روايـة: #انـكـار✨
الـحـلـقـة: #الـسـابـعة&✨
#مـنـقـولـة♥
#إنــكـار 🖤الحلقة السابعة
سلسبيل : بس تخيلي يغيروهن ؟ مش قلتي شاكه في عزيز هذا ؟
انا : و شكي طلع في محله " و ضحكت "
سلسبيل : كيف ؟؟
انا : لما قلتله ع اسم صاحب السياره ههه
سلسبيل : فهميني معش استوعبت
انا : وقت الزفه كانت صاح سياره حمرا و سليم قال سيارة ولد خالته بس انا ما نعرفش اسمه و بلعاني اخترعت اسم حسن و اليوم بعد قلتله الرقم اللي يضايق فيا طلع شور من قالي بأسم حسن
سلسبيل : كيف كيف ؟؟؟
انا : شنو اللي كيف ؟
سلسبيل : يعني يكذب ؟
انا : الباين هك
سلسبيل : يعني توقعي يدير لقطة ف النتيجة و يقلب الموضوع عليك
انا : حالياً متوقعه الشي هذا
سلسبيل : و شن ه اديري ؟
انا : لو صار هكي وقتها هنتقلب المحامي اللي من مصطفى و خلاص 🤷🏻♀️
سلسبيل : يستر اللهقعدنا نهدرزو عند ما جا موسى و روح بيا
//
//
//روحنا للحوش و تعشينا و قعدنا مقعمزين نهدرزو
انا : خلاص هانت كم اسبوع و تجيبي و ترتاحي
منيره : مليت بكل كل ما ليا حاسه بثقل
انا : ع خير و سلامه ان شاء الله
منيره : ان شاء الله، شن جوها سلسبيل ؟
انا : كويسه تسأل عليكِ
منيره : تسأل عليها الصحة و العافيه
انا : موسى
موسى : " كان لاهي في نقاله"
انا : موسى نحكي معاك
موسى : نعم نعم
انا : مرات اليومين هذين نقولك كلم المحامي
موسى : اقتنعتي يعني ؟
انا : اها
موسى : كيف في شي ؟
انا : لالا للاحتياط بس
موسى : باهي تمام تو بكرا نكلمه
انا : تمامقعدت شويه معاهم بعد خشيت لدار
كنت متخوفه من اللي صار و هل عزيز وراه حاجة ؟ مش قادره نصفي نيته تجاهه يعني هو غبي لدرجة هذه ما صدق اني قلت آسم و خلاص مشى قاله ليا؟ ما فكرش انه ممكن يكون فخ ؟ و طاح بسهوله !!
خذاني التفكير و مش قادره نحس اني غلطانه تجاه اللي درته//
//نضت تاني يوم لقيت منيره حايسه في الحوش
انا : شن في من الصبح؟
منيره : لا شي غير اختي و خويا جايين ع الغداء
انا : اها باهي مرحبتين بيهم
منيره : سامي اللي جاي
انا : اها، باه تمام " و مشيت للحمام "و انا نغسل في وجي نسمع فيها تحكي مع موسى بس صوتها واطي، قربت وذني من الباب عشان نسمع
منيره : انت عارف سامي قديش كويس
موسى : منيره سكري ع الموضوع
منيره : عليش بس ؟ هو يبيها بالحلال
موسى : حتى اللي ما يسمى كان جاي بالحلال
منيره : و انت تقارن خويا بيه؟
موسى : تبي تسكري السيره هذه و لا لا ؟؟
منيره : باهي خليني نسألها قبل
موسى : تسمعيلك منها شي كلمة مش شوري انا !
منيره : ما عليك فيا بيني و بينها
موسى : بعدين كيف تفتحي معاها موضوع كيف هذا و هي مازالت في دوامة ؟
منيره : ما قتلكش يبي يزوجها اليوم انا
موسى : ديري اللي تبيه
أنت تقرأ
انكار🖤
ChickLitنصابه ومعاي عصابه...موسى : ما تخافيش انا : موسى !! يوم اللي مشيت في الليل للمستشفى انت خذيت العبايه ؟؟ يتبع . . . #إنكار 🖤 #روآيات_أنثى_شرقيةه 💚 #منقول♥️ روايه ليبيا ل ناقله عراقيه 🙊