رواية "حب الصدفة" ♥️

part1

رواية "حب الصدفة" ♥️
للكتابة تسنيم الشطي 🌸
.
.
قبل ل نبدا بالرواية بنعرفكم عالشخصيات 🍃👩‍🦰
عبير مواليد 2000 طيبةة وماتحبش المشاكل  ♥️ عيلتها تتكون من امها أمل وبوها محمد وخوها يوسف مواليد  98
.
.
يوم الاحد 🖤 الساعه 10 ص 🖤
أمل : عبير ي عبير
عبير : 😴
أمل : يوسف امشي نوض اختك
مشي يوسف ل عبير ينوض فيها
يوسف : عبييرر ي عبير
عبير: اقلب وجهك من عليا ٠😴
يوسف :شني 😒
عبير: شي (وناضت عين مفتوحه وعين مسكرة 😅)
يوسف: صباح الخير
عبير: صباح النور
ونزلت لقت امها وبوها مقعمزين ع طاولة
عبير : صبااحوو
محمد وأمل : صباح الخير
أمل : امشي اغسلي وجهك وتعالي افطري
عبير : امممباهي
أمل : شن صار فالحوش الي قلت عليه
يوسف : حوش شن
محمد : بنبيع حوشنا هادا وبنشري واحد جديد
يوسف : شنيي ! علاش
محمد: هكي هادا صغير ونبي حوش اكبر
أمل : به شن صار فيه الي قتلي عليه
محمد : تو بنكلم صاحبه وبنشوفه شن بيقولي كان سعره كويس بنبيع هادا طول وبنشريه
يوسف: خيرك ماقلتش من قبل ☹
محمد : اهو قلتلكم
جت عبير قعمزت
عبير: شن كنت  تحكووو 😅👂👂
يوسف يتكلم وهوا يشوف ل بوه : بنشرو حوش تاني وهادا بنبيعوه
عبير : شنننيي علاش حق ي بابا
محمد : اي
عبير: لا علاش  يابابا لا صاحباتي مانقدرش ومدرستي !!!! ككييف
محمد: ديري صاحبات جدد
عبير : لااا
محمد : بعدين عادي يجوك للحوش الجديد مش كان حولتي معاش يجو
عبير ناضت ومشت لدارها
أمل: تعالي افطري
عبير : عنددييش نية
وركبت ل دارها تفكر كيف بتقول ل صحباتها
فتحت تليفونها طوول كلمت صاحبتها رغد
رغد : صباح الخييرر عبورتي
عبير: خير شن بالله
رغد بإستغراب : خيرك 🤨🤨
عبير: بنقولك حاجة !!
رغد قولي شن فيه شغلتيني
عبير: بنحولو
رغد: كيف بتحولو 😳
عبير: بننتقلو لحوش تاني
رغد مصدومة: كيف وامتاااا !!!!!
عبير : توا بابا قالي
رغد : لااا حي حتا من المدرسة
عبير: اي 😭
____________________________________
محمد: كلمت صاحب الحوش وبنمشي توا بنشوفه
أمل : ....
طلع محمد وسكر وراه الباب
يوسف : غر كلميه ياام كيف هكي
أمل: ياولدي الحوش صغير مادابينا اكبر منه
يوسف: غر كلميه !!
أمل ساكته
يوسف شبحلها وطلع وقربع الباب وراه مشي ل صحابه
اما عبير ف دارها تفكر كيف بتتغير حياتها صحباتها ومدرستها وكل شيي بيتغير خداها النوم ورقدت ناضت الساعه 12 ونص نزلت لقت الحوش مافيه حد  فتحت تليفونها اتصلت ب امها
أمل : الو
عبير: وينك ي ماما
أمل : ف حوش عمتك فاطمة شوية ومروحة
عبير : تمام
فتحت عبير التلاجه وهيا جعااانه طلعت بريوش وفازو نوتيلا  وعصير كلت وركبت ل دارها تسمع ف اغاني
شووية وروحت امها فرحانه ركبت ل عبير
أمل : بوك تفاهم مع صاحب الحوش وتمو فيه بعد غدوا بننتقلو 😍
عبير 😣:  كويس
أمل خلي بننزل نجهز الغدا بوك توا كلمني وقاللي مروح
وفاتو يومين 🙈💘
عبير ناضت طبعا كل شي جاهز حوشهم جت شاحنه خدت الاتاث وكل شي ورفعاته للحوش الجديد ناضت عبير فطرت ولبست عبايه
أمل : بتمشي ب عباية !
عبير: عنديش نية نلبس 💔
أمل : ع راحتك
هي فيسع اطلعي خوك يستنا البرا
عبير : باهي
وطلعو وركبو السيارة  ومشو اول ماوصلو للحوش نزلو
أمل تشبح للحوش : ماشاء الله  💙
عبير تشبحله وساكته
يوسف: هي خشو
خشو للحوش عبير قعدت واقفه البرا : شوية ونخش
يوسف : ماتعطليش
عبير ساكته قعدت واقفه تشوف للحوش لين سمعت زوز بنات يوشوشو وراها
تلفتت بابتسامه :اهلين
الاء : كيف حالك
شهد: شن جوك
عبير: الحمد لله تمام كيف حالكم انتم
شهد والاء : الحمد لله
الاء : انتو الي انتقلتو للحوش هادا اليوم
عبير: ايه!!
الاء: اني الاء مواليد 2000 وهادي شهد مواليد2000 حتا هيا نقرو مع بعض ف نفس المدرسة صاحبات وبنات جيران (واشرت ب يدها ع حوشهم )هادا حوشنا احني وهاداكا حوش شهد بحدا بعض
عبير: كويس حتا اني مواليد 2000
شهد : 😍ااه
الاء:😍😍الله
عبير: اي ♥️
وهدرزو لين يطلع يوسف الططررففف 😍🤤وشهد تشبحله لين هوا استغرب ب نضراتها
يوسف: ماشاء الله فيسع مادرتي صحبه
عبير: 😌اي اي هادم شهد والاء يسكنو بحدانا
يوسف ابتسملهم: كيف حالكم
شهد والاء: الحمد لله (وسكتو الاء عيونها لوطا اما شهد العيون ف يوسف 😍😂)
الاء انتبهت ل نظرات شهد
الاء : ه ااحم ااءء ء هيا شههد بنروح اني
شهد : هي
الاء : بعدين نجوك تمام 😍
عبير : اوكيهه 😍
وخشت عبير ويوسف ومشو شهد والاء 😍💘

ف العشية الساعه 5:30
الباب يطقطق ✊🚪
عبير نزلت بتفتح الباب لقت يوسف ماشي بيفتحه قعدت واقفه ف الدروج 💞
يوسف فتح الباب
يوسف : اهلين !♥️

.......
تمت ويتبع ♥️♥️
تفاعلو الرواية تجنن 😍💘