انا بنت فيني رقه وجمال ونعومه بس لا يغرك اني ضعيفه وما اعرف انتقم

١٧

كم انتى قاسيه يا ذكريات .. تعيدينا للأشياء .. ولا تعيدها الينا !!

لميس ناظرت في طلال بصدمهههه
طلال لاحظها وناظر فيها/فيك شي
لميس بمجامله/ل لا ولا شي

ورجعت تقرا الصفحه من جديد كانت مكتوب فيها

"اهليين يا مذكرتي العزيزه...اليوم احس اني ماني بخيير...شوي زعلانه لان ولد عمي الي قلت لك عنه الي اسمه طلال ..اليوم خاصمني وقالي اكرهككك ..اكرهك ماتفهمين؟!...مدري انا وش سويت له بس هو جا فجاه عندنا وقال الي قاله...تتوقعين ليش قال كذا؟؟...انا شوي زعلانه منه ...ليش يقول كذا ...توقعت اننا اصدقاء ..تصدقين يامذكرتي لمن جا وقالي ذا الكلام وراح ..جيت بالحقه بس وليد مسكني وقالي لاتروحين له ...مدري ليه قال كذا بس للحين ماعرفت سبب غضبه ..وقبل شوي كنا كلنا في طاوله الطعام وجالسين نتعشى ...ولاول مره جلسنا انا وطلال هاديين ..حتى ابوي وعمي استغربو من هدوءنا ...وبعد كذا انا قلت بروح اساله ليش يقول كذا ورحت وسالته قبل مايروح غرفته بس هو مارد ليه وطنشني ...المشكله بيرجعون مدينتهم قرريب وانا لازم اعرف ليش قال كذا ..مع اني ما اكرهه والله وقلت لابويه اني احبه بس هوو شكله يكرهني من قلب "

لميس تاثرتت بالي مكتوبب بس بلعت غصتها وفتحت الصفحه الثانيه
لقت مكتوب فيه
"اهلين يامذكرتي العزيزه اليوم انا والجوري سوينا مغاامره خطيييره وحلوه ومخييفه كمان وماعمري بنسااها ..في البدايه رحنا كلنا السووق انا وابوي وعمي والجوري وطلال.... وابوي وعمي خلونا في قسم الالعاب وراحوو وبعدين انا والجوري لمن شفناهم يروحون رحنا نغاامر ورحنا نتمشى في السوق وشكل طلال مالاحظ اختفاءنا لانه في ذاك الوقت تعرف على وحده وشفتهم يضحكون ويسولفون ...مو مهم بس وبعدين رحنا انا والجوري للمصعد(الصنصير)وركبناه وكنا لوحدنا و ضغطنا على الدور السادس وانقفل المصعد وطلع شوي بعدين انطفت الكهربا في المبنى كله وتوقف المصعد في نص الطريق وانعلقنا انا والجوري في المصعد ...كان المكان يخووف لان ماكان في ضوء ...بعدين ولحسن حظنا الجوري كان معها كشااف ..ونورت عليا وجلسناا بجنب بعد واحنا نبكي وجلسنا فتره طويله في المصعد (كلها كانت 3 ساعات يعني مو مره طويله)المهم وبعدين سمعنا صوت حد يصارخ لنا بالانجليزي بانه اذا في حد عالق في المصعد ..طبعا الجوري مافهمته وجلست تقولي وش يقول ..بس انا رديت للرجال وصارخت له باننا معلوقين في المصعد وقال انه الحين بيجيب الانقاذ وراح بعدين ظلينا لوحدنا مره ثانيه ...وخفتت مره تمنيت في ذيك اللحظه انه فارس احلامي وليد يجي وينقذني ..بعدين سمعنا صوت ابوي وعمي يصارخون لنا من تحت ويقولون الجوووري لميس انتو هنا؟؟

ردينا واحنا نبكي '''ايوه احنا هنا سااعدونا ''' بعدين ردو لنا بانهم الحين بينقذونا واننا مانخاف وكذا ..كنا كل الي نسمعه صوت ابوي وعمي اما طلال ماله حسس ..مدري وين كان بس ماعليه ..بعدين جو فرق الانقاذ ومدري كيف سو المصعد خلوه ينزل لتحت شووي و صار في فتحه من تحت نقدر نطلع منها ...طلعو الجوري وجو بيطلعوني بس الظاهر ان الاسلاك حق المصعد انقطعت وما احس الا بالمصعد ينزل لتحت بسرررعه كبيييره مره لدرجه اني طرت ولصقت في السقف وانا اصارخ .. بعدين انصدم المصعد بالارض وانا طحت على الارض بقوه بعد ماكنت اطير ...احححح في ذالك الوقت من الالم راسي سار ينزف وكنت احس ان المكان يتشوشش وغمضت عيوني لدققيقتين(قصدها لساعتين)ولمن فتحت عيوني الاقي فجاه طلال قدامي ...وكان هو جالس وكنت مسنده راسي على فخذه ..مدري وش به صار طيب فجاه وقالي كيفك الحين ..قلت له اني بخير بس سالته انه من متى وهو هنا ؟؟ قالي من اول مادخلنا انا والجوري المصعد ..قالي انه دخل معانا ..مع اني ما اتذكر اني شفته يدخل ..بس بعدين انا قمت لاني تذكرت انه يكرهني من قلب واكيد هو الحين مجبور انه يسوي كذا عشان بعدين ابوي مايخاصمه لانه ما انتبه لي ولا عالجني ...المهم حطيت يدي على راسي بس لقيته مربووط بضماده
ناظرت فيه لقيته لاف للجهه الثانيه وتعابير وجهه جامده شوي (كان المكان معتم من الظلمه بس الكشاف حق الجوري كان معااهم وكان شغال
قلت له شكرا بس هو ماعطاني وجهه سكتنا شوي بعدين سالته ليش قالي اكرهك وزي كذا.. قالي مو شغلكك ..سكتت حفاظا على جبهتي الي طارت مرتين ...بعدين جاتني زي العزيمه وقلت له عااادي اذا تبي تكرهني اكرهني مابجبرك لكن اعرف اني اعتبرك صديقي العزيز ياطلال ..بعدين هو ناظر فيه شوي بنظرات يمكن تكون مليئه بالحقد وبعدين لف للجهه الثانيه
وظلينا ساكتين لمن جونا فريق الانقااذ وطلعنا وبسس"