انكار🖤

بارت ٩

جنان الشمري

سابني هبله و يقدر يضحك عليا ؟ عشان ضابط يحكي شن يبي و بمزاجه ؟!

//
//
//

منيره : أصيلة نبي نحكي معاك في موضوع ؟
انا : موضوع شنو ؟
منيره : عارفة انه مازال بدري
انا : بدري ع شنو ؟
منيره : ع اني نحكي ف حاجة كيف هك
انا : حاجة شن؟ احكي طول
منيره : ع سامي خويا
انا : منيره بلا زعل بس سكري ع الموضوع
منيره : بس انا مازلت ما حكيت شي
انا : و انا عارفة انتِ شن تبي تحكي بس القصه هذه منتهيه عندي
منيره : ليش منتهيه؟ مازلتي صغيره انتِ و مية وأحد يتمناك
انا : منيره لو سمحتي
منيره : رافضه الفكره گفكرة و لا سامي في حد ذاته
انا : " بحتت فيها و سكتت "
منيره : و لا عشان عزيز
انا : " سمعت اسمه و ارتبكت بروحي" منيره افهميني انا مش ممكن اني نرد كيف قبل و لا ممكن اني نتقبل راجل في حياتي و لا نكمل حياتي مع حد و لا نوثق في حد و لا نعطي الأمان في حد سوى خوك او غيره مستحيلة نوثق في حد غير موسى خويا " و صبيت لداري "

كنت اليوم هذا متواعده انا و سلسبيل نطلعو و انه هتجي تأخذني
وتيت روحي و قعدت نراجي فيها عند تجي، سمعت جرس الباب و مشيت نفتحلها

انا : جايه جايه " و فتحت الباب"

عزيز : نحساب الا صايرلك شي
انا : ع ز ي ز
عزيز : ناقصه ياء " و ابتسم "
انا : ششششن في؟ " و جا في بالي انه جاي يأخذني "
عزيز : كنت نبي نقولك ع نتيجة البصمات بس ما كنتيش تردي
انا : " ما عرفتش شن نرد و قعدت ساكته "
عزيز : قتلك هتكملي حياتك عادي
انا : يعني تأكدت أنهن مش ليا
عزيز : اها بس كان اجراء طبيعي عشان غيري يتأكد
انا : تمام تمام
عزيز : " بحت فيا من فوق للوطا" طالعه شكلك؟
انا : اها، مع سلسبيل
عزيز : صديقتك المقربة اللي متحمله دوتك الواجده " و ضحك "
انا : ايواه هي
عزيز : تمام مش هنعطلك بس لما تروحي كلميني
انا : " رفعت حواجبي بمعنى ليش ؟ "
عزيز : عشان نطمن انك روحتي
انا : " شفت سيارة راجل سلسبيل" أهي جت
عزيز : قصدك راجلها شايلكم ؟
انا : اها !
عزيز : تمام تفضلي !

خذيت الباب في يدي و مشيت قدامه و هو ركب سيارته و انا ركبت لسياره لآخره

سلسبيل : أصيلة من هذا ؟
انا : هذا الضابط
مهند : عزيز ؟؟ " باستغراب "
انا : اها عزيز، كيف تعرفه ؟!
مهند : امتى رد لشغله !
انا : كيف ؟!

يتبع...

#إنكار 🖤

#روآيات_أنثى_شرقيةه 💚