مدام خالق السماوات حامينــا🙌🏻 فليس هناك قوة علي الأرض ترعبنــا🤚🏻
#الحمدلله
#جنان الشمري
روايـة: #انـكـار✨الـحـلـقـة: #الـسـادسـة✨
#مـنـقـولـة♥️
#إنــكـار 🖤الحلقة السادسة
سكرت منه و طلعت لقيت عزيز جايبلي طاسة اميه و بعد شربت قال
عزيز : ما لقيت حد بس كان في سياره حمرا اول ما وصلت طلعت
انا : سيارة حمرا ؟! " و اذكرت "
عزيز : تعرفي صاحبها ؟
انا : السياره الحمرا الوحيدة اللي شفتها ف حياتي هي السياره اللي انزفيت و يومها قال سليم انها سيارة ولد خالته
عزيز : ولد خالته ؟؟
انا : خالته اللي اختفت من بعد العرس و حتى لما قلتلها ليش ما جت زارتنا او نحن نمشولها غير الموضوع ع طول
عزيز : شن كان اسمه ؟؟
انا : حسن
عزيز : لعيت من ؟
انا : للأسف ما نعرفش شي غير انه اسمه حسن
عزيز : تعرفي شكله ؟
انا : كيف بنعرف شكله و انا مش شايفته اساساً ؟ عليك ذكاء
عزيز : " بحت فيا و سكت "
انا : حتى موسى معش وصل مش عارفة من وين مروح
عزيز : اكيد قريب يجي
انا : " مشيت للمطبخ عشان نحط الطاسه و هو قعد يبرم ف الحوش "طلعت من المطبخ و لقيته في داري، مشيت بشويه عند وصلت وراه
انا : شن ادير هنا
عزيز : " مسكين انفجع و ارتبك " اسف
انا : " ضحكت " و لا يهمك
عزيز : قبل شويه كنتي تبكي و توا تضحكي ؟!
انا : ماهو انت جيت خلاص
عزيز : " ابتسم و برم "انا : قصدك بتطلع ؟ يعني مروح ؟؟
عزيز : تبيني نقعد و لا شنو ؟
انا : عند يجي موسى يعني
عزيز : هنقعد برا عند يوصل
انا : و ليش برا خليك هنا
عزيز : نعم ؟! " و فنص "سكتت و نقاني خفت بعد خفت
انا : نديرلك قهوه ؟ تبي ؟
عزيز : لالا مفش داعي
انا : اوك براحتك
عزيز : " برم يبي يطلع "
انا : عَزيز
عزيز : نعم " و يضحك "
انا : قصدي عليش لما نقول اسمك تضحك ؟!
عزيز : لانك الوحيدة اللي تقولي عزيز بدون إضافات
انا : و الشي هذا يضحك ؟
عزيز : لا اللي يضحك اني مستحيل نخلي حد يقول اسمي بدون شي بس انتِ حاولت اكثر من مره نوضحلك و مش معدله
انا : توضحلي شنو ؟
عزيز : اني الضابط عزيز مش عزيز ولد خالك ! " و قعد يضحك "
انا : اصلاً كان انت ولد خالي راه ما نقولكش عزيز اصلاً
عزيز : شن تقولي امالا ؟!
انا : عزيزي " و ضحكت "
عزيز : دلاله قلتيلي ؟ " و رفع حاجبه "
انا : صوت سيارة اكيد موسى وصلو بالفعل طلع موسى و معاه منيره و اول ما خش شكر عزيز و طلع
منيره : ينعلي اكيد انفجعتي
انا : انفجعت و بس تي قريب متت من الخوف
موسى : أصيلة عزيز هذا لازم يطلع من حياتنا !! فاهمه ؟
انا : شن تبيني ندير ؟ انت مشغول و في ظرف كيف هك كيف نتصرف ؟!
منيره : باهي قول بارك الله فيه
موسى : وضع كيف هذا باتي مفروض يكون هنا
انا : دره كبد هذا صاح ؟
موسى : باهي شن اكتشف الافندي ؟
انا : كان في سياره لما وصل
موسى: سيارة من ؟
انا : تذكر السيارة اللي في زفتي ؟
موسى : متاع ولد خالة سليم ؟
انا : اها، بعد قالي السياره كانت حمرا
موسى : قصدك ولد خالته ؟
انا : يمكن
موسى : هكي الموضوع معش ينسكت عليه
منيره : باهي اللي ما خش
انا : و الله ما عاد ركزت بس كلمت عزيز و معش قدرت نفكر ف شي بس صاح لو خش شن كان هيصير فيا
موسى : " قرب مني " خلاص ما صار شي و معش تفكري في الموضوع هذه مره و قعدتي بروحك معش هتكرر
أنت تقرأ
انكار🖤
ChickLitنصابه ومعاي عصابه...موسى : ما تخافيش انا : موسى !! يوم اللي مشيت في الليل للمستشفى انت خذيت العبايه ؟؟ يتبع . . . #إنكار 🖤 #روآيات_أنثى_شرقيةه 💚 #منقول♥️ روايه ليبيا ل ناقله عراقيه 🙊