيه غلط...لحقت بها لبيتكم وهي بعدين طلبت الصلح وقالت لي انه اقرب عشان تشاورني وقالت انها بتعوض لي عن اي شي ابيه وقالت (وضحك)انه بتدور لي في سويسرا بنت مزيونه من الشقراوات